(අංජුල මහික වීරරත්න)

වියළි කළාපයට අයත් මොණරාගල, අම්පාර හා බදුල්ල වැනි ප්‍රදේශ වල අක්කර 100,000ක රබර් වගා කිරීමට සැලසුම් කර ඇති බව කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පැවසීය.

ශ්‍රී ලංකාවේ දැනට වාර්ෂික ස්වාභාවික රබර් නිෂ්පාදනය සියයට 60කින් ඉහළ නැංවීම අරමුණු කර ගනිමින් ඉදිරි වර්ෂ කිහිපයේ රබර් වගා මහ සැලැස්ම ක්‍රියාත්මක කරන බව කෘෂිකර්ම හා වැවිලි කර්මාන්ත අමාත්‍යාංශය පවසයි.

 තාක්ෂණික පිරිවිතර රබර් කර්මාන්තයේ (Technically Specified Rubber – TSR) නිෂ්පාදන කටයුතු කරන කර්මාන්තකරුවන් සමග පැවැති සාකච්ඡාවක දී අමාත්‍යවරයා මේ බව සඳහන් කළේය. දැනට TSR රබර් ආශ්‍රිත නිෂ්පාදන කර්මාන්ත ශාලා 10ක් ඇති අතර ඔවුන් විසින් තම නිෂ්පාදන සඳහා යොදාගන්නා TSR රබර් සඳහා යොදා ගනු ලබන්නේ රබර් කිරි කැපීමේ දී බැහැර කරනු ලබන ඔට්ටපාලුය ( Tree laces) .

නමුත් දැනට තම නිෂ්පාදන ධාරිතාවයෙන් සියයට 30ක් පමණ ප්‍රයෝජනයට ගන්නා බවත් ඔට්ටපාලු හිඟය ඊට බලපා ඇති බවත් කර්මාන්තකරුවෝ පැවසූහ.