AMW සිය වැඩිදියුණු කළ ටයර් සන්නාමය වන,  “AMW-EPI" එළිදක්වන බව ඉකුත්දා නිවේදනය කළේය. කළුතර බෝධි භාරකාර මණ්ඩලයේ නිර්මාතෘ සහ ඇසෝසියේටඩ් මෝටර්වේස් (ප්‍රයිවට්) ලිමිටඩ් (AMW) නිර්මාතෘ දිවංගත ශ්‍රීමත් සිරිල් ද සොයිසා මහතාගේ මූලිකත්වයෙන්,  1949 දී සිය කර්මාන්ත ශාලාව ආරම්භයේ සිටම රබර් ආශ්‍රිත නිෂ්පාදන සම්බන්ධයෙන් සුවිශේෂී උරුමයක් ඇති AMWමෙම නවතම හඳුන්වාදීමත් සමග ටයර් සඳහා වේගයෙන් ඉහළ යන දේශීය ඉල්ලුම සපුරාලීමට අපේක්ෂා කරන බව එම නිවේදනයේ සඳහන්ය.

එසේම, AMW හි මෙම නව හඳුන්වාදීම හරහා පාරිභෝගික සහ වාණිජ යන කාණ්ඩ දෙකෙහිම මෝටර් රථ හිමියන්ට, විශේෂයෙන්ම මිල සහ ගුණාත්මකභාවය යන අංශ දෙකෙන්ම ඉහළ ප්‍රතිලාභයක් හිමිකර දෙනු ඇති බවAMW හි විශ්වාසයයි.

පුළුල් පරාසයක පාරිභෝගික සහ කාර්මික අවශ්‍යතා සපුරාලමින්, AMWසිය නවීන නිෂ්පාදන ක්‍රමවේද සහ කළමනාකරණ ශිල්පීය ක්‍රම උපයෝගී කර ගනිමින් Yamaha Ray ZR, Honda Dio, TVS Scootypep & Ntorqවැනි ස්කූටර් ටයර් එකතුවක්, Yamaha FZ, Suzuki GN 125, Bajaj Discovery, CT 100 සහ Pulsar වැනි යතුරුපැදි ටයර් එකතුවක්, Bajaj, TVS, Mahindraසහ Piaggio වැනි ත්‍රීවීලර් ටයර් එකතුවක් සහ Tata Dimo Battaසහ Mahindra Maxximo වැනි අනෙකුත් සැහැල්ලු වාහන සඳහාද ටයර් එකතුවක් නිෂ්පාදනය කරයි.

මෙම ටයර් කම්පනයට සහ දෙදරීමට එරෙහිව සියයට සියයක්ම පරීක්ෂා කර ඇති අතර, වංගු ගැනීමේදී සහ තිරිංග යෙදීමේදී වැඩිදියුණු කළ ග්‍රහණයක් සමග උපරිම ආරක්ෂාවක් සහතික කර ඇත. මේ නිසාම, සියලුමAMW-EPIC ටයර් අනුපාතික පදනම මත වසර 3ක වගකීමක්ද ලබාදෙයි.

AMW Manufacturingනියෝජනය කරමින් මේ නවතම හඳුන්වාදීම සම්බන්ධයෙන් විරාන් ද සොයිසා මහතා අදහස් පළ කරමින් මෙසේ පැවැසීය. “ශ්‍රී ලංකාවේ ටයර් වෙළෙඳපොළ ආනයන මත දැඩි ලෙස රඳාපැවතීම හේතුවෙන් පසුගිය වසර දෙක තුළ වෙළෙඳපොළෙහි ටයර් හිඟයක් සමග ඇතිවූ ඉහළ යන ඉල්ලුම සපුරාලීම සඳහා දේශීය ව්‍යවසායයක් ලෙස ඉදිරියට යාමට හැකිවීම ගැනAMW ලෙස අප සතුටු වෙනවා. අපගේ නව්‍ය නිෂ්පාදනය දැරිය හැකි මිලකට මෙන්ම, උසස් තත්ත්වයේ ගුණාත්මකභාවයකින් යුතු නිෂ්පාදනයක් ලෙස අවිවාදයෙන් හඳුන්වාදිය හැකියි. එය දේශීය මෝටර් රථ ප්‍රජාවට අත්‍යවශ්‍ය සහනයක් වනු ඇතැයි කියා අපට විශ්වාසයි.”

AMW සියලුම කාර්මික අරමුණු වෙනුවෙන් දැනටමත් ටයර් නිෂ්පාදනයේ නිරත වන අතර, ඔවුන්ගේ අනෙකුත් රබර් නිෂ්පාදන අතරට මෝටර් වාහන සඳහා අවශ්‍ය බුෂ්, හෝස්, රබර් සීල් සහ රබර් කාපට් ඇතුළත් වෙයි.

දැඩි තත්ත්ව පාලන ක්‍රමවේද යටතේ ක්‍රියාත්මක වෙමින්, අති නවීන නිෂ්පාදන ක්‍රියාවලියක් සඳහා සැලකිය යුතු ආයෝජනයක් සිදුකර ඇති AMW Manufacturing ශ්‍රී ලංකාවේ කළුතර නාගොඩ ප්‍රදේශයේ අක්කර 23ක භූමි ප්‍රදේශයක් පුරා පැතිර පවතී. එය ISO 9001: 2015 තත්ත්ව කළමනාකරණ පද්ධති තත්ත්ව සහතිකයෙන්, ISO 14001:2015 පාරිසරික කළමනාකරණ පද්ධති තත්ත්ව සහතිකයෙන්ද AMW පිදුම් ලබා ඇත.

595