(ඩයනා උදයංගනී)
මෙරට කීර්තිමත්, ධර්මධර හා විනයධර, භික්ෂූන් වහන්සේනමක වූ කැලණිය විශ්ව විද්යාලයේ කුලපති, මල්වතු පාර්ශවයේ කොළඹ, හලාවත දෙදිසාවේ ප්රධාන සංඝනායක, පෑලියගොඩ විද්යාලංකාර පරිවෙණාධිපති, අපවත් වී වදාළ ආචාර්ය වැලමිටියාවේ කුසලධම්ම නා හිමියන්ගේ දේහය පිළිබඳ ආදාහන පූජෝත්සවය, අග්රාමාත්ය මහින්ද රාජපක්ෂ මහතාගේ ද සහභාගීත්වයෙන්, කොළඹ නිදහස් චතුරස්රයේදී, පූර්ණ රාජ්ය ගෞරව සහිතව අද පස්වරුවේ පැවැත්විණි.
කුසලධම්ම නා හිමියන්ගේ ආදාහන පූජෝත්සවය පැවැත්වුණු අද දිනය රජය විසින් ජාතික ශෝක දිනයක් ලෙස ද ප්රකාශයට පත්කර තිබිණි.
වැලමිටියාවේ කුසලධම්ම නා හිමියෝ වසර 84ක් ආයු වළඳා ඉකුත් 28 වැනිදා අපවත් වී වදාළහ.
නා හිමියන්ගේ දේහය මහජන ගෞරව සඳහා එදින පස්වරුවේ සිට උන්වහන්සේ විහාරාධිපතීත්වය දැරූ පෑලියගොඩ විද්යාලංකාර පිරිවෙන් විහාරස්ථානයෙන් තැන්පත් කර තිබූ අතර අද (31) දහවල් 12.00ට උන්වහන්සේ කුලපතිධූරය දැරූ කැලණිය විශ්ව විද්යාලය වෙත රැගෙන එනු ලැබිණි.
අනතුරුව දේහය රැගත් රථ පෙරහැර කැලණිය විශ්ව විද්යාලයෙන් ගමන් ආරම්භ කළේය.
දේහය රැගත් රන්සිවි ගෙය දෙපස සේසත් රැගත් පිරිස් ගමන් කළ අතර ඒ පසුපසින් මහා සංඝරත්නය වැඩම කළහ. එමෙන්ම මග දෙපස මහ නා හිමියන්ට ගෞරව ලෙස ත්රිවිධ හමුදා සාමාජිකයන් රඳවනු ලැබ තිබිණි.
කුසලධම්ම නා හිමියන්ගේ ආදාහන පූජෝත්සවය පැවැත්වුණු අද දිනයේදී උන්වහන්සේට ගෞරව පිණිස කැලණියේ සිටම මග දෙපස මෙන්ම කොළඹ නිදහස් චතුරස්රය අවට ප්රදේශය කහ පැහැති ධජයන්ගෙන් සරසා තිබිණි.
නා හිමියන්ගේ දේහය රැගත් ආදාහන පෙරහැර කොළඹ නිදහස් චතුරස්රය වෙත පස්වරු 2.00ට පමණ ළඟා වූ අතර එම අවස්ථාවේදී ගුවන් හමුදාවේ හෙලිකොප්ටර් යානා මගින් නා හිමියන්ගේ දේහය වෙත ගුවනින් මල් ඉසීම සිදුවිය.
භික්ෂූන් වහන්සේ විශාල පිරිසක් මෙම අවස්ථාවට වැඩම කර සිටීම හේතුවෙන් නිදහස් චතුරස්ර භූමිය කහ පැහැයෙන් බැබළිණි.
දේහය විශේෂ පීඨිකාවේ තැන්පත් කිරීමෙන් අනතුරුව ඒ වෙත යුද හමුදා ආචාරය පුද කරමින් දේහය සිවු කොන මුර සෙබළුන් ස්ථානගත කිරීම සිදුකෙරිණි.
අනතුරුව ජනාධිපති ගෝඨාභය රාජපක්ෂ මහතාගේ ශෝක පණිවුඩය සභානායක, අධ්යාපන අමාත්ය දිනේෂ් ගුණවර්ධන මහතා විසින් අවමංගල සභාවට ඉදිරිපත් කළේය.
අග්රාමාත්ය මහින්ද රාජපක්ෂ, විපක්ෂනායක සජිත් ප්රේමදාස යන මහත්වරුන් ද අවමංගල සභාව ඇමතූ අතර කැලණිය විශ්ව විද්යාලය වෙනුවෙන් වූ ශෝක ප්රකාශය එහි උපකුලපති, ජ්යෙෂ්ඨ මහාචාර්ය නිලන්ති ද සිල්වා මහත්මිය ඉදිරිපත් කළාය.
කොවිඩ් අවදානම හේතුවෙන් සෞඛ්ය අංශවල උපදෙස් අනුව අදාහන පූජෝත්සවයේ වැඩකටයුතු සැලසුම් කර තිබූ අතර එම භූමියේ රැඳී සිටීමට අවකාශ සලසා තිබුණේ ආසන පනවා තිබූ ප්රමාණයට පමණි.
ආණමඩුවේ ධම්මදස්සී අස්ගිරි පාර්ශවයේ අනු නා හිමි, මකුලෑවේ ශ්රී විමල ශ්රී ලංකා රාමඤ්ඤ නිකායේ මහ නා හිමි, ශ්රී ලංකා අමරපුර මහා නිකායේ සභාපති, ශාස්ත්රපති ගංතුනේ අස්සජි නා හිමි ප්රමුඛ ත්රෛනිකායික මහා සංඝරත්නය, සෙසු ආගමික පූජකවරුන්, කතානායක මහින්ද යාපා අබේවර්ධන, මැති ඇමතිවරුන්, විදෙස් තානාපතිවරුන්, අමාත්යාංශ ලේකම්වරුන් ඇතුළු විශාල පිරිසක් මෙම අවස්ථාවට එක්ව සිටියහ.
2023/ 2024 තක්සේරු වර්ෂය සඳහා ආදායම් බදු ගෙවිය යුතු සෑම තැනැත්තෙක්ම එම තක්සේරු වර්ෂය සඳහා ගෙවිය යුතු සියලුම ආදායම් බදු සැප්තැම්බර් 30 දිනට හෝ එදිනට පෙර ගෙවා අ
කොළඹ - මහනුවර මාර්ගයේ යක්කල නගරය ආසන්නයේදී සිදුව ඇති රිය අනතුරකින් යතුරු පැදියක ගමන් ගත් පුද්ගලයෙකු ජීවිතක්ෂයට පත්ව ඇති බව යක්කල පොලීසිය සඳහන් කරයි.
නඩත්තු කටයුත්තක් හේතුවෙන් කැළණිවැලි දුම්රිය මාර්ගයේ පැගිරිවත්ත දුම්රිය හරස් මාර්ගය හෙට (29) උදේ 8.30 සිට සවස 5.30 දක්වා කාලය තුළ තාවකාලිකව වසා දැමීමට දුම්රි
හෙට (29) සිට පෘථිවියට අලුත් සඳක් එසේත් නැතිනම් චන්ද්රයෙක් එක්වනු ඇතැයි තාරකා විද්යාඥයෝ පවසති. මේ අලුත් සඳ, දින 53 ක් තිස්සේ පෘථිවිය සමඟ සිටින බව තාරකා විද
වෙනස්ම හැඩති පාෂාණයක් අඟහරු මතුපිටින් හමුවීමත් සමඟ නාසා විද්යායන් මේ වනවිට තරමක් කලබලයට පත්ව ඇති බව වාර්තා වේ.
හැරී පොටර් චිත්රපට මාලාවේ ප්රොෆෙසර් මැක්ගෝනිගල් චරිතයට පණ පෙවූ බ්රිතාන්ය සම්මානනීය නිළි මැගී ස්මිත් දිවි ගමනට සමු දුන්නාය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අප ගුරු නා සමිඳු නිවනින් නිවෙන්නයි