2024 නොවැම්බර් මස 18 වන සඳුදා
(සුජිත් හේවාජුලිගේ සහ අංජුල මහික වීරරත්න)
ආණ්ඩුවේ බදු ප්‍රතිපත්ති වෙනස් වීමට වඩා රටේ ආර්ථිකය බිඳවැටීමට හේතු වූයේ වාහන ආනයනය නැවතීම සහ කොවිඩ් තත්වය බව මුදල් අමාත්‍යාංශයේ හිටපු ලේකම් එස්. ආර්. ආටිගල මහතා පැවසීය.
නව ආණ්ඩුවේ බදු ප්‍රතිපත්ති 2019 වර්ෂයේ දී වෙනස් වීම හේතුවෙන් රුපියල් බිලියන 500කට ආසන්න මුදල් ප්‍රමාණයක් රටට අහිමිවූ බව ප්‍රකාශ කිරීම සාධාරණ නොවන්නේ යැයිද ඔහු සඳහන් කළේය.
ආටිගල මහතා මෙසේ පැවසූවේ පාර්ලිමේන්තු මන්ත්‍රී අනුර ප්‍රියදර්ශන යාපා මහතාගේ සභාපතිත්වයෙන් පාර්ලිමේන්තුවේදී ඊයේ (9)පැවති රජයේ මුදල් පිළිබඳ කාරක සභා රැස්වීමේදීය.
හිටපු අග්‍රාමාත්‍ය මහින්ද රාජපක්ෂ මහතා විසින් 2019 වර්ෂයේ දෙසැම්බර් 04 වන දින ඉදිරිපත් කරනු ලැබූ කැබිනට් පත්‍රිකාවකට අනුව බදු ප්‍රතිපත්ති සම්බන්ධයෙන් එම තීරණය ගත් බවද ආටිගල මහතා පැවසීය.
මෙම රැස්වීමට හිටපු ජනාධිපති ලේකම් ආචාර්ය පී.බී ජයසුන්දර, මහ බැංකු හිටපු අධිපති අජිත් නිවාඩ් කබ්‍රාල් යන මහත්වරුන්ද මුදල් මණ්ඩලයේ හිටපු සාමාජිකයන්, වත්මන් මහ බැංකු අධිපති ආචාර්ය නන්දලාල් වීරසිංහ සහ එම බැංකුවේ ඉහළ නිලධාරීන් ඇතුළු පිරිසක්ද කැඳවනු ලැබ සිටියහ.
කැබිනට් පත්‍රිකාවක් ඉදිරිපත් කිරීමේදී අදාළ විෂය සම්බන්ධයෙන් ඊට සමගාමී පසුබිම් සටහනක් සහ වාර්තාවක් තිබිය යුතු හෙයින් එහි සම්පුරණ වගකීම ඇත්තේ එම විෂය සම්බන්ධ නිලධාරීන්ට බව මුදල් කාරක සභාවේ සමාජිකයන් මෙහිදී පෙන්වා දී ඇත.
යම් යම් නොවැලක්විය හැකි තත්වයන් තිබුණු බව පිළිගත හැකි වුවද මහ බැංකුවේ සහ මුදල් අමාත්‍යංශයේ නිසි අධ්‍යනයකින් මෙවැනි තීරණ ගත යුතුව තිබු බවද ඔවුන් ප්‍රකාශ කර ඇත.
මෙහිදී රජයේ මුදල් පිළිබඳ කාරක සභාවේ සමාජිකයින් තවදුරටත් විමසා සිටියේ කොවිඩ් තත්වය මතු වීමට ප්‍රථම, එවකට දේශපාලන බල අධිකාරිය විසින් ගනු ලැබූ මුල්‍යමය ප්‍රතිපත්ති තීරණ සම්බන්ධයෙන් ඉදිරියේදී මතු විය හැකි ගැටලුකාරී තත්වයන් පිළිබඳ මුදල් මණ්ඩලයේ පැහැදිලි නිගමන ඇතුළත් වාර්තාවක් ආර්ථික විශේෂඥයන් සහ වෘත්තිකයන් වශයෙන් කිසිවෙකු හෝ ලිඛිතව දැනුම් දීමට කටයුතු කරනු ලැබුවේද යන්නයි.
මෙහිදී අදහස් දැක්වූ ජනාධිපති හිටපු ලේකම් ආචාර්ය පී.බී ජයසුන්දර මහතා පවසා සිටියේ මෙවන් තීරණ පාර්ලිමේන්තුවට ඉදිරිපත් කර කාරක සභා වෙතද යොමු කරනු ලබන බවයි.
මෙහිදී රජයේ මුදල් පිළිබඳ කාරක සභාවේ සමාජිකයන් නැවතත් විමසා සිටියේ, ආර්ථික විශේෂඥයන් සහ වෘත්තිකයන් දේශපාලන අධිකාරිය ගනු ලබන ප්‍රතිපත්තිමය තීරණ නිවැරදි නොවන අවස්ථාවේදී ,ඒවා නිසි අයුරින් සිය ඉහළ බලධරයන්ට පෙන්වාදීමට හා දැනුවත් කිරිමට කටයුතු කරනු ලැබුවේද යන්නයි.
මෙහිදී අදහස් දැක්වූ වත්මන් මහ බැංකු අධිපති ආචාර්ය නන්දලාල් වීරසිංහ මහතා පවසා ඇත්තේ රජයේ වගකිව යුතු නිලධාරීන් දේශපාලනය කිරීමෙන් වැළකිය යුතු බවයි.
දේශපාලඥයකු සහ නිලධාරියකු අතර තිබෙන වෙනස නිසි ලෙස හඳුනා ගත යුතු බව පැවසූ වීරසිංහ මහතා දේශපාලඥයන් විසින් ගනු ලබන තීරණ නිවැරදි නොවන අවස්ථාවන්හීදී එය පැවසීම නිලධාරීන්ගේ වගකීම සහ යුතුකම වන බවද සඳහන් කළේය.
එවන් තීරණවලට ලැබෙන ප්‍රතිඵල සඳහා වගකිව යුතු වන්නේ දේශපාලඥයන් පමණක් නොවන බවද ඒ මහතා සඳහන් කළේය.
රටේ ආර්ථිකය නිසි මාර්ගයේ ගමන් නොකළ බව ආර්ථිකය බිඳ වැටෙනතුරුම ඒ ගැන තමන් දැනුවත් නොවූ බව සහ දේශපාලන අධිකාරියේ තීරණ මත පමණක් පදනම්ව එම ප්‍රතිපත්ති ක්‍රියාත්මක කළා යැයි සමහරුන් පැවසීම අනුමත කළ නොහැකි බවද මහ බැංකු අධිපතිවරයා වැඩිදුරටත් පෙන්වා දුන්නේය.
මෙම කාරකසභාවට සහභාගී වූ මන්ත්‍රීවරුන් පැවසුවේ තමන් මෙම ප්‍රතිපත්ති සම්බන්ධයෙන් ඇතිවිය හැකි අතුරු ප්‍රතිපල පිලිබඳව විවිධ අවස්ථාවන්වලදී වගකිව යුතු නිලධාරීන්ට සහ එවකට දේශපාලන බලාධිකාරියට පැවසුවද කිසිවකු ඒ පිළිබඳ අවධානය යොමු නොකළ බවයි.
එහිදී කාරක සභා සභාපති පාර්ලිමේන්තු මන්ත්‍රී අනුර ප්‍රියදර්ශන මහතා පැවසුවේ උපයන විට ගෙවීමේ බදු ක්‍රමය කිසිඳු හේතුවක් නොමැතිව ඉවත් කිරීම මගින් ගැටළු රාශියක් ඇතිවූ බවත් 12.5 ක්ව තිබු රාජ්‍ය ආදායම මෙලෙස බදු කපා හැරීමෙන් 8.7 ට අඩුවූ බවත්ය.
එසේම මහ බැංකුවේ නිලධාරීන් සහ පාර්ලිමේන්තුව අතර සම්බන්ධතාවය වැඩි කර ගනිමින් නිසි සන්නිවේදනයක් සහිතව තීරණ ගතයුතු බවද කාරක සභා සභාපතිවරයා අවධාරණය කළේය.
මේ පිළිබඳව තවදුරටත් සාකච්ඡා කළ යුතු බැවින් මෙම සාකච්ඡාව නැවතත් එළඹෙන 17 වැනිදා පවත්වන බවද ප්‍රකාශ කෙරිණ.
මෙම සාකච්ඡාවට විපක්ෂ නායක සජිත් ප්‍රේමදාස මහතා, (ආචාර්ය) නාලක ගොඩහේවා , එම්. ඒ. සුමන්තිරන් , මුජිබර් රහුමාන් , (ආචාර්ය) සුරේන් රාඝවන් , ගාමිණී වලේබොඩ මහතා, කංචන විජේසේකර මහතා, අනුප පස්කුවල් මහතා, විජිත හේරත් මහතා, ප්‍රමිත බණ්ඩාර තෙන්නකෝන් මහතා, , ඉසුරු දොඩංගොඩ මහතා, (මහාචාර්ය) රංජිත් බණ්ඩාර මහතා, නලින් ප්‍රනාන්දු මහතා ඇතුළු නිලධාරීන් පිරිසක්ද සහභාගි වූහ .
නව රජයේ අමාත්‍ය මණ්ඩලය ජනාධිපති අනුර දිසානායක මහතා ඉදිරියේ ජනාධිපති කාර්යාලයේදී ජනාධිපති කාර්යාලයේදී අද දිවුරුම් දුන්නේය.
මහනුවර ජාතික රෝහලේ සේවයේ නියුතු සෞඛ්‍ය රියදුරෙකු ඉකුත් වසර පහමාරක කාලය තුලදි (2018 සිට 2023 ජුලි 31) කිසිදු රාජකාරියක් ඉටුකර නොතිබුනද එම කාලයට අදාළ වැටුප්
නව රජයේ අග්‍රාමාත්‍ය ප්‍රමුඛ කැබිනට් මණ්ඩලයේ දිවුරුම් දීම අද පෙරවරු 10ට ජනාධිපති ලේකම් කාර්යාලයේදී පැවැත්වෙයි.
ඉඩ මදිකම හේතුවෙන් ආණ්ඩු පක්ෂයේ මන්ත්‍රීවරුන් 43 දෙනෙකු විපක්ෂයේ පැත්තේ අසුන් ගැන්වීමට සිදුවන බව පාර්ලිමේන්තුවේ නියෝජ්‍ය මහ ලේකම් සහ කාර්යමණ්ඩල ප්‍
පාර්ලිමේන්තු මහ මැතිවරණයෙන් පසුගිය කැබිනට් මණ්ඩලයේ සිටි ජීවන් තොණ්ඩමන් මහතා හැර සෙසු සියලුම සාමාජිකයෝ පරාජයට පත් වූහ.
වර්ෂාවත් සමග නායාමක් හේතුවෙන් අද( 18) අලුයම පස්සර බිබිල මාර්ගයේ 13 අනුව ආසන්න ප්‍රදේශයෙන් මාර්ගය සම්පූර්ණයෙන්ම වැසී ඇතැයි බදුල්ල ආපදා කළමනාකරණ මධ්‍යස්
2024 නොවැම්බර් මස 05
351
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
631
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
ආර්ථිකය බිඳ වැටුණේ බදු පතිපත්තිය නිසා නොවෙයි
සෙනවි Friday, 10 June 2022 03:02 AM
කෝවිඩ් නිසානම් අසල්වැසි ඉන්දියාව හා බංගලාදේශයේ වත්කම පහල නොවැටුනුනේ ඇයි. ඒ රටවලින් අපට ඩොලර්ණ මිලියන ගනනන් ණය දුන්නේ කෙසේද?.පුරා වසර ගනනාවක් අපට ලැබුණු ආධාර සහ ණය වලට කුමක් වීද. ආටිගල මහතා ජනතාවඅන්ඳන බවයි හැඟීම..ඔහුගේ වෑයම ආන්ඩුව නිදොස්කිරීමය.
චමින්ද Friday, 10 June 2022 05:56 AM
වාහන ගෙන්වීම නතර කලාම ආර්ථිකය කඩාවැටීම වෙන්නෙ කොහොමද එයින් විදේශ විනිමය ඉතිරි වෙනවා කියලයි අපි අහල තියෙන්නෙ ආහාර හිග වුනත් මැතිණියගේ කාලයේ විනිමය ඉතිරි නිසා ආර්ථිකය ශක්තිමත් වෙලා තිබුනා දෙවැන්න වත්මන් මහ බැංකු අධිපතිතුමා කියනදේ හරි නිළධාරින් දේශපාලනය නොකළයුතුය.එහෙම කලොත් දේශපාලුවො ගන්නා වැරදි තීරණ නිවැරදි වෙන්නෙ නැහැ දැන් කාලයේ සියලු රාජ්‍ය ආයතන ප්‍රධානීන් කටයුතු කරන්නෙ එහෙමයි ඉයස් සර්,ඔව් සර් කියනවා මිස මේක මෙහෙම කලොත් නිවැරදියි කියන කිසිවකු නැහැ සිටියොත් ලොක්කො අහන්නෙ උඹද ලොක්කා නැත්නම් මමද කියලා මෙනිසා ඉක්මනින් රාජ්‍ය සේවය ප්‍‍රථිසංකරණය කරන්න ඕන
සමිත සේනක අලුත්ගමගේ. Friday, 10 June 2022 06:21 AM
රට වැටුණේ,ආර්ථිකය බිඳ වැටුණේ, හොරකම වංචාව හා දූෂණය ඉවවහා ගිය නිසා බව අමුතුවෙන් කිවයුතු නොවේ. නෙළුම් කුළුණ,විශාල ගල් පර්වතයක් කඩා ඉදිකළ නැව් නොඑන වරාය,ගුවන් යානා නොඑන මත්තල ගුවන් තොටුපළ හා තවත් අසාර්ථක ව්‍යාපෘති සිදුකළ රටක් නොවැටී තිබේද ? ඉහළම තැන සිට පහලටම හොරකම ඉවාවහා ගියා බව රහසක් නොවේ. රාජ්‍ය පරිපාලන නොදන්නා විශ්‍රාමික හමුදා නිලධාරීන් ඉතා විශාල වැටුප් තලවල පිහිටුවා පරිපාලන තනතුරුවල තැබීම නිසා සිදුවූ හානිය සුළුපටු නොවේ.
පුරවැසියා.... Friday, 10 June 2022 08:49 AM
හිටපු නාඩි නොවැටෙන තත්ත්වයක සිටි මහල්ලන් ඇතුළු වැඩ බැරි , හැකියාවන් නොමැති කොයි කොයි අප්පුහාමිලාගේත් කෙරුවාවන් නිසා රට වල පල්ලටම යවා හමාරය. වලට යැවූ හැටි කතා කර කර සිටිනවාට හැකියාවක් ඇති නව මහ බැංකු අධිපති , භාණ්ඩාගාර ලේකම් ඇතුලු දක්ෂ නිලධාරීන් හරහා රට , ආර්ථිකය ගොඩ ගැනීමට අවශ්‍ය පියවර ගත යුතුයි.
BamunuarachchiFriday, 10 June 2022 12:46 PM
ලෝකේ බලවත් රාජ්‍යක් වන ඇමරිකාව පාලනය කරන්නේ අපේ දෙසපාලඥයින්ට වඩා මහලු කෙනෙක්. රටක් පාලනය කොරන්න ඊයේ පෙරේදා වැඩිවිය පැමිණි. හබරල කොලයක් හිල් වෙන්න මොනවද කර ගන්න බැරි කොල්ලන්ට මොන රටෙද රටේ පාලනයට දන්නේ. ආවත් අවුරුදුගානක් ලැබෙන්නේ පසුපෙලේ ආසනයක්. නිලදාරීන් දක්ෂ උනාට වැඩක් නැහැ දේශ පාලුවන්ට ගැතිහම් කරනවානම්. මහ බැංකු අධිපති ආචාර්ය නන්දලාල් වීරසිංහ මහතා පවසා ඇත්තේ රජයේ වගකිව යුතු නිලධාරීන් දේශපාලනය කිරීමෙන් වැළකිය යුතු බවයි. අපේ කාලේ කිසිම රජයේ නිලදාරියෙක් දේශපාලනයට සම්බන්ද උනේ නැහැ.
චන්දා Friday, 10 June 2022 11:03 AM
ආර්ථිකය බිඳ වැටුණේ බදු පතිපත්තිය නිසා නොවෙයි. මෙකෙ දාලා තියෙන "බදු පතිපත්තිය," කියන්නේ මොකටද? හුට්ටො....!!
ranjith Friday, 10 June 2022 11:42 AM
තමන්ගෙ බේරුමට මොනව හරි කියනව රට ගිය විදියට මොන්ටිසෝරි ලමෙකුට උනත් තෙරුම් ගන්න පුලුවන්. ලමයෙක් ගෙන් අහුවනම් නය අරන් මුදල් උත්පාදනය නොවන වියපෘතිවලට යෙදෙවුවොත් රටට මොකද වෙන්න කියල හරි උත්තරේ දේවි. වැරදි තීරණ නිසා දෙකෝටියක් ජනතාව දුක් විදිනව මෙකට වගකිව යුත්තෝ විද්‍යානුකුලව සොයල උපරිම ඩඩුවම් දියයුතුමයි.
Sunil Friday, 10 June 2022 12:34 PM
අද රට වැටී සිටින අවාසනාවන්ත තත්වයට ජනාධිපතිත්, හිටපු මුදල් ඇමතිවරුන්, මුඩල් අමාත්‍යංශ ලෙකම්වරුන්, මහ බැංකුවෙ අදිපතිවරුන් සහ භාණ්ඩාගාර ලෙකම්වරුන් සියලුදෙනම වග කිව යුතුයි. ඔවුන් කර තිබෙන්නෙ රටෙ ජනතවගෙ බදුමුදල්වලින් යැපෙමින් තම මඩිය තරකර ගෙනඒ්මයි.
Bamunuarachchi Friday, 10 June 2022 12:36 PM
සාකච්චාවට සහභාගිවූ දෙසපාලඥයෝ පලකල අදහස් දැනගන්න කැමති. අපිට මිනිස්සු තක්සේරු කරන්න, අගයන්න පුළුවන් ඒ අදහස්වලින්. විශේෂයෙන් සජිත්, සුමන්තිරන් සහ මුජිබර්.
kamal Friday, 10 June 2022 01:09 PM
ධනවාදී අධිරාජ්‍යවාදීන් මෙ සිංහල රාජය බිද දමන්නමයි කටයුතු කරන්නෙ. මෙ ආර්තික අවතය අධිරාජ්‍යවාදී කුමත්‍රනයක් බව නොදරුවෙකුට උනත් තෙරුම් ගන්න පුලුවන්. බැසිල් මහතාවගෙ විද්වතෙක් රට හැර යන්නෙ ඉතාම හි් අමාරුවෙන්. රටට විසාල පාඩුවක්.
සෙනෙවිරත්න Friday, 10 June 2022 02:43 PM
ඒක මාර කතාවක් , වාහන ආනයනය නොමැති නිසා එහෙම උනා? බදු අඩු කිරීම ඒකට හේතුවක් නෙවෙයි. මට මේක තේරෙන්නෙ නැහැ සාන්ත , මට වතුර ටිකක් .දෙන්න
Lalith M Friday, 10 June 2022 03:31 PM
මේ වගේ තකතීරුවො ලේකම් කම කලානම් බැසිල් ඇමතිකම කලාට කමක් නෑ.වාහන ආනයනය කරන්න සල්ලි ඩොලර් ඌ අච්චුගහලද .නැතිව විදෙස්‌ගත ශ්‍රමිකයන් අපනයනය කරන්නන් හොයන ඒවද?