2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
(දමිත් වික්‍රමසේකර)
ශ්‍රී ලංකාවේ සිල්ලර ඉන්ධන වෙළඳපොළට පිවිසෙන විදේශීය සමාගම් තුනට ලංකා ඛනිජ තෙල් නීතිගත සංස්ථාවේ අනුමත මිලට වඩා අඩුවෙන් ඉන්ධන අලෙවි කිරීමට අවසර ලබා දීමට රජය තීරණය කර ඇත.
මෙම මස අවසාන වන විට සමාගම් තුන සමඟ ගිවිසුම් ගත වීමට නියමිත බවත් ගිවිසුම් ගත වූවාට පසුව මසක් තුළ එම සමාගම් මෙහෙයුම් ආරම්භ කිරීමට නියමිත බවත් විදුලිබල හා බලශක්ති අමාත්‍යාංශයේ ජ්‍යෙෂ්ඨ නිලධාරියෙක් ප්‍රකාශ කර තිබේ.
චීනයේ සිනොපෙක් සමාගම, ඕස්ට්‍රේලියාවේ යුනයිටඩ් පෙට්‍රෝලියම් සමාගම සහ ෂෙල් සමාගම සමඟ එක්ව ඇමෙරිකා එක්සත් ජනපදයේ ආර්.එම් පාර්ක්ස් සමාගමට ශ්‍රී ලංකාවේ සිල්ලර ඉන්ධන වෙළඳපොළට පිවිසීම සඳහා අනුමැතිය හිමිව ඇත.
මෙරටට පැමිණෙන විදේශ සමාගම් තුනට නියමිත මිලට වඩා අඩුවෙන් ඉන්ධන අලෙවි කිරීමට අවසර හිමි වීම නිසා ලංකා ඛනිජ තෙල් නීතිගත සංස්ථාවේ ඉන්ධන වලට ඇති ඉල්ලුම අඩු වී රජයේ ඉන්ධන බිල පහළ යා හැකි බව එම ජ්‍යෙෂ්ඨ නිලධාරියා පෙන්වා දී තිබේ.
වර්තමානයේ රජය සාමාන්‍යයෙන් ඇමෙරිකානු ඩොලර් මිලියන 450 ක මුදලක් මසකට ඉන්ධන වෙනුවෙන් වැය කරන බවත් ශ්‍රී ලංකාවට පැමිණෙන සමාගම් තුනෙන් එක් එක් සමාගම මසකට ඇමෙරිකානු ඩොලර් මිලියන 120 ක ඉන්ධන මෙරටට ගෙන්වනු ඇතැයි විදුලි බල හා බලශක්ති අමාත්‍යංශය බලාපොරොත්තු වන බවත් ඒ හේතුවෙන් රජයේ ඉන්ධන බිල අඩුවෙනු ඇති බවත් ඔහු ප්‍රකාශ කර ඇත .
මෙම තීරණයෙන් ලංකා ඛනිජ තෙල් නීතිගත සංස්ථාවේ ඉන්ධන අලෙවියට බලපෑමක් එල්ල කරනු ඇති බවත් නමුත් එය පාරිභෝගිකයාට වාසිදායක වනු ඇති බවත් විදුලිබල හා බලශක්ති අමාත්‍යාංශයේ ජ්‍යෙෂ්ඨ නිලධාරියා පෙන්වා දී තිබේ.
ඉන්ධන ආනයනය කිරීම සඳහා අවශ්‍ය ඩොලර් සොයා ගැනීමට දේශීය බැංකු භාවිතයෙන් එම සමාගම් වැළකී සිටිය යුතු බවත් සමාගම් ලබන ලාභය මෙරටින් පිටතට ගෙන යා හැක්කේ වසරකට පසුව පමණක් බවත් ගිවිසුමේ කොන්දේසි වලට ඇතුලත් වන බව පැවැසෙයි.
සමාගම් තුන එකතු වී වසරකට ඇමෙරිකානු ඩොලර් බිලියන 2.2 ක ඉන්ධන මෙරටට ආනයනය කරනු ඇතැයි විදුලි බල හා බලශක්ති අමාත්‍යංශය ඇස්තමේන්තු කර ඇති බවත් ඉන් භාණ්ඩාගාරයේ බර සැහැල්ලු වන බවත් පැවැසෙයි.
ගිවිසුම අවුරුදු 20 ක් සඳහා වන බවත් එම කාලය තුළ ගිවිසුම අලුත් කිරීමේ ගාස්තු ලෙස වාර්ෂිකව ඇමෙරිකානු ඩොලර් මිලියන 2 ක මුදලක් එම සමාගම් ගෙවිය යුතු බවත් සඳහන් වේ.
අවුරුදු 20කට පසුවත් එම සමාගම් වලට සාකච්ඡා මාර්ගයෙන් ඇති කර ගන්නා එකඟතාවයන් මත දිගටම මෙහෙයුම් සිදු කළ හැකි බවද පැවැසෙයි.එම සමාගම් ගබඩා ගාස්තු ලෙස මුදලක් ගෙවනු ඇති බවත් ලීටරයකින් යම්කිසි ප්‍රතිශතයක් රජයට අදායමක් ලෙස ලැබෙනු ඇති බවත් ආරංචි මාර්ග ප්‍රකාශ කර ඇත.
ගිවිසුම් යටතේ, සුඛෝපභෝගී වාහන භාවිතා කරන සුපිරි ප්‍රමිතියෙන් මිල අධික නිෂ්පාදන අලෙවි කිරීමටද එම සමාගම් වලට අවස්ථාව ලබා දී ඇත.
අධික වර්ෂාව හේතුවෙන් ඇති වූ ගංවතුර තත්වයන් හේතුවෙන් උතුරු පලාතේ පවුල් 4162 කට අයත් පුද්ගලයින් 15,470 දෙනෙකු පීඩාවන්ට පත්ව ඇති බවටත් නිවස රැසකටද හානි සිදුව ඇ
සන්නද්ධ හමුදා අනුස්මරණ දින ප්රධාන සැමරුම් උත්සවය සහ පොපි මල් සැමරුම සේනාධිනායක, ජනාධිපති අනුර කුමාර දිසානායක මහතාගේ ප්‍රධානත්වයෙන් කොළඹ විහාර මහාද
කොන්ත්‍රාත්කරුවෙකු පැහැරගෙන ගොස් රුපියල් ලක්ෂ 4 කට ආසන්න දේපල කොල්ලකෑ එකම පවුලේ තිදෙනෙකු සහ සිව් දෙනකු අත්අඩංගුවට ගත් බව බණ්ඩාරගම පොලිසිය කියයි.
පස්සර බිබිල මාර්ගයේ 13 කනුව ප්‍රදේශයේ දී මාර්ගය ට විශාල ගල්පර්වත පස්කදු කඩා වැටීමෙන් දින හතක් පුරා වසා දමා තිබූ පස්සර බිබිල මාර්ගය රථ වාහන ධාවනය සදහා යල
රනිල් ලේසියෙන් කාගේවත් ප්‍රාණ ඇපකාරයෙක් කරගන්න පුළුවන් යැයි සිතීම විහිළුවක් බව හිටපු අමාත්‍ය වෛද්‍ය රාජ්‍ය සේනාරත්න මහතා මාධ්‍ය හමුවකදී අද (24)පැවසීය.
පොලිස් මාධ්‍ය කොට්ඨාසය සම්බන්ධකර ගැනීම සදහා නව දුරකතන අංකයක් හදුන්වාදී ඇත.
2024 නොවැම්බර් මස 05
504
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
722
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
අලුත් සමාගම් තුනට අඩු මිලට තෙල් විකුණන්න අවසර
Prase Monday, 10 April 2023 10:42 AM
නියමයි, ඕක තමයි ජනතාව හොයපු වෙනස, cpc එක වහලා දාන්න ජනතාවගේ උපරිම සහාය රජයට... ජනතාවගේ බදුමුදල් වලින් සැප විඳින්න වෘත්තීය සමිති පාරට දැමීම ජනතාවගේ උපරිම සහාය රජයට....
NimalMonday, 10 April 2023 06:13 PM
පාඩු ලබන සියලු ආයතන පුද්ගලීකරණය කර එම සමාගම් විසින් රජයට බදුගෙවීම පමණක් නොව තරගකාරිත්වයක් තුළ මහජනතාවට සහනයක් ලැබීමට අවස්ථාව ලැබීම සහ වුර්තිය සමිති මාෆියාව අවසන් කිරීම සිදුකළ යුතුම වේ..
SLTuesday, 11 April 2023 10:53 AM
CPC ඉන්න අයියල ටික කෝටි 800 ක් CPC එක ඇපේ ට තියල පුද්ගලික ණය අරගෙන තියෙනවා.ලංකාවේ රාජ්‍ය අංශයේ හොරු නිසා තමයි මේ ආයතන විනාශ උනේ, රට ණය වුනේ. මේවට ඇමැතිලාගේ ඉඳල ඕක ඇතුලට පන්දාමට ආපු කුළු සේවකයා පටන් වගකියන්න ඕනේ අපිට වෙලා තියෙන්නේ ,මග හිටියොත් තෝ නසී ,ගෙදර ගියොත් අඹු නසී වගේ වැඩක්
Lal Monday, 10 April 2023 11:26 AM
ගොඩක් හොඳයි...
Prabha Monday, 10 April 2023 12:00 PM
ශ්‍රී ලංකා පෙට්‍රෝලියම් වහලා දාන්න තියෙන හදිස්සිය...
PODDA Monday, 10 April 2023 01:04 PM
ජනතාවට බලපාන මෙ වගෙ රාජ්‍ය ආයතන ආයතන පුද්ගලීකරණය කරල තරගකරිත්වය ඇති කල යුතුයි. පින්පඩි වාහන ගත්ත වෘතීය සමිති කාරයො.
pakeer Monday, 10 April 2023 01:50 PM
ලංකාවේ හැම ආයතනයකටම මේ ක්‍රෙම් කරන්න බැරිද?
prasad Monday, 10 April 2023 03:35 PM
මුලින්ම අඩුවෙන් විකුනල සිපෙට්කෝ එක වහලම දානව.ඊට පස්සෙ හිතු හිතූ විදියට ගණන් වැඩි කරනව.හරි සරලයි
Prase Monday, 10 April 2023 10:00 PM
මෝඩ කමෙන්ට් දාන්න එපා.ඇග්‍රිමන්ට් කියවන්නේ නැතුව .ඔයිල් වල මැක්ස් ප්‍රයිස් තීරණය කරන්නේ රජය .ඊට වඩා අඩුවෙන් ඕන කම්පැනි එකකට විකුනන්න පුළුවන් .ඒකයි තරඟය .බස් ප්‍රයිවට් කරාට ටිකට් එක ගැන අඩු වැඩි කරන්නේ ලංකාවේ රජය .රජයේ ගාස්තුවට වඩා වැඩියෙන් අය කරොත් ලයිසන් කැන්සල්
sumith Monday, 10 April 2023 03:43 PM
මේ තමා 1962 ට පෙර ලංකාවේ තිබුන ක්‍රමය.
Saman Monday, 10 April 2023 08:14 PM
ඔය වගේම පුළුවන් නම් අපේ පාර්ලිමේන්තුවත් පුද්ගලීකරණය කළා නම් නියමයි... නිකමට කිව්වේ...
sukitha Monday, 10 April 2023 08:53 PM
තිබෙන ෂෙඩ් මයි. තිබෙන බවුසර්මයි. නැවේ සිට බවුසරයට තෙල් යන කොටස තමයි මෙයාලා කරන්නේ. සිපෙට්කෝ එක කලේත් ඒකමයි. සිපෙට්කෝ එකේ අපේම මිනිස්සු අපි ගැන හිතුවා නම් අපිත්, සිපෙට්කෝ සේවකයෝත්, රටත් අද සැනසෙනවා. ඒත් එහෙම වුනේ නැහැ... විදේශිකයින් ඇවිත් මොනවද කරනවා. හිතට නම් හරි නැහැ. ඒත්...
kasunMonday, 10 April 2023 10:14 PM
අලුත් කොම්පැනි වලට ඒ අයගේ ඩොලර් වලින් තෙල් ආනයනය කල හැකියි. එය රටේ පවතින ඩොලර් හිඟයට එක පිලියමක්.
Sanjeewa Monday, 10 April 2023 11:02 PM
ලාබ ලබන තෙල් සංස්ථාව දේශපාලනීකරණය කරලා පාඩුවේ ඉන්න දුන්නේ කවුද...???...
Bamunuarachchi Tuesday, 11 April 2023 06:25 PM
ඔව් ඔව් පටන් ගන්නකොට අතින් පාඩු විඳගෙන හරි ලාබෙට දෙවි.