ශ්‍රී ලංකාවේ රාජ්‍ය අංශයේ සේවකයන් සහ විශ්‍රාමිකයන් සඳහාම වෙන් වූ ප්‍රමුඛ පෙළේ ක්‍රෙඩිට් කාඩ්පතක් වන ‘LOLC සවි‘ මගින්, ‘සවි‘ ක්‍රෙඩිට් කාඩ්පත් හිමියන්ගේ 5 වසර ශිෂ්‍යත්වය සමත් දුවා දරුවන් ඇගයීම අරමුණු කරගනිමින් ත්‍යාග ප්‍රදානය කිරීමේ වැඩසටහනක් නැවත වරක් දියත් කරන ලදී.

ඒ අනුව 2022 පහ වසර ශිෂ්‍යත්ව විභාගය සමත් වූ ‘සවි‘ ක්‍රෙඩිට් කාඩ්පත් හිමියන්ගේ දරුවන් 170කට අධික පිරිසකට විශේෂ ත්‍යාග ප්‍රදානය කිරීමක් මෙහි දී සිදුකරන ලදී. මෙම ත්‍යාග බෙදාදීම LOLC ෆිනෑන්ස් හි දිවයින පුරා විහිදී පවතින ශාඛා ජාලය හරහා සිදු වූ අතර, ත්‍යාගලාභීන්ට පහසු ශාඛාවක් හරහා ත්‍යාග ලබා ගත හැකි විය.

අභියෝගාත්මක කාල වකවානුවක් තුළ රටේ පවතින ආර්ථික තත්ත්වය ද හමුවේ ‘LOLC සවි‘ මගින් සිදු කරනු ලැබූ මෙම කර්තව්‍යය දෙමාපියන්ගේ හා දරුවන්ගේ ප්‍රශංසාවට සහ ඇගයීමට ලක්විය.

‘ LOLC සවි‘ මගින් සිදුකරනු ලැබූ ශිෂ්‍යත්ව සමත් හපනුන් ඇගයීමේ මෙම වැඩසටහන රාජ්‍ය සේවකයන් ඇතුළු මහජන අවධානය දිනා ගැනීමට සමත් විය. රාජ්‍ය සේවකයන් හා විශ්‍රාමිකයන් සඳහාම නිර්මාණය කර ඇති‘ LOLC සවි’ ක්‍රෙඩිට් කාඩ්පත 2020 මහබැංකු ඩිජිටල් පරිවර්තන සැලැස්මට සමගාමීව LOLC  ෆිනෑන්ස්හි ඩිජිටල්කරණ උපාය මාර්ගයේ කොටසක් ලෙස හඳුන්වාදෙන ලද්දකි.

මෙම වැඩසටහන පිළිබඳව අදහස් දක්වමින් LOLC ෆිනෑන්ස්හි පාරිභෝගික සහ ඩිජිටල් ව්‍යාපාර අංශයේ ප්‍රධානී හසල තිලකරත්න මහතා මෙසේ ප්‍රකාශ කළේය,

‘‘අපේ මෙම ‘සවි‘ ත්‍යාග ප්‍රදානය කිරීමේ වැඩසටහන හරහා 5 වසර ශිෂ්‍යත්වය සමත් දැයේ දරුවන් ඇගයීමට ලැබීම පිළිබඳව අපි ඉතාමත් සතුටට පත්වෙනවා. LOLC හි අපි නිරන්තරයෙන් දරුවන්ගේ අධ්‍යාපන සිහිනයන් සාක්ෂාත් කිරීමටද, ඔවුන්ගේ උපරිමය කරා ළඟාවීමට ඔවුන්ව සවිබල ගැන්වීමටද කැපවී සිටිනවා. මෙම වැඩසටහනෙන් මේ දුවා දරුවන් ඇඟයීමක් පමණක් නොවෙයි, ඔවුන්ට එම ජයග්‍රහණ ලබා ගැනීම සඳහා ඔවුන් පසුපසින් සිට උපකාර කළ දෙමාපියන්ට ද අපගේ හෘදයාංගම ප්‍රශංසාව පිරිනැමෙනවා. ඒවගේම, මේ දරුවන්ගේ පමණක් නොවෙයි සමස්ත ජාතියේම ඉදිරි පරපුරේ ප්‍රගතිය වෙනුවෙන් ඇප කැප වී වැඩ කිරීමට LOLC ආයතනයේ අපි කවදත් බලාපොරොත්තු වෙනවා”‍.

595