අ‘පුර විරෝධතාකරුවන්ට ඇප

(උපාලි ආනන්ද)

අධිකරණ නියෝග නොතකා අයුතු ජනරාශීයක නියැලෙමින් උතුරු මැද පළාත් සභා ගොඩනැගිලි සංකීර්ණයට බලහත්කාරයෙන් ඇතුළු වී එහි දේපොළවලට හානි කළැයි සැකපිට අත්අඩංගුවට ගෙන අධිකරණය හමුවට ඉදිරිපත් කළ උතුරු මැද පළාත් රැකියා විරහිත උපාධිධාරී තරුණ තරුණියන් 23 දෙනා රුපියල් ලක්ෂය බැගින් වූ ශරීර ඇප මත මුදා හරින්නැයි අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය මහතා නියෝග කළේය.

සැකකරුවන් රක්ෂිත බන්ධනාගාර ගත කරන ලෙස පොලිසිය කළ ඉල්ලීම මහේස්ත්‍රාත්වරයා තරයේ ප්‍රතික්ෂේප කළේය.

මෙසේ ශරීර ඇප මත මුදා හැරියේ උතුරු මැද රැකියා විරහිත උපාධිධාරී සංගමයේ ක්‍රියාරියාකාරී උපාධිධාරින් දොළොස් දෙනෙකු සහ උපාධිධාරිනියන් එකොළොස් දෙනෙකි.

රැකියා විරහිත උපාධිධාරීන් නොසන්සුන්කාරී ලෙස හැසිරීම හේතුවෙන් උතුරු මැද පළාත් සභාව සතු ඇතැම් දේපල වලට යම් යම් හානි සිදුවී ඇති බව පොලිසිය අධිකරණයට දැනුම් දුන්නේය. මෙම සිද්ධිය සම්බන්ධයෙන් සිදුකරන විමර්ශන තවමත් අවසන්ව නොමැති බවට අධිකරණයට අවධාරණය කළ පොලිසිය සියලු සැකකරුවන් රක්ෂිත බන්ධනාගාර ගත කරන ලෙසට ඉල්ලා සිටියේය.

සැකකාර රැකියා විරහිත උපාධිධාරින් වෙනුවෙන් පෙනී සිටි නීතිඥයින් අධිකරණයට කරුණු දක්වමින් කියා සිටියේ උපාධිය ලබාගෙන වසර ගණනාවක් ගත වුවද කිසිදු රැකියාවක් නොලැබීම හේතුවෙන් තම සේවාදායකයන් සහ ඔවුන්ගේ පවුල්වල සාමාජිකයින් දැඩි අසරණභාවයට පත්ව සිටින බවයි. රැකියා ඉල්ලා උද්ඝෝෂණය කළා මිස තම සේවා දායකයින් කිසිදු කලහකාරී කටයුත්තකට සම්බන්ධ නොවූ බවද නීතිඥයෝ කියා සිටියහ.

අදහස් (4)

අ‘පුර විරෝධතාකරුවන්ට ඇප

අනුර කුමාර Monday, 06 May 2024 06:54 PM

උපාධිධාරීන්ට රස්සාවල් දෙන එක ආන්ඩුවේ වැඩක් නොවෙයි. ලොකේ කොහෙවත් නැති කෝලමක් මෙහේ ඉන්න දේශපාලුවෝ ඡන්ද ගන්න කළේ. එහෙනම් OL AL පාස් කට්ටියටත් රස්සාවල් දෙන්න එපායැ. එක වසරේ ඉඳලා විශ්ව විද්‍යාල වෙනකල් උගන්වලා, හොයා ගනිංකෝ රස්සාවල්... නැත්නම් ස්වයං රැකියාවක් හොයාගන්න. මහින්ද මහත්තයා උපාධිධාරී ලක්ෂයකට රස්සාවල් දීලා, ඒ කට්ටිය සමහරු නිකං පඩි කනවා. අහිංසක මිනිස්සු හම්බ කරන දෙයින් තමයි tax කපලා පඩි දෙන්න ඕනෑ. මහින්ද මහත්තයාට පස්සට ගහලා එලවලත් දැම්මා කරපු උදව්වට...!

: 4 16

රෝයි ෆෙඩ්රික්ස්Tuesday, 07 May 2024 04:28 AM

ආයුබෝවන් අප්පුහාමි! මුන්නැහේ තවම ඉන්නේ අර තණකොල කන 69 ලක්ෂයේ හරක් පට්ටියේ නේද? එතකොට ආණ්ඩුව උන්ගේ තනතුරු හදලදීලා මහජන මුදල් ගෙවන එක සාධාරණද?

: 0 0

Nimal Monday, 06 May 2024 07:43 PM

තම අයිතිවාසිකම් වෙනුවෙන් හඬක් නගන මේ තරුණ තරුණියන්ට මගේ ආචාරය...

: 14 4

Lalla Monday, 06 May 2024 11:13 PM

නොමිලේ උපාධිය තෙක් අධ්‍යාපනය දීලා රටට බරක්වෙන විදියට රජයේ රැකියාවක් දෙන්න ඕනෑද? උපාධිය ගත්තු අය රජයේ රැකියාවලට ගන්න ඕනෑ කියලා කියන එකම රට ලංකාව විය හැකියි.. උපාධිධාරියකුගෙන් රට බලාපොරොත්තු වන්නේ ව්‍යවසායකත්වයයි. ඒත් අපේ කොලකෑලි උපාධිධාරීන් පෞද්ගලික ව්‍යවසායන්වල රැකියාවකටවත් යන්න කැමැති නෑ. හේතුව මහන්සි වී වැඩ කරන්න ඇති අකැමැත්ත සහ නොහැකියාව...

: 0 0

ඔබේ අදහස් එවන්න

දියත

අනවසරයෙන් මසුන් මැරූ ඉන්දියානුවෝ 17ක් අල්ලයි

2024 සැප්තැම්බර් මස 30 127 0

මෙරට මුහුදු සීමාවට අනවසරයෙන් ඇතුළුවී ධිවර කටයුතු වල නිරතවූ ඉන්දියානු ධිවර යාත්‍රා දෙකක් මන්නාරමට උතුරින් වූ මෙරට මුහුදු සීමාව තුලදී අත්අඩංගුවට ගත බව

අපරාධ රැසකට සූදානම්ව සිටි අයෙක් ගිනිඅවි -උණ්ඩ සමඟ අල්ලයි

2024 සැප්තැම්බර් මස 30 520 0

විදෙස් රටක සිටින බවට ඒත්තු ගන්වා විදෙස් දුරකථන අංක භාවිත කරමින් අපරාධයකට සැරසී සිටි පොඩි ලැසී ගේ මාමා ගිනි අවියක් සහ ජීව උණ්ඩ සමග වැලිවේරිය ප්‍රදේශයේ

බඳින තුවක්කුව පත්තු වී අයෙක් රෝහලේ

2024 සැප්තැම්බර් මස 30 103 0

බඳින තුවක්කුවකින් වැදුණු වෙඩි පහරක් හේතුවෙන් පාදයකට තුවාල සිදු වූ පුද්ගලයකු ගම්පහ මහ රෝහලට ඇතුළත් කර ඇතැයි කොටදෙනියාව පොලිසිය කියයි.

භාණ්ඩාගාර බිල්පත් වෙන්දේසියක් අනිද්දා

2024 සැප්තැම්බර් මස 30 546 0

රුපියල් මිලියන එක්ලක්ෂ හතලිස් දෙදහස් පන්සියයක් වටිනා භාණ්ඩාගාර බිල්පත් වෙන්දේසියක් බදාදා (2 ) පවත්වන බව ශ්‍රී ලංකා මහ බැංකුව පවසයි.

විදෙස් දුම්වැටි සමඟ කතක් ගුවන්තොටේදී මාට්ටු

2024 සැප්තැම්බර් මස 30 330 0

රුපියල් පනස් පන් ලක්ෂ විසි දහසක් පමණ වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් , ගුවන් තොටුපොළෙන් පිට කර ගෙන යමින් සිටි

අත අහිමි දැරියට අලුත් අතක්

2024 සැප්තැම්බර් මස 30 969 0

මෙවැනි සංකීර්ණ සැත්කමක් ඉන්දීය වෛද්‍යවරුන් යටතේ සිදුවුණු පළමු අවස්ථාව මෙය බවත්, මේ අයුරින් සැත්කමක් මගික් අතක් බද්ධ කෙරුණු ආසියානු කලාපයේ ළාබාලතම තැ