(බිමල් ශ්‍යාමන් ජයසිංහ )

වැටලීමක් කරන මුවාවෙන් බම්බලපිටිය ක්‍රෙස්ටර්  පෙදෙසේ  ඉන්දියන් පුද්ගලික සමාගමක්  වෙත ගොස්. රුපියල් ලක්ෂ 50  ක  අල්ලස්   මුදලක් ඉල්ලීම සම්බන්ධයෙන්   කොළඹ දකුණු කොට්ඨාස අපරාධ විමර්ශන අංශයේ උප පොලිස් පරීක්ෂකවරයෙකුගේ වැඩ තහනමට ලක් කර  ඇතැයි පොලිස් මූලස්ථාන ආරංචි මාර්ග සඳහන්  කියයි.

 ව්‍යාපාර සඳහා උපදේශන, දත්ත ඇතුළත් කිරීම් , අලෙවිකරණ ඇතුළු විවිධ සේවා සපයන එම ආයතනය වෙත ඉකුත් 21 වෙනිදින  ගොස් තිබූ උප පොලිස් පරීක්ෂකවරයා වැටලීමක් සිදු කිරීමට පැමිණි බව පවසා ඔවුන්ගේ නිදහසට කරුණු උසාවියේදී ඔප්පු කරන ලෙසත් එසේ නොමැති නම් ලක්ෂ 5 ක් හෝ එයට ආසන්න මුදලක් ගෙවා සම්පූර්ණයෙන්ම සමථයක් කර ගත හැකි බවත් පවසා තිබූ  බව එම සමාගමේ  උසස් නිලධාරියකු බස්නාහිර පළාත භාර ජ්‍යෙෂ්ඨ නියෝජ්‍ය පොලිස්පති මහින්ද ගුණරත්න මහතා වෙත  පැමිණිලි කර තිබූ බව පොලිසිය කියයි.

එම උප පොලිස් පරීක්ෂකවරයා එදින එම අංශයේ වැඩ බලන ස්ථානාධිපතිවරයා ලෙසද කටයුතු කර තිබූ බව පොලිස් ආරංචි මාර්ග සඳහන් කරයි.