(බී.ජි. චතුරංග )

බලපත්‍රයක් නොමැතිව අනවසරයෙන්  පෞද්ගලික ලී මඩුවක් පවත්වා ගෙන ගිය යුද  හමුදා භටයින් තිදෙනෙකු , ලී බඩු තොගයක් සහ බඩු උපකරණ සමග අත්අඩංගුවට ගත් බව ප්‍රියංකරගම පොලිසිය පවසයි.

මෙලෙස  අත්අඩංගුවට පත්ව ඇත්තේ ගල්නෑව, බුල්නෑව  ප්‍රදේශයේ   යුද හමුදා කඳවුරක සේවයේ නිරත , එප්පාවල හල්මිල්ලෑව , පළුගස්වැව විජිත පුර , ගල්ගමුව පාළුව, යන ප්‍රදේශවල පදිංචිව සිටි සාමාන්‍ය සෙබළුන් දෙදෙනකු සහ කෝප්‍රල්වරයෙකි.

ලැබුණු තොරතුරකට අනුව ඊයේ (24දා) ප්‍රියංකරගම පොලිසියේ ස්ථානාධිපති පොලිස් පරීක්ෂක ලක්සිරි මහතා ඇතුළු නිලධාරීහු කණ්ඩායමක්, එප්පාවල ඉහල හල්මිල්ලෑව, අධිරානිගම ප්‍රදේශයේ මෙම වැටලීම සිදු කල බව පොලිසිය කියයි.

සැකකරුවන් තිදෙනා අත්අඩංගුවට ගත් අවස්ථාවේදී එම වඩුමඩුව තුල තිබී සාදා නිම කරන ලද පුටු කට්ටල  දෙකක් , මේස දෙකක් සහ අඩක් නිම කරන ලද ඇඳක්  ඇතුළු ලී බඩු සෑදීමට උපයෝගී කර ගන්නා වඩු උපකරණ රැසක් අත්අඩංගුවට ගත් බව පොලිසිය  වැඩි දුරටත් සඳහන් කළේය.