(අංජුල මහික වීරරත්න)

අරගලයෙන් පසු උද්ගතවූ තත්ත්වයේදී  ජනාධිපති තනතුරට ශ්‍රී ලංකා නිදහස් පක්ෂයෙන් යෝජනා කළ නම් දෙක පක්ෂයේ සභාපති මෛත්‍රිපාල මහත්තයා කුණු කූඩෙට දැම්මා යැයි  කෘෂිකර්ම අමාත්‍ය මහින්ද අමරවීර මහතා පැවසීය.

නිමල් සිරිපාල ද සිල්වා හා විජේදාස රාජපක්ෂ මහත්වරුන්ගේ නම් දෙක ජනාධිපති තනතුරට යෝජනා කර ශ්‍රීලනිප කණ්ඩායම පක්ෂයේ සභාපති මෛත්‍රිපාල මහතාට යෝජනාව දුන් නමුත්  ඒකට වෙච්ච දෙයක් අද වෙනතුරුත් දන්නේ නැතැයි ද ඒ යෝජනාව  කුණු කූඩෙට වීසි කළ බව පස්සේ ආරංචි වූ බවද අමාත්‍යවරයා කීය.

ජනාධිපති තනතුර බාර ගන්න  අද ඔය කෑ ගසන කිසි කෙනෙකුට කොන්දක් තිබ්බේ නැති බවද අමරවීර මහතා පැවසීය.

නමුත් තනි අලියා වාගේ පාර්ලිමේන්තුවට ආපු රනිල් වික්‍රමසිංහ මහතා  ජනාධිපති තනතුරේ අභියෝගය  බාර ගෙන දැන් එතුමා ඒ වැඩේ කරගෙන යන බවද අමරවීර මහතා කීය.

අනුරාධපුර වගයාකුලම දේශගුණ සුහුරු කෘෂිකාර්මික පුහුණු පාසල විවෘත කරමින් අමාත්‍යවරයා මේ බව සදහන් කළේය.