අධ්‍යාපනය කඩන අය ගැන පියවර ගන්න නීතිපති උපදෙස් පතයි

(අංජුල මහික වීරරත්න)

ගුරු වෘත්තියට ඇතුළත් වන සියලුදෙනා අනාගත පරපුර වෙනුවෙන් තම සේවය කැප කළ යුතු යැයිද විනයක් නොමැතිව රටක අධ්‍යාපනය පවත්වාගෙන යා නොහැකි යැයිද ජනාධිපති රනිල් වික්‍රමසිංහ මහතා පැවසීය.

උදෑසන 7.30 සිට දහවල් 1.30 දක්වා සෘජුව හෝ වක්‍රව කිසිවකුට පාසල් අධ්‍යාපනය කඩාකප්පල් කිරීමට ඉඩ නොතබන බවත් ඒ පිළිබඳ අවශ්‍ය ඉදිරි ක්‍රියාමාර්ග සොයා බැලීමට තමා නීතිපතිවරයාට උපදෙස් දී තිබෙන බවත් ජනාධිපතිවරයා පැවසීය.

ජනාධිපති රනිල් වික්‍රමසිංහ මහතා මේ බව කීවෙි අධ්‍යාපන පරිපාලන සේවයේ නිලධාරීන්ට පත්වීම් ප්‍රදානය හා උපාධිධාරින් හා ඩිප්ලෝමාධාරීන් හට ගුරු පත්වීම් ප්‍රදානය කිරීම වෙනුවෙන් අරලියගහ මන්දිරයේදී අද (03) පැවති උත්සවයට සහභාගී වෙමිනි.

දරුවන්ගේ අධ්‍යාපනය පිළිබඳ අවධානයෙන් කටයුතු කරන ලෙස සියලු දෙනාගෙන් ඉල්ලා සිටි ජනාධිපතිවරයා මෙම කඩාකප්පල්කාරී ක්‍රියාවන්ට සහාය නොදෙන ලෙස විපක්ෂයෙන් ද ඉල්ලීමක් කළේය.

එසේම ගුරු මාරු සහ උසස්වීම් ක්‍රමවේදය ඉදිරියේ දී මාර්ගගත ක්‍රමය (online) හරහා සිදු කිරීම පිළිබඳ අධ්‍යාපන අමාත්‍යවරයා සමඟ සාකච්ඡා කළ බව පැවසූ ජනාධිපතිවරයා උසස්වීම්වලට අදාළව හෝ ගුරු මාරුවීම්වලට අදාළව කිසිවෙකුට අසාධාරණයක් වීමට ඉඩ නොතබන බවද අවධාරණය කළේය.

ශ්‍රී ලංකා අධ්‍යාපන පරිපාලන සේවයේ III ශ්‍රේණියේ සාමාන්‍ය සේවක පුරප්පාඩු වෙනුවෙන් 60 දෙනෙකු සඳහා පත් වීම් ප්‍රදානය කිරීම හා උපාධිධාරින් 1706 දෙනෙකු සහ ඉංග්‍රීසි ඩිප්ලෝමාධාරී 453කට ගුරු පත්වීම් ප්‍රදානය කිරීම මෙහිදී සිදු කෙරිණි.

අදහස් (7)

අධ්‍යාපනය කඩන අය ගැන පියවර ගන්න නීතිපති උපදෙස් පතයි

ජයනාත් Wednesday, 03 July 2024 02:19 PM

පන්තිවල බලෙන් උගන්වන්න බැහැ. තියෙන ප්‍රශ්න වලට උත්තර සපයලා ගුණාත්මක අධ්‍යාපන පද්ධතියක් රට තුළ හැදිය යුතුයි...

: 24 16

krishnaWednesday, 03 July 2024 03:13 PM

මහත්මයා ගුරුවරයෙක්ද..? නැත්තං...!

: 10 4

randhunuWednesday, 03 July 2024 03:27 PM

බැරි එවුන් රස්සාවෙන් අස් වෙයල්ලා . පුලුවන් උන් කරයි. බලෙන් රස්සාවට ගත්තෙ නැහැනෙ.

: 6 15

අසරණ සරණWednesday, 03 July 2024 04:46 PM

ප්‍රශ්න තියෙනවා නම් දරුවො අසරණ නොකර ඉවත්වෙලා පලයංකෝ ජයනාත් .ඕවා නුඹලාට ආත්ම ගණනක් පඩිසන් දේවි නුඹලාට කවුරුවත් බලෙන් ඇවිල්ලා පත්වීම් දීලා නැහැනේ මොන ආණ්ඩුව ආවත් කරන්නෙ කරන්න පුළුවන් තරමට තමයි කරන්නෙ

: 4 12

සෙනෙවිරත්න Wednesday, 03 July 2024 03:10 PM

පඩි නැතුව වැඩ කරපල්ලා...

: 7 6

Wajirapani Wednesday, 03 July 2024 07:22 PM

කොහොම වුනත් පත්වීම් ලිපියේ තියෙන කොන්දේසි තව ටිකක් විධිමත් කරන්න ඕන ඊළඟට පත්වීම් ලබාදීම සිදුකර මාස කීපයක් පත්වීම් ලිපියේ කොන්දේසි හා රජයේ සේවකයින්ගේ වගකීම් තමන්ගෙ තනතුර රාජ්‍ය සේවයේ තියෙන ස්ථානය ආදිය ගැන පුහුණුවක් ලබාදීමට කටයුතු කරන්න ඕන පුහුණුව අවසානයේ විභාගයක් පවත්වා ලබාගත් ලකුණු අනුව පාසල් ලබාදීම කලොත් හොදයි කියලා හිතෙනවා

: 0 1

ජයනාත් Wednesday, 03 July 2024 08:23 PM

අසරණ සරණ අසරණ වෙලා... පව්... අද වැඩ වර්ජන කරන්නෙ ගුරුවරුන් විතරයි ද.. ඇයි ග්‍රාම නිලධාරී , පරිපාලන නිලධාරීන් , රේගු , විශ්ව විද්‍යාල කාර්ය මණ්ඩලය , ..... එිව පේන්නෙ නැති තරමටම අසරණ වෙලා... තොපි තමා රට විනාශ කලේ ... දැන් රටේ ඉතිරි වෙන්නෙ ඔය වගෙ වැදගත්කමක් නැති එවුන් විතරයි අන්තිමට ...

: 0 0

ඔබේ අදහස් එවන්න

දියත

අධිකරණයට අපහාස කළැයි නිලන්තට චෝදනා

2024 සැප්තැම්බර් මස 27 371 0

පාස්කු ඉරුදින ත්‍රස්ත ප්‍රහාරයේ වන්දිය ලෙස නියම කළ රුපියල් මිලියන 75ක මුදල ගෙවීමට අපොහොසත් වීමෙන් අධිකරණයට අපහාස කළේ යැයි රාජ්‍ය බුද්ධි සේවයේ හිටපු ප්

වසා දැමූ කොළඹ පාරක් ජනපති නියමයෙන් යළි අරී

2024 සැප්තැම්බර් මස 27 839 1

ශ්‍රීමත් බාරොන් ජයතිලක මාවත සහ ජනාධිපති මන්දිරය අසල පිහිටි ජනාධිපති මාවත අද සිට මහජනතාවට විවෘත කරන ලෙස ජනාධිපති අනුර කුමාර දිසානායක පොලිසියට නියෝග ක

වැඩබලන පොලිස්පති ලෙස ප්‍රියන්ත වීරසුරිය පත් කරයි

2024 සැප්තැම්බර් මස 27 533 0

වැඩබලන පොලිස්පතිවරයා ලෙස උතුරු මැද පළාත භාර ජ්‍යේෂ්ඨ නියෝජ්‍ය පොලිස්පති ප්‍රියන්ත වීරසූරිය මහතා අද (27) පත් කර තිබේ.

සජබේ මහ පුටු වෙනසක්

2024 සැප්තැම්බර් මස 27 870 0

සමගි ජන බලවේගයේ සභාපති ධුරය සඳහා හිටපු පාර්ලිමේන්තු මන්ත්‍රී ඉම්තියාස් බාකීර් මාකාර් මහතා පත් කර තිබේ.

රජයේ ප්‍රවෘත්ති අධ්‍යක්ෂ ජනරාල් ඉල්ලා අස්වෙයි

2024 සැප්තැම්බර් මස 27 1364 0

රජයේ ප්‍රවෘත්ති අධ්‍යක්ෂ ජනරාල් දිනිත් චින්තක කරුණාරත්න මහතා එම ධුරයෙන් අද ඉල්ලා අස්වී තිබේ.

රණාලේ වගුරු බිමක මිනිස් ඇටකටු

2024 සැප්තැම්බර් මස 27 570 0

නවගමුව රණාල ප්‍රදේශයේ වගුරු බිමක තිබී මිනිස් ඇටසැකිලි කිහිපයක් හමු වූ බව නවගමුව පොලිසිය පවසයි.