නාවලපිටිය සිසිර ලලිත් කුමාර
කොඳු ඇට පේළිය ඇද වීමේ අසාමාන්ය රෝගයකින් පෙළෙන දරුවකු එක් දිනක් හෝ පාසල් නොගොස් උසස් පෙළ විභාගයෙන් සමත්වීමේ පුවතක් ගිනිගත්හේන පිටවල ප්රදේශයෙන් වාර්තාවේ.
මෙලෙස අපොස උසස් පෙළ විභාගයෙන් එස් සාමාර්ථ තුනක් ලබා සමත්ව ඇත්තේ ගිනිගත්හේන පිටවල පල්ලේවත්ත දාගම්පිටිය නීලවත්ත යන ලිපිනයේ පදිංචි එම්.කීර්ති චන්ද්රසිරි නම් දරුවාය.
කොඳු ඇට පේළියේ අසාමාන්ය වෙනස් වීමත්, මස් පිඬු දියවීමත් යන රෝගයෙන් පෙළෙන කීර්ති චන්ද්රසිරි ට සාමාන්ය දරුවකුට සේ ඇවිද යාමට නොහැකිය.
එපමණක් නොව සිය නිවෙස පිහිටි දැඩි බෑවුමේ සිට ඔහුට මීටර් හාරසියකක පමණ දුරක් ඉහළට පඩිපෙළේ යාමට හෝ ඒමට බැරිය. ඒ වෙනකක් නිසා නොව ඔහුගේ අසනීපය නිසාමය. එහෙත් ඔහුට මහා ශක්තියක් වන්නේ වෙනකෙකු නොව ඔහුගේම අයියාය. චන්ද්රසිරි සාමාන්ය පෙළ විභාගයට ගියේ ද අයියාගේ කරමතින්ය. එහෙම ගොස් ඔහු සාමාන්ය පෙළ විභාගයෙන් සමත් වන්නේ උසස් පෙළ විභාගය ද කෙසේ හෝ ලියන අටියෙන් ය. එහෙත් මෙහි ඇති පුදුමය වන්නේ ඔහුට උසස් පෙළ විභාගයට මුහුණ දීමට පාසල් යාමට නම් නොහැකිවී ඇත්තේ ඒ අහිංසක අම්මට තාත්තාට ඔහු වත්තන් කරගෙන පාසල් යාමට හෝ ඒමට නොහැකි හේතුව නිසාමය. චන්ද්රසිරි දරුවා එකදු දිනයක් හෝ පාසල් ගියේ නැත. එහෙත් ඔහු ඔහුට හැකි අයුරින් උසස් පෙළ විභාගයට ගෙදර සිට පාඩම් කළේය.
පාසලේ එකම දිනයක් හෝ ඉගෙන නොගත් චන්ද්රසිරි දරුවා සිය අත රැඳි පාසල් පොත් හා ගුරුවන්ගේ උපකාරයෙන් නිවෙසේ සිට පාඩම් කටයුතු කළේ උසස් පෙළ විභාගයට සිංහල, භූගෝල විද්යාව හා ජන සන්නිවේදනය යන විෂයයන් තෝරා ගත්තේ පැමිණි දුක් පැණි රසයි යන නියාම දහම තේරුම් කරගෙනය. අයියා ගේ කරමතින් ගොස් සාමාන්ය පෙළ විභාගයට මුහුණ දුන් චන්ද්රසිරි මල්ලී යළි උසස් පෙළ විභාගයට ද සිය කර මතින් රැගෙන යන්නට අයියා නොපැකිලව ඉදිරිපත් විය. එතැන් පටන් සිදු වූ විස්තර කීවේ චන්ද්රසිරි දරුවාගේ මව වන ගුණවතී මහත්මියයි.
මගේ දරුවා උසස් පෙළ විභාගයට කියලා එක දවසක්වත් ඉස්කෝලේ ගියේ නැහැ. ඒත් අයියාගේ කර මතින් ගෙදර ඉඳලා ප්රධාන මාර්ගයට ගිය මගේ දරුවා පිටවල සිට ගිනිගත්හේන මධ්ය විද්යාලයට රැගෙන ගියේ ත්රිරෝද රථයකින්. ප්රධාන පාරේ ඉඳලා ගිනිගත්හේන පාසලට රුපියල් තුන්දහස් පන්සියයක් ගන්නවා. විභාගය තිබ්බ දවස් ටිකට රුපියල් තිස් හය දහසක් වියදම් වුණා. ඒ කොහොම වෙතත් මගේ දරුවා එක දවසක්වත් ඉස්කෝලේ නොගිහින් විභාගය සමත්වීම මුළු ලංකාවෙන්ම පළමු වැනියා හා සමානයි මට. මොකද මගේ දරුවා සාමාන්ය දරුවෙක් නෙවෙයි. අසාමාන්ය ශරීරයක් සහිත රෝගී දරුවෙක්. අතපය හොඳට තියෙන දරුවන්ට මගේ පුතා හොඳ ආදර්ශයක් කියලා මම කියන්න කැමැතියි.
2023/ 2024 තක්සේරු වර්ෂය සඳහා ආදායම් බදු ගෙවිය යුතු සෑම තැනැත්තෙක්ම එම තක්සේරු වර්ෂය සඳහා ගෙවිය යුතු සියලුම ආදායම් බදු සැප්තැම්බර් 30 දිනට හෝ එදිනට පෙර ගෙවා අ
කොළඹ - මහනුවර මාර්ගයේ යක්කල නගරය ආසන්නයේදී සිදුව ඇති රිය අනතුරකින් යතුරු පැදියක ගමන් ගත් පුද්ගලයෙකු ජීවිතක්ෂයට පත්ව ඇති බව යක්කල පොලීසිය සඳහන් කරයි.
නඩත්තු කටයුත්තක් හේතුවෙන් කැළණිවැලි දුම්රිය මාර්ගයේ පැගිරිවත්ත දුම්රිය හරස් මාර්ගය හෙට (29) උදේ 8.30 සිට සවස 5.30 දක්වා කාලය තුළ තාවකාලිකව වසා දැමීමට දුම්රි
හෙට (29) සිට පෘථිවියට අලුත් සඳක් එසේත් නැතිනම් චන්ද්රයෙක් එක්වනු ඇතැයි තාරකා විද්යාඥයෝ පවසති. මේ අලුත් සඳ, දින 53 ක් තිස්සේ පෘථිවිය සමඟ සිටින බව තාරකා විද
වෙනස්ම හැඩති පාෂාණයක් අඟහරු මතුපිටින් හමුවීමත් සමඟ නාසා විද්යායන් මේ වනවිට තරමක් කලබලයට පත්ව ඇති බව වාර්තා වේ.
හැරී පොටර් චිත්රපට මාලාවේ ප්රොෆෙසර් මැක්ගෝනිගල් චරිතයට පණ පෙවූ බ්රිතාන්ය සම්මානනීය නිළි මැගී ස්මිත් දිවි ගමනට සමු දුන්නාය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අයියාගේ හයියෙන් උසස් පෙළ ජයගත් මල්ලී
පිටරටවැසියා Monday, 03 June 2024 11:04 AM
මේ මිහිපිට දෙවිකෙනෙක්වන් වෛද්යවරයෙක් පුළුවන්නම් මේ දරුවාව සාමාන්ය දරුවකුට සේ ඇවිද යාමට හැකි ලෙසට ප්රතිකාර කරත්වා !!!
samanMonday, 03 June 2024 03:37 PM
ගත්තු ගමන් දෙවියන්ව අල්ලගන්න එපා... මේක මාර කතාවක්නේ...!
පාඨකයෙක් Monday, 03 June 2024 11:45 AM
ඉතාමත් ප්රශංසනීයයි! කුමක් හෝ සුලු අඩුපාඩුවක් හුවා දක්වමින් ජීවිතය ජයගැනීමට මැලිකම් දක්වන සියලු අයට චන්ද්රසිරි ශිෂ්යයා ආදර්ශයකි. මොහුගේ රෝගාබාධවලට වෛද්ය ප්රතිකාර ලබාගැනීමටත්, අනාගත සිතුම්පැතුම් සපුරාගැනීමට පහසුකම් සලසාගැනීමටත් පරිත්යාගශීලීන්ට සහායවීමට කරුණාකර ගිණුම් අංකයක් පළ කරන්න.
Prabha Monday, 03 June 2024 11:56 AM
ඔන්න දිරිය දරුවෝ. කරුමේ කියන්නේ මේ වගේ ළමයි මාධ්යයට නොපෙනන එක
ගමේ එකාලා Monday, 03 June 2024 03:00 PM
හොරට ලියලා විභාග පාස් වෙච්චි දූශිත දේසපාලුවෝ ඉන්න රටේ මේ දරුවා කොයිතරම් වටිනවද?