(රෝෂන් තුෂාර)

ප්‍රසිද්ධ ව්‍යාපාරිකයකු මිලට ගත් බස් රථයක ලියාපදිංචිය වෙනස් කර පොත ලබාදීම සඳහා රුපියල් දෙලස්ස පනස් දහසක (250000)අල්ලසක් ලබා ගත්තේ යැයි කියන නාරාහේන්පිට මෝටර් රථ ප්‍රවාහන දෙපාර්තමේන්තුවේ නියෝජ්‍ය කොමසාරිස්වරයා ඇතුළු නිලධාරීන් තිදෙනා ලබන 08 දින දක්වා රිමාන්ඩ් බාරයේ තබන ලෙස කොළඹ අතිරේක මහේස්ත්‍රාත් හර්ෂණ කැකුණුවෙල මහතා අද (05)නියෝග කළේය.

නියෝජ්‍ය කොමසාරිස් වෙල්ගම ,සාන්ත ප්‍රිය හා මර්වින් යන සැකකරුවන් අල්ලස් හෝ දූෂණ විමර්ශන කොමිසම මගින් අත්අඩංගුවට ගෙන අධිකරණයට ඉදිරිපත් කෙරිණි .

කොමිසම සැකකරුවන් අධිකරණයට ඉදිරිපත් කරමින් කියා සිටියේ මගී බස් රථ විශාල ප්‍රමාණයක හිමිකරුවකු වන පැමිණිලිකරුට අලුතින් මිලට ගත් බස් රථයක ලියාපදිංචි පොත ලබා දීම සඳහා රුපියල් පනස් දහසක මුදලක් ප්‍රථමයෙන් ලබාගෙන ඉතිරි ලක්ෂ දෙක ලබා ගැනීමේදී සැකකරුවන් අත්අඩංගුවට ගත් බවය.

ඉදිරිපත් වූ කරුණු සලකා බැලූ අතිරේක මහේස්ත්‍රාත්වරයා සැකකරුවන් ලබන අටවැනි දින දක්වා රිමාන්ඩ් බාරයේ තබන ලෙස විමර්ශන ප්‍රගතිය ලබන අටවැනි දින ප්‍රධාන මහේස්ත්‍රාත්වරයාට ඉදිරිපත් කරන ලෙසට නියෝග කළේය.