(ඉන්දිකා රාමනායක)

ගම්පහ,මිනුවන්ගොඩ,වේයන්ගොඩ හා දිවුලපිටිය යන පොලිස්බල ප්‍රදේශවලට ක්‍රියාත්මක කර ඇති නිරෝධායන ඇඳිරිනීතිය හේතුවෙන් එම ප්‍රදේශවල කර්මාන්තශාලාවල සේවය කරන සේවක සේවිකාවන් නේවාසිකාගාර වලින් පිටව යෑමෙන් වළකින ලෙස නියෝජ්‍ය පොලිස්පති අජිත් රෝහණ මහතා පවසයි.

ඇඳිරිනීතිය පැනවූවද එම නේවාසිකාගාරවල රැදී සිටිය යුතු බවත් ඔවුන් ගම් ප්‍රදේශවලට පිටත් කර හැරීමෙන් වළකින ලෙසට ඔවුන් සේවය කරන කර්මාන්තශාලාවන් හි කළමනාකාරීත්වයට දන්වා සිටි බව ඒ මහතා කීය.