2024 නොවැම්බර් මස 26 වන අඟහරුවාදා
2024 නොවැම්බර් මස 26 වන අඟහරුවාදා
(ක්‍රිෂාන් ජීවක ජයරුක් සහ නිමන්ති රණසිංහ)
දක්ෂිණ අධිවේගී අපරැක්ක පිවිසුමේදී අමාත්‍යාංශ අතිරේක ලේකම්වරයකු බව කියූ අයකුගේ රියැදුරු බලපත්‍රය පරීක්ෂා කළැයි උරණ වී පොලිස් නිලධාරියකුට බැණ තර්ජනය කර වෙනත් ස්ථානයකට මාරු කළැයි කියන සිද්ධියක් සම්බන්ධයෙන් විශේෂ පරීක්ෂණයක් ආරම්භ කර ඇතැයි පොලිස් මූලස්ථානය පවසයි.
එම නිලධාරියා ප්‍රබල දේශපාලනඥයකුගේ මැදිහත්වීම මත එම මාරුව සිදු කර ඇතැයි වාර්තා වෙයි.
මෙම පුද්ගලයා ඔහුගේ බිරිඳ සමග පසුගිය දිනෙක දන්දෙණියට ගොස් නැවත පැමිණෙමින් සිටියදී මෙම සිද්ධිය වී ඇතැයි වාර්තා වෙයි
පොලිස් නිලධාරියා එම පුද්ගලයාගෙන් රියැදුරු බලපත්‍රය ඉල්ලූ අවස්ථාවේදී ඔහු පොලිස් ප්‍රධානීන්ගේ නම් ගම් කියමින් යම් අයකුට දුරකථන ඇමතුමක් ලබා දී ඔහුගේ බලය පෙන්වා ඇති අතර, මේ අවස්ථාවේදී අසල සිටි අයකු එම සිදුවීම ජංගම දුරකථනයකින් පටිගත කර සමාජ මාධ්‍ය වෙත මුදාහැර ඇත.
අධිවේගී මාර්ගයේ ගමන් කිරීමේදී ඒ සම්බන්ධයෙන් දැනුවත් කිරීමට අධ්‍යක්ෂවරයා තමන්ට උපදෙස් දී ඇති බවත් ඒ හේතුවෙන් තමන් රියැදුරු බලපත්‍රය පරීක්ෂා කර උපදෙස් දුන් බවත් එම නිලධාරියා සඳහන් කරන අයුරු එම වීඩියෝවේ දැක්වේ.
කෙසේ වෙතත්, රියැදුරු බලපත්‍රය නොදී දිගින් දිගටම දුරකථන ඇමතුමක රැඳී සිටිමින් ඉහළ නිලධාරීන් දැනුවත් කරමින් සිටි මෙම පුද්ගලයා පසුව රියැදුරු බලපත්‍රය දෙන අවස්ථාවේදී ඔහුගේ බිරිඳ ද පොලිස් නිලධාරියාට බැණ වදින ආකාරය එම වීඩියෝවේ දැක්වේ.
එම අවස්ථාවේදී සිදුවූ දෙබස මෙසේය.
පොලිස් නිලධාරියා:- සර්ව අපි අපහසුතාවයට පත් කරන්නේ නැහැ. මම ඩ්‍රයිවින් ලයිෂන් එක ඉල්ලුවේ විස්තර ටික ගන්න. ඒ කියන්නේ දැනුවත් කිරීම් කරන්න ඕන මහත්තයා. මොකද ඩිරෙක්ටර් මහත්තයා අපට කියලා තියෙනවා රියැදුරන් දැනුවත් කිරීම් කරන්න කියලා.
රියැදුරු:- (ජංගම දුරකථනයෙන් ඇමතුමක් ගනිමින්) “ගන්නකෝ. රෝහණට. මේ කියන්නකෝ, මෙතන සිද්ධියක් වුණා කියලා. රෝහණට, එස්.පී.ට”
පොලිස් නිලධාරියා:- හරි ඔබතුමාගේ විස්තර ටික මම ගත්තා. ෂීට් බෙල්ට් එක දාගෙන මාස්ක් එක දාගෙන වේගෙන් යන්න එපා. සියයනේ.
රියැදුරා:- හැමදාම ඔහොම තමයි යන්නේ. නීතියක් කියන්න දෙයක් නෑ. අමාත්‍යාංශ ලේකම්වරයකු විදිහට.
පොලිස් නිලධාරියා:- ඩිරෙක්ටර් මහත්තයා කියලා තියෙන්නේ. ඔබතුමන්ලා දැනුවත් කරන්න කියලා.
රියැදුරු:- (ජංගම දුරකථනයේ පෙර ඇමතුමේම රැඳී සිටිමින්) “ඔයා මේක දා ගන්නකෝ. 40938. ඒ.එස්.පී.ට කියන්න. රෝහණට. මෙතන අපහසුතාවයට පත් කලා කියලා. අයි.ඩී. එක අර ගන්නවා. අයි.ඩී. එක බලනවා. ලියා ගන්නවා.
පොලිස් නිලධාරියා:- අයිඩෙන්ටිය නොවෙයි. ඩ්‍රයිවින් ලයිෂන් එක. අයිඩෙන්ටිය ගන්නත් පොලිස් නිලධාරියට බලතල තියෙනවා.
රියැදුරු:- (පෙර දුරකතන ඇමතුමේම රැඳී සිටිමින්) “ඔයා දැන් එස්.පී.ට කියන්නකෝ. මම දැන් වාහනය අයින් කර ගන්නකම්. අරන් කියන්නකෝ. මෙහෙම සිද්ධියක් වෙලා. රිපොට් කළා කියලා. දවුලගලට කියන්නකෝ.” ඔය ගොල්ලෝ පුරුදු වෙන්න ඉස්සෙල්ලා.
පොලිස් නිලධාරියා:- ඔබ තුමාගේ ඩ්‍රයිවින් ලයිෂන් එක මෙන්න. මගේ සර්විස් එක 16 ක්. මට පුරුදු වෙන්න දෙයක් නෑ සර්.
රියැදුරු:- මටත් පුරුදු වෙන්න දෙයක් නෑ. මමත් අවුරුදු 20 ක් විතර.
පොලිස් නිලධාරියා:- මම ඔබතුමාව නවත්තගත්තේ ඔබතුමාගේ විස්තර ටික ලියා ගන්න මහත්තයා.
රියැදුරු:- කවදාවත් අමාත්‍යාංශයේ වාහන මේ එන්ට්‍රන්ස් එකේ නවත්වලා නැහැ.
පොලිස් නිලධාරියා:- ඉතින් මහත්තයා මෙහෙමනේ. ඩොක්ටර් බෝඩ් එක ගහගෙන ඩොක්ටර් නෙමෙයි යන්නේ. අමාත්‍යාංශ ලේකම් බෝඩ් එක ගහගෙන අමාත්‍යාංශයේ ලේකම් නෙමෙයි යන්නේ.
රියැදුරු:- ඔයාට මේක විශ්වාස නැද්ද?
පොලිස් නිලධාරියා:- හරි ඕක විශ්වාසයි.
රියැදුරු:- කවුද දන්නවද? අමාත්‍යාංශයේ දෙවැනියා.
පොලිස් නිලධාරියා:- හරි හරි සර්. ඕක විශ්වාසයි. ඒක තමයි ඔබතුමාගේ විස්තර ටික අරගත්තේ ලියාගත්තේ.
රියැදුරු:- විශ්වාස නම් විස්තර ටික ගන්නේ මොකටද?
පොලිස් නිලධාරියා:- නැහැ. විස්තර ගන්නේ දැනුවත් කරන්න. අධිවේගී මාර්ගයේ යනකොට දැනුවත් කරන්න ඕන. හරි හරි දැන් පස්සෙන් වාහනයක් ඇවිත් තියෙනවා. මිස් යන්න.
යාබද අසුනේ සිටින බිරිඳ:- මේ වගේ ටියුටිකරන හින්දා.
පොලිස් නිලධාරියා:- අයිනට කර ගන්න. මේ සර් යන්න.
රියැදුරුගේ බිරිඳ:- නැහැ. නැහැ. අපි ඉන්නවා.
මෙම සිදුවීම සම්බන්ධයෙන් මහජන ආරක්ෂක අමාත්‍ය රියර් අද්මිරාල් සරත් වීරසේකර මහතාගෙන් අප කළ විමසීමකදී ඔහු සඳහන් කළේ, පොලිස් නිලධාරියාට ලබාදුන් ස්ථාන මාරුව වහාම අවලංගු කිරීමට කටයුතු කළ බවය.
ඉන්දීය ප්‍රිමියර් ලීග් (අයි.පී.එල්) ඉතිහාසයේ කණ්ඩායමක් සමග ගිවිසුමක් අත්සන් කළ ළාබාලතම ක්‍රීඩකයා වීමට බිහාර් ප්‍රාන්තයේ 13 හැවිරිදි වෛභව් සූර්යවංශි සම
මහ ඉලුප්පල්ලම නගරය හා ඒ අවට ප්‍රෙද්ශයට කාලාන්තරයක් තිස්සේ එල්ලව ඇති වන අලි තර්ජනය වඩාත් තීව්‍ර කරමින් මහඉලුප්පල්ලම නගරයට අද (25) රාත්‍රී 7.00ට පමණ කඩා වැදු
හිටපු ජනාධිපති රනිල් වික්‍රමසිංහ මහතා ඉන්දියාවේ මධ්‍ය ප්‍රදේශ් හි ඉන්දෝර් (Indore) හි ශ්‍රී සත්‍යා ශ්‍රී විද්‍යා විහාර් උසස් අධ්‍යාපන ආයතනයේ විශේෂිත දෙස
කුවේට් රාජ්‍යය සහ ශ්‍රී ලංකාව අතර 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේ , එරට මධ්‍යම බන්ධනාගාරයේ (Central Jail of Kuwait) මත්ද්‍රව්‍ය චෝදනාවලට
චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ප්‍රමුඛ චින දූත පිරිස අද (25) ජනාධිපති කාර්ය
බදු ගෙවීම පැහැර හැරීම සම්බන්ධයෙන් මාස හයක සිර දඬුවම් විඳින මෙන්ඩිස් සමාගමේ අධ්‍යක්ෂ අර්ජුන ඇලෝසියස් සැකකරු ප්‍රවෘත්ති පත්‍රයක් මුද්‍රණය කිරීම සඳහා
2024 නොවැම්බර් මස 05
532
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
743
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
අමාත්‍යාංශ ලේකම්ගේ ලයිසන් එක ඉල්ලුවාම රාළහාමිට මාරුවක්
එරඳ ගාල්ලගෙ Sunday, 03 October 2021 10:56 PM
රජය පොලිස් සේවයේ ගෞරවය ආරක්ශා කිරීමට ලේකම්ට විනය පියවරක් ගත යුතුය.
saman Sunday, 03 October 2021 11:02 PM
ඕක තමා ලංකාව තවමත් නොදියුණු තුන්වෙනි ලෝකයේ රටක් වෙලා තියෙන්නේ.
kma Sunday, 03 October 2021 11:20 PM
පුලුවන්නම් ඔය ලේකම්ව සතියකට ගෙදර යවලා අපිට පෙන්නන්න
DonTuesday, 05 October 2021 11:17 PM
ඔය දෙන්නම රාජ්‍ය සේවනේ. මටනම් දෙන්නම එකයි.
SL Sunday, 03 October 2021 11:21 PM
අමාත්‍යංශ ලේකම්වරු කරන පිස්සු තමා මේවා, තමන්ට ලැබිල තියෙන තාවකාලික පත්වීම කිරුළක් කරගෙන හොරා කන, නීතියට පිටින් වැඩ කරන අය මේ.
සෙනෙවිරත්න Sunday, 03 October 2021 11:22 PM
ලංකාවෙ හොඳට තියෙන එක අමාත්‍යාංශයක් කියන්න, එහෙම තිිබෙනවනම් මේ උද්දච්චකම තිබුනට කමක් නැහැ.
Asela Sunday, 03 October 2021 11:30 PM
මේ රට වැඩියෙන් කෑවේ නිලධාරීන් හා නිලධාරීන් කියාගන්නා අය
Ravi Sunday, 03 October 2021 11:32 PM
නීතියක් දන්නෙ නැති විනයක් නැති මේ වගෙ මිනිස්සු නිසා කොහොමද රට හදන්නෙ.
Sarasi Sunday, 03 October 2021 11:36 PM
අන්තිම කැතයි... ඔහොම නම් ඉතින් නම, තනතුර ගහලා බෝඩ් ගහගෙන යන්න වෙයි. අමාත්‍යාංශ කියලා කීයක් තියෙනවද?
DonTuesday, 05 October 2021 11:13 PM
තව ටික කාලෙකින් එහෙම නොවුනොත් තමයි පුදුමේ.
Naleen Sunday, 03 October 2021 11:39 PM
කතන්දරේ රසකරලා ලියනවා වගේම නිලධාරියාගේ නම සහ අමාත්‍යංශය පිළිබඳ විස්තර ලිවීමට ශක්තියක් තිබුණා නම් හොඳයි. සාමාන්‍ය පුරවැසියෙක් කළා නම් හත්මුතු පරම්පරාවේම නම් ගම් මාධ්‍ය මගින් එළියට එනවා.
Perera Sunday, 03 October 2021 11:49 PM
නූගත් ඇමතිල ඒ අයගේ නූගත් හෙන්චයියන්ව දානවා අමාත්‍යංශ ලේඛම්ලා, අතිරේක ලේකම්ල කරල. ඊට පස්සෙ අස්සයට අං ආවා වගෙ තමයි.
siri Sunday, 03 October 2021 11:49 PM
කොහොමද ඉතින් මේ රට හදන්නේ ?
gamunu Monday, 04 October 2021 01:44 AM
ප්‍රබල දේශපාලනඥයා මැදිහත්වීම මත එම මාරුව සිදු කිරීම කළයුතුව තිබෙන්නේ අමාත්‍යාංශ අතිරේක ලේකම්වරයාව මිස නීතිය ක්‍රියාත්මක කල පොලිස් නිලධාරියා නොවේ. කරුණාකර ප්‍රබල දේශපාලනඥයා කවුරුන්ද කියා රටේ ජනතවට දැනගැනීමට අවශ්‍ය වන්නේ ඔවුන්ව පාර්ලිමේන්තුවට පත්කර තිබෙන්නේ රටේ ජනතාව වෙනුවෙන් නීතිය නිවැරදිව ක්‍රියාත්මක කිරීම උදෙසා මිස අවනීතිය ක්‍රියාත්මක කිරීම උදෙසා නොවේ.
gunasekera Monday, 04 October 2021 02:19 AM
රජයේ උසස්ම නිලධාරියෙකු ලෙස නිහතමානීව මෙම අවස්ථාවට මුහුණ දුන්නා නම් වඩාත් හොඳයි. නමුත් මෙම පොලිස් නිලධාරියත් ටිකක් රාජකාරිය හිතට අරගෙන වැඩයි කියල නම් පෙනෙනවා. අමාත්‍යංශ ලේකම් කෙනෙක් බව පැහැදිලිව පෙනෙන්නට තිබියදීත් ඕනවට වඩා පණ්ඩිතකම් කියවන බව පෙනෙනවා. මිනිහ අඳුනන්නේ නැති ඉහල පොලිස් නිලධාරියෙක් සිවිල් පිට ආවොත් මෙයා මේ විදිහට කරනවද? මහේස්ත්‍රාත්වරයෙක් ආවොත් ලයිසන් බලනවද? ඒ වගේම මෙයා හරියටම නීතියටම වැඩ කරන කෙනෙක්ද කියන එකත් හොයල බලන එක අවශ්‍යයි.
මෝTuesday, 05 October 2021 08:04 AM
අනේ යන්න ඔය කිව්වේ කතාවක්
පැරකුම් Monday, 04 October 2021 02:23 AM
ඇමතිතුමා ගත් ක්‍රියාමාර්ගය පැසසිය යුතුය. සිද්ධියට අදාල සියලු පොලිස් නිලධාරින්ට සහ දේශපාලුවන්ට එරෙහිව නිසි පියවර ගන්න.
Nishan Samaraweera Monday, 04 October 2021 02:27 AM
ඔහු නීතියට අවනත විය යුතුයි
Don perera Monday, 04 October 2021 02:31 AM
රට දැන් අගාදයට ගිහින්
U Siriwardane Monday, 04 October 2021 03:28 AM
මේ හා සමාන තත්ත්වයක් තියෙනවා කටුනායක ගුවන් තොටුපොළ පිටත්වීමේ පරිශ්‍රයේ.
perera Monday, 04 October 2021 04:02 AM
විස්තර අහපුවම හිතට එනවා ඇත මදිකමක් කියලා.
Rocky Monday, 04 October 2021 04:23 AM
මේ ඔලුව ඉදිමිච්ච අහංකාර නිලදාරියා නීතියට ඉහල පුද්ගලයෙක්ද? ඔහුට එරෙහිව වහාම පරීක්ශන කරන්න
හේවා.පී.කරුණාරත්න Monday, 04 October 2021 04:34 AM
නිතියට ගරු නොකරන මෙවැනි උද්දච්ච නිලධාරින් සමග රජයට ඉදිරි ගමනක් තිබේද යන්න ප්‍රශ්නයකි
යෝගා Monday, 04 October 2021 04:39 AM
ඔලුව ඉදිමිච්ච අයෙක්
Royfedricks Monday, 04 October 2021 04:45 AM
එක රටක් එක නීතියක්. ඔයින් ගියා ඇති.
දාස Monday, 04 October 2021 05:07 AM
එක රටක් එක නීතියක්, මමයි ඔබේ විරුවා......
ලුම්බිණි Monday, 04 October 2021 05:36 AM
ලංකාවේ සමහර මිනිස්සු වැසිකිලියට යන්නෙත් තමන් ලොක්කෙක් කියල හිතාගෙන.
අප්පුහාමි Monday, 04 October 2021 06:17 AM
පරිපාලන සේවයේ සමහරක් අය පත්වීම අරගෙන තියෙන්නෙ කොහොමද නොකිව්වත් දන්නෝ දනිති. අතීතයේ සිටී මෙම සේවයේ නිළධාරින් ජනතා දුක හදුනාගෙන සිටියත් මෑතකදී පත්වීම ලැබූ වැඩි දෙනෙකුට ජනතා දුක තේරෙන්නෙම නැහැ. අශ්වයාට අං ආවා වගේ කටයුතු කරන මෙවැනි අය මෙරට දියුණුවට පිළිලයකි. මෙහෙම ගියොත් තවත් අවුරුදු සියයක් ගියත් අපිට ලංකාව සංවර්ධනය වෙමින් සිටින රටක් යැයි කිව හැකිය
ශිරන්ති Monday, 04 October 2021 06:19 AM
නීතිය නැවෙන හැටි
Raveendra Monday, 04 October 2021 06:24 AM
නීතියට ගරු නොකරන මෙවන් අය ඉහල තනතුරුවලට පත්කරන්නේද මෝඩයෝ බවත් සදහන් කරන්නෙමු.
Wimal Monday, 04 October 2021 06:29 AM
මූණවල් මාරු උනාට ඔක්කොම එක ජාතියෙ අය ඉන්නෙ. එක රටක් එක නීතියක් කියන්නෙ නම් හීනයක්.
ගජමිතුරු කල්ලිය Monday, 04 October 2021 06:36 AM
සමහර පොලිස් නිලධාරින් අන්තගාමීව කටයුතු කළත් මෙහිදී සමහරක් ඉහළ යැයි කියාගන්නා නිලධාරින් නීතිය අතටගෙන කටයුතු කළ අවස්ථාවක් පෙනුණා. තම බිරිඳට තමාගේ බලය පෙන්වීමට යාමත් බිරිඳ, සැමියාට ජනපතිට මෙන් බලයක් ඇතැයි සිතීමත් මෙයට හේතුවී ඇත. නිලධාරින් මාරු කිරීමට පෙර නිදහසට කරුණු නොවිමසූ මාරුව සිදුකළ නිලධාරියාද රජයේ සේවයට නුසුදුසු අයෙකි...
Akila Monday, 04 October 2021 06:59 AM
ස්ථාන මාරුව අවලංගු කරලා විතරක් මදි, අැඳුනුම්කමට ගැතිබවට නීතිය නවන ඔය SSP රෝහණ කියන නිලධාරියාටත් දඬුවම් කළයුතුයි..
Sunil Monday, 04 October 2021 07:30 AM
උද්දච්චකම ඔලුවටත් ඉහලින්. මෙහෙම අය ඉන්නකොට රට තවත් විනාශයටම යනවා
kithsiri Monday, 04 October 2021 07:50 AM
පොලිස් නිලධාරියාට වූ අසාධාරණය ඉවත් කිරීම පමණක් සෑහෙන්නේ නෑ. රජයේ ඉහල තනතුරක් දරමින් සිටියදී පොලිස් නිලධාරියකුගේ රාජකාරියට බාධා කළාට දඬුවමක් දියයුතුයි. ඒත් ඉතින් මේක ලංකාවනේ
Madhawa Monday, 04 October 2021 07:57 AM
මේ නාට්‍යය අස්සේ තව ඉඩම් කීයක් විකුනන්න දාලද දන්නේ නැහැ
චන්දන Monday, 04 October 2021 08:09 AM
කවුරු වුනත් මේ අමාත්‍යාංශ ලේකම් වහාම ඉවත් කල යුතුය. මෙවැනි අයගෙන් අමාත්‍යාංශයට සේවයක් සිදු වෙන්නේ නැති බව පැහැදිලියි.
සිරිබිරිස් Monday, 04 October 2021 08:28 AM
ඔන්න පොලිසියේ ලොක්කන්ගෙ හැටි. හැබැයි කතාව නං
සමන්ත Monday, 04 October 2021 08:38 AM
පරිපාලන සේවයේ ඉහළ නිලතල දරන නිලධාරීන් අනික් නිලධාරීන්ට ආදර්ශමත් ලෙස හැසිරිය යුතුයි. නීති ගරුක පුරවැසියන් විය යුතුයි. නමුත් මෙබඳු පුහු නිලධාරීන් එම සේවයටත් ලැජ්ජාවක්. රටේ ඇති වත්මන් ක්‍රමය යටතේ බිහිවී ඇත්තේ මෙබඳු හිස්, තමන් අන් අයට වඩා ලොකුයි කියා පෙන්වන තමන්ගේ ප්‍රධානින් ඉදිරියේ ඇඹරෙන පුද්ගලයින් පමණි. මොවුන් මේ ආකාරයට නීතිය ක්‍රියාත්මක කරන නිලධාරීන්ට බාධා කරන විට එම නිලධාරින් ස්වාධීනව රාජකාරි කරන්නේ කෙසේද? තම බලතල අවභාවිතා කරන මෙම නිලධාරීන්ට විරුද්ධව විනය පරීක්ෂණ පැවැත්විය හැකිද යන්න සොයා බැලීම වටී...
sharm warn Monday, 04 October 2021 08:54 AM
මහ අයගේ උන පහලට පහලට බෝවෙනවා. තව කොහෙද මේ අයගෙන් රටක් දියුණු කරන්නෙ..
janahitha Monday, 04 October 2021 09:01 AM
මේවගේ නොහික්මුණු ලේකම්ලා අපි පත්කළේ නැහැ.. අපේ රටට මෙහෙම වෙලා තියෙන්නේ මේ ඉන්දියානු සම්භවයක් ඇති බමුණන් නිසා...
රනේ Monday, 04 October 2021 09:07 AM
නිලධාරින්ගේත් මොලේට විස ගහලද කොහේද? ඔය හැමෝම නිලය, බලය නැතිව දවසක මැරෙන බවත් ඉන්පසු අපාගත වෙන බවත් දැනගන්න. එහෙම නොවෙන්න කටයුතු කරන්න හැමෝම උත්සාහ කිරීමයි වැදගත්...
nande Monday, 04 October 2021 09:15 AM
කුමන තනතුරක් දැරුවත් අනෙකාට ගෞරව කරන්න. අප සියලු දෙනාම මනුෂ්‍යයින්...
රුවන් Monday, 04 October 2021 09:22 AM
නිරෝධායන නීතී උල්ලංගණය කරමින් තම බිරිද සමඟ අත්‍යවශ්‍ය රාජකාරී නොවන කාර්යයක් සඳහා පලාත් සංචරණ සීමා හරහා ගමන් කල මෙම උද්දච්ච නිලධාරීයාට එරෙහිව වහාම නීතිය ක්‍රියාත්මක කලයුතුයි. තම රාජකාරිය නිසි අයුරින් ඉටුකල පොලිස් නිලධාරීයාව ඇගයිය යුතුයි.
sam Monday, 04 October 2021 09:26 AM
අමාත්‍යංශ ලේඛම්ට මාරු වීමක් දෙන්නේ නැත්තේ ඇයි? මොන අමාත්‍යංශ ලේඛම් වුනත් මාර්ග නීති කාටත් එකයි
Brampisinggno. Dehiwala. Monday, 04 October 2021 09:47 AM
රට යන විදිහට, ඕවා මොනවාද?
jagath Monday, 04 October 2021 10:05 AM
අවංක ගුණගරුක නීතිගරුක පොලිස් නිලධාරියාට උසස් වීමක් ලබා දී ලේඛම්ව දුර පළාතකට මාරු කල යුතුයි
jayath Monday, 04 October 2021 10:16 AM
මේ වගේ අයට හිමි තැන ඉතිහාසය විසින් තීන්දු කරාවි
amila Monday, 04 October 2021 10:21 AM
වීඩියෝ කරපු කෙනාට පින් සිද්ද වන්න සාක්ෂි තියෙනවා. නැත්නම් අර අසරණ මනුස්සයාව හිරේට යවලා නවතින්නේ
nalaka Monday, 04 October 2021 10:44 AM
මෙය එක රටක් එක නීතියක් ලෙස හැඳින්වේ
Dilshan Monday, 04 October 2021 11:06 AM
දේශපාලන මාර්ගයන් කොහොමහරි ලේකම්කමක් ගන්නවා. අමාත්‍යාංශයේ ලොකු ලොකු වාහන එළවනවා. ඊටපස්සේ පොඩි මිනිහාත්, ඔවුන්ගේ බිරින්දෑවරුන්ගෙයි, ළමයින්ගෙයි ලොකු සීන් බලන්න ඕනේ..!
සමිත සේනක අලුත්ගමගේ. Monday, 04 October 2021 11:31 AM
අප මුකුත් කියන්නේ නැහැ සිද්ධිය ගැන.. මේ විස්තරේ හොඳටම ඇති රටේ තියෙන තත්ත්වය ගැන අවබෝධයක් ලබාගන්න...
dasun Monday, 04 October 2021 11:36 AM
විරසේකරට පුළුවන් ස්ථාන මාරුව අවලංගු කරලා ඒ නිලධාරියාට උසස් වීමක් දෙන්න, ඒක තමයි නියම වැඩේ
Aruna Manipura Monday, 04 October 2021 11:46 AM
උගත් යයි සිතා සිටින නූගතුන්. රටේ නීතිය සැමට එකවගේ බව දන්නැති මෙවැනි පුහු අහංකාරයෙන් පිරි මිනිසුන් තමා අද වැඩිපුර ඉන්නේ. නීතිය ක්‍රියාත්මක කල එම පොලිස් නිලධාරියාට සාධාරණයක් කරන්න.
Rohana Monday, 04 October 2021 11:51 AM
මාර්ග නීතිය කාටත් එකයි.
Nihal Dharmatileke Monday, 04 October 2021 11:53 AM
පොලිසියේ නිලධාරියාව ප්‍රශංසා කරනවා
කිරි පුතා Monday, 04 October 2021 11:53 AM
රටේ නීතියට ගරු නොකරන මෙවැනි හිස් පුද්ගලයින්ට දඬුවම් ලැබිය යුතුමයි. නැත්නම් මේ රට හරි මගට ගන්න බෑ.
amara Monday, 04 October 2021 12:03 PM
අයියෝ..., සෞභාග්‍යයේ...!
fairoos Monday, 04 October 2021 12:32 PM
හයියෝ, නන්දසේන වැඩ ටික අවුල්ද?
දිමුත් Monday, 04 October 2021 12:33 PM
"එක රටක්, නීති ගොඩක්..."
පිටිගල මිලානෝ Monday, 04 October 2021 12:44 PM
මම ජීවත්වන ඉතාලියේ නම් ලේකම්ගේ ජොබත් ඉවරයි නඩු කීපයක්ම වැටිලා, පොකට් එකත් ඉවරයි. නමුත් මේ රටේ උසස් නිලධාරින් අපේ රටේ වගේ පුහු මාන්නක්කාරයින් නෙවෙයි. උගත් සහ බුද්ධිමත් පුරවැසියන්...
අප්පුහාමිMonday, 04 October 2021 03:34 PM
මෙ රටෙත් එවැනි අවංක උගත් බුද්ධිමත් කාර්යශූර තීරණ ගැනීමේ දක්ෂ අසරණයාගේ දුක හදුනන නිලධාරීන් හිටියා. කොයි කාලෙද කියනවා නම් ඉන්දු ලංකා ගිවිසුමෙන් පළාත් සභා ඇතිවුනාට පස්සෙ ශ්‍රීලංකා පරිපාලන සේවයත් පළාත්පාලන පරිපාලන සේවයත් ඒකාබද්ධ කිරීමට පෙර කාලයේය. මෙලෙස සේවා දෙකක් ඒකාබද්ධ කිරීම නිසා වඩාත් සුදුසු කම් නැතිව සිටි පළාත් පාලන පරිපාලන සේවයේ පිරිස් නිසා එතෙක් පැවති ශ්‍රීලංකා පරිපාලන සේවය නින්දිත තත්වයට පත්වුනා. දැන් තියෙන්නෙ එලෙස සැකසුන සේවයකි
සෙනෙවිරත්න Thursday, 07 October 2021 06:37 AM
විකාර, ඊට කලින් ජේ ආර් සහ කල්ලිය නටපු නාඩගම් අමතකද? ජේ ආර් ඒව කලේ රජයෙ උසස් නිළධාරින් නොමැතිවද? අද කාටත් අමතකයි, ජවිපෙ ආයුධ අතට ගන්න එක හේතුවක් රාජ්‍ය තන්ත්‍රයේ අසාධාරණකම්. පහත් තැනින් ආවම ඔහොම තමයි.
වීරවිජේ Monday, 04 October 2021 12:47 PM
අර දෙවනියාගේ නම දාන්න බයද?
Thushara Wijethunge Monday, 04 October 2021 12:52 PM
එක රටක්... එක නීතියක් නම්, අමාත්‍යාංශ ලේකම්වරුන්ට කියලා වෙනම නීතියක් තියෙන රටක් ඇහුවමයි. මේ රට ජනාධිපතිතුමාටවත් හදන්න දෙන්නේ නැත්තේ මේ වගේ ඔලුව ඉදිමුවා ගත්ත අය ඉන්න නිසයි.
EXPECTED A LEADER WITH SPINE Monday, 04 October 2021 01:25 PM
අපිත් ඡන්දෙ දුන්නේ කොන්දක් තියෙන ජනාධිපති කෙනෙක් අපිටත් ලැබෙනවා කියලා... අපිට ලැබිලා ඉන්නේ කලින් හිටපු සිරිසේනටත් වඩා දුබල නායකයෙක්. සති කිහිපයක් අැතුළත සිදුවුණු මෙවැනි සිදුවීම් එකකටවත් අපේ සර් හරි ක්‍රියාමාර්ග ගත්තේ නැහැ. ඉතින් ඉස්සරහටත් මෙවැනි දේ වෙන එක මේ සර් යටතේ වැළැක්වෙන්නේ නැහැ...
de silva berlin Monday, 04 October 2021 01:04 PM
පිටිගල මිලානෝ මහත්මයාගේ අදහස මමත් අනුමත කරනවා. අපේ රටේ අමාත්‍ය කාර්ය මණ්ඩලවල සේවකයන්ගෙන් 90%ක් මෙවැනි උදවිය.. ලෝකයේ දියුණු රටවල් වන ඉතාලිය, ජර්මනිය, එංගලන්තය නිලධාරීන් සහ දේශපාලකයින් මෙහෙම හැසිරෙන්නේ නැහැ... මොවුන් නිසා අපේ රට හැමදාම දුප්පත්...
one shot Monday, 04 October 2021 01:07 PM
අමාත්‍යාංශයේ ලේකම් නිසා රාළහාමිට මාරුවක් දුන්නා.. ලිපිකරුවෙක් හරි, පියන් කෙනෙක් හරි ආවානම් කාර් එකෙන් බැහැලා කණේ පහරක් ගහවි...
Nuwan Monday, 04 October 2021 01:25 PM
එක රටක්, එක නීතියක්... දැන් එක හීනයක්..!!!
ලෙක්කෝ ගලබඩ Monday, 04 October 2021 01:44 PM
වියතුන්ගේ නීති ගොඩ...
මින්ද ජයනාත් ජයසූරිය Monday, 04 October 2021 01:59 PM
වෙන රටකනම් පරීක්ෂණයක් පවත්වන්නෙ එය කියන ලේකම්ට එරෙහිව ඒකට අපේ රටේ. මොකද ආරක්ෂක අමාත්‍යාංශයෙ නෙමේ ජනාධිපති ලේකම් කෙනෙකුට උනත් වෙනම නීතියක් තියෙන්නෙ බෑනෙ කිසිම රටක.
ගයනි Monday, 04 October 2021 02:23 PM
වීඩියෝ ක්ලිප් එක නොතිබුණා නම් පොලිස් නිලධාරියා කම්බස්...
සමිත හිනි කුරුණෑගල Monday, 04 October 2021 03:09 PM
ඒ පොලිස් නිලධාරියාට මගේ උපහාරය...
saman athawuda Monday, 04 October 2021 03:52 PM
දැනුවත් කරන්න මොකටද රියදුරු බලපත්‍රය?
ගමේ එකාලා Monday, 04 October 2021 04:23 PM
උඩ ගිය තරමක්. හරි නම් ඔය කියන ලේකම්වරයාට දුෂ්කර පළාතකට මාරුවක් දෙන්ඩ වටිනවා.
malik Monday, 04 October 2021 05:09 PM
මෙය වරදකි
sampath Monday, 04 October 2021 07:14 PM
මේ සිද්ධිය සහ දෙබස් දිහා බැලුවම පෙනී යන්නේ තමන්ට දරාගන්න අපහසු තනතුරක් මේ ලේකම්වරයා කියාගන්න තැනැත්තා සිටින බවක්.
ඔස්මන් Monday, 04 October 2021 09:02 PM
නිහතමානී කෙනෙක් වෙන්න.. එතකොට ස්වභාව ධර්මයත් පිහිට වෙයි... නැත්නම් වාහනේ යද්දිම අනතුරු වෙයි...
නීතිය කෙලින් නාමල් Monday, 04 October 2021 09:35 PM
අමාත්‍යංශයේ බෝඩ් දාගෙන නීතිය අයුතු ලෙස භාවිත කරලා
තුසිත් Monday, 04 October 2021 09:59 PM
මේ පුවතේ ප්‍රතිචාර දැක්කම පේනවා ලංකාවේ මිනිස්සු කොච්චර නොදැනුවත්ද කියලා. පොලිසියට හිතුන හිතුන හැටියට වාහන නවත්වන්න, පුද්ගලයින් නවත්වන්න අයිතියක් නෑ. එහෙම නවත්තුවාම ඒක සලකන්නේ රදවා තබා ගැනීමක් හැටියටයි. එහෙම රදවා තියා ගන්න නම් නීතියක් කඩ කරලා තියෙන්න ඕනේ. දැන් මේ රියදුරා කඩ කරපු නිතිය මොකක්ද? නීතියක් කඩ කරපු නැති මනුස්සයෙක්ගේ හැදුනුම් පතක් පරික්ෂා කරන්න පොලිසියට තියන අයිතිය මොකක්ද? එහෙම බලයක් පොලිසියට නෙමේ, මේ රටේ ජනාධිපතිටවත් නෑ. නිදහස් රටක හැම පුරවැසියෙකුටම තමන්ගේ පුද්ගලික බාවය ආරක්ෂා කරගන්න අයිතියක් තියනවා.
ලක්ෂ්මන් Monday, 04 October 2021 11:08 PM
දේශපාලකයින්ට පන්දම් අල්ලන නීතියකට අවනත වෙන්න බැරි මෙවැනි උද්දච්ච රාජ්‍ය සේවකයින් ඉන්නා රටක් කොහොම දියුණු කරන්න ද කොහොම නීතිගරුක කරන්නද මේ වගේ රාජ්‍ය සේවකයින් රාජ්‍ය සේවක එළවලා දාන්න වෙනවා ඒකට හරියන දේශපාලනයක් අපේ රටේ තියෙන්නෙත්.
පැරකුම් Tuesday, 05 October 2021 06:47 AM
අදාල සියලු අයවලුන්ට එරෙහිව විනය පියවර ගැනීමට තරම් ආත්ම ශක්තියක් හෝ නිල ශක්තියක් නැත්නම් ඒ බවත් කියන්න.
මෝ Tuesday, 05 October 2021 08:02 AM
නූගත් උද්දච්ච මනුස්සයෙක්. මහජන මුදල් කාබාසිනියා කරනවා
Lelwala Tuesday, 05 October 2021 08:38 AM
මා නම් මේ ගැන හිතන්නෙ වෙනත් ආකාරයකට පොලිස් කොස්තාපල් මේක දැනගෙන ලේකම්වරයා අපහසුතාවයට පත් කිරිමට ගත් උත්සාහක් හැටියටයි. කොස්තාපල් වෙනත් කොස්තපල් කෙනෙකුට ෆොන් එකෙන් වීඩියො කරන්න කියල ලේකම්වරයා අපහසුතාවයකට පත් කලා. ලේකම්වරවා මෙය දැන සිටියේ නැත. දියුණු රටවල් ඩ්‍රයිවින් ලයිසන් එක හැදුනුම් පත හැටියට භාවිතා කිරිමට හැකිය. ලේකම් වරයා පොලිස් කොස්තාපල්ගෙ උපායට අසුවිය. තමන්ගෙ නිසි අවසරයක් නොමැති ව විඩියො කිරිම ,ෆොටො ගැනීම තහනම් කල යුතුයි.
sampath Tuesday, 05 October 2021 08:20 PM
පොලිසිය නීති කඩනකම් ඉදලා කොහොමද මිනිස්සු අල්ලන්නේ
Jayamaha Tuesday, 05 October 2021 11:09 PM
මේකට මම නම් මොකුත් කියන්නේ නැහැ. මොකද මේ ලඟකදී පොලිසිය මගේ වාහනය නවත්වලා මගේ විස්තර අරන් මාව බය කළා. සිද්ධිය වුනේ කටුනායක හයිවේ එකේ පැලියගොඩ පිටවීමේදී. මම කටුනායක ඉදල 100ට එද්දී මගේ පස්සෙන් ආපු වහනයක් මට හෙඩ්ලයිට් ගහලා දිගටම හෝන් ගැහුවා.නමුත් ඒ වෙලාවේ මට අනීති මං තීරුවට වාහනේ ගන්න බැ, ඒ මංතීරුවේ වාහන පෝලිම වැඩි හින්දා අයිනට ගන්න ටිකක් වෙලා ගියා. පස්සේ හෝන් ගහපු වාහනේ මටත් බැනගෙන 150ට වේගෙන් ඉදිරියට ගියා. එයාලා පිටිවිමේදී පොලිසියට කියලා මගේ විස්තර ගන්න කියල. පස්සේ තමයි තේරුනේ මම කවුද කවුරුද වැරදි කියල