2024 නොවැම්බර් මස 19 වන අඟහරුවාදා
(විමුක්ති එස් රුද්‍රිගු)
ශ්‍රී ලංකාවේ පාතාල නායක කන්ජිපානි ඉම්රාන් තමිල්නාඩුවේ රාමේශ්වරම් නගරයට ඇතුළු වී ඇති බවත් ඒ පිළිබඳ තමිල්නාඩු ප්‍රාන්තයේ සියලුම ජ්‍යෙෂ්ඨ පොලිස් නිලධාරීන් අවධානයෙන් සිටින ලෙසත් තමිල්නාඩු බුද්ධි අංශ දන්වා ඇතැයි "ද හින්දු" පුවත්පත වාර්තා කර ඇත.
කන්ජිපානි ඉම්රාන් ලෙස අන්වර්ථ නාමයෙන් හඳුන්වන මොහොමඩ් නජීම් මොහොමඩ් ඉම්රාන්ට ශ්‍රී ලංකා අධිකරණයෙන් ඇප ලබා දීමෙන් පසුව දෙසැම්බර් 25 වැනිදා ඉන්දියාවේ රාමනාතපුරම් දිස්ත්‍රික්කයට ඇතුළු වී ඇති බවත් ඔහු සහ ඔහු සමඟ පැමිණි සගයන් පිළිබඳ අවධානයෙන් සිටින ලෙස තමිල්නාඩු දිස්ත්රික්කයේ වෙරළබඩ දිස්ත්‍රික්ක වල ජ්‍යෙෂ්ඨ පොලිස් නිලධාරීන්ට දන්වා ඇති බවත් පොලිස් ආරංචි මාර්ග ප්‍රකාශ කර තිබේ.
ඉම්රාන් ශ්‍රී ලංකාවේ අපරාධ රාශියක් සම්බන්ධයෙන් අවශ්‍යව කර සිටින පුද්ගලයෙක් බව "ද හින්දු" පුවත්පත පෙන්වා දී ඇත.2019 වසරේ දී ඉම්රාන් ඩුබායි හිදී අත් අඩංගුවට ගෙන ලංකාවට ගෙන ආ බවත් පසුගිය දා ශ්‍රී ලංකා අධිකරණය මගින් රුපියල් ලක්ෂ 50 ක ශරීර ඇපයක් සහ රුපියල් 250000 ක මුදල් ඇපයක් මත මුදා හැරීමට නියෝග කර බවත් "ද හින්දු"පුවත්පත වාර්තා කර තිබේ.
කන්ජිපානි ඉම්රාන් ඇප ලැබුණු පසු ඉන්දියාවට පැන ඒමට සැලසුම් කර ඇතැයි ඉන්දීය බුද්ධි අංශය සහ විශ්වාස කළ හැකි ආරංචි මාර්ග තමිල්නාඩු බුද්ධි අංශයට තොරතුරු ලබා දී තිබී ඇති බවත් "ද හින්දු" පුවත්පත පෙන්වා දී ඇත.අධිකරණයෙන් ඇප ලැබුණු පසු වෙස්වළාගෙන තලෙයිමන්නාරම වෙත ගොස් ඇති බවත් එහිදී ඔහුගේ සගයන් ඉන්දියාවට පැමිණීමට අවශ්‍ය පහසුකම් සපයා ඇති බවත් "ද හින්දු" පුවත්පත වාර්තා කර තිබේ.
කන්ජිපානි ඉම්රාන් පාකිස්තානයේ, ඇෆ්ගනිස්ථානයේ කොකේන් සහ හෙරොයින් සැපයුම්කරුවන් සමඟ දැඩි සබඳතා පවත්වන අයකු බවත් ඔහුගේ කල්ලිය විශාල වශයෙන් මුහුදු සීමා හරහා මත්ද්‍රව්‍ය ජාවාරමේ නිරත වන කල්ලියක් බවත් ජ්‍යෙෂ්ඨ පොලිස් නිලධාරියෙක් "ද හින්දු" පුවත්පතට පවසා ඇත.
අග්‍රාමාත්‍ය සහ අධ්‍යාපන ,උසස් අධ්‍යාපන සහ වෘත්තීය අධ්‍යාපන අමාත්‍ය ආචාර්ය හරිනි අමරසූරිය මෙනවිය:- කොල්ලුපිටිය බිෂොප් විද්‍යාලයෙන් මූලික අධ්‍යාපන
පරාජයට පත් වූ මන්ත්‍රීවරුන් 30 දෙනෙකු මාදිවෙල මන්ත්‍රී නිල නිවාස වලින් පිටව ගිය බව පාර්ලිමේන්තු ආරංචි මාර්ග සඳහන් කළේය.
නව ප්‍රජාතන්ත්‍රවාදී පෙරමුණේ ජාතික ලැයිස්තු මන්ත්‍රීවරයෙක් ලෙස රවී කරුණානායක මහතාගේ නම සඳහන් කරමින් ගැසට් නිවේදනයක් නිකුත් කර තිබේ.
එක්සත් ජාතික පක්ෂයේ කිසිදු අනු දැනුමකින් තොරව නව ප්‍රජාතන්ත්‍රවාදී පෙරමුණට හිමි ජාතික ලැයිස්තු මන්ත්‍රී ධුරයක් සඳහා රවී කරුණානායක මහතාගේ නම මැතිවර
බාල වයස්කාර පාසල් සිසුවියන් දෙදෙනෙකුට ලිංගික අතවර කිරිම සම්බන්ධයෙන් ඇල්පිටිය කොට්ඨාසයේ පාසලක ගුරුවරයෙක් අද සවස අත්අඩංගුවට ගත් බව ගාලු දිසා බාර නියෝ
ජාත්‍යන්තර මූල්‍ය අරමුදල විසින් ක්‍රියාත්මක කෙරෙන වැඩසටහනේ ඉදිරි පියවර පිළිබඳව සාකච්ඡා කිරීම සඳහා එහි ජ්‍යෙෂ්ඨ දූත මණ්ඩල ප්‍රධානී පීටර් බෲවර් මහතා
2024 නොවැම්බර් මස 05
373
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
642
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
ඇප ලැබුණු කංජිපානි ඉන්දියාවට පනී
චන්දන Sunday, 01 January 2023 12:19 PM
ඇප ලැබුණු දවසෙම ලංකාවෙ බුද්ධි අංශ කොහොම වෙතත් අපිට නම් හිතුනෙ ඕක වෙයි කියල . ඒත් මෙච්චර පරක්කු වෙයි කියල හිතුවේ නැහැ .
සඳුන් Sunday, 01 January 2023 12:28 PM
හාමතේ පාසැල් යන කුඩා දරුවකු බෑග් එකේ පතුලේ කංජිපානි හැංගිලා ඇති.. ඊළඟ පාසැල් වාර දිනයේ සිට මාධ්‍ය සංදර්ශන සමගම රටේ ඉහල බුද්ධි අංශ දමා සොයන්න.
wedaage Sunday, 01 January 2023 01:18 PM
මොනතරම් විශාල ජාලයක් අත්ද මේ සැකකරුට ඇප ලැබෙන්න තරම් වාසනාවක් ලැබුණේ.
PereraSunday, 01 January 2023 07:46 PM
1997 ඇප පනතේ දෙවැනි වගන්තිය අනුව ඇප දීම අනිවාර්යයි. ඇප දීම ප්‍රතික්ෂේප කළ හැක්කේ පොලීසිය ඇප දීමට විරුද්ධව අධිකරණයට පිළිගත හැකි හේතු දැක්වුවොත් පමණයි.
Buddika Sunday, 01 January 2023 01:27 PM
මේවා තනිකරම පොලීසියේ වැරදි. ඇප දෙද්දිත් බලන්න තිබ්බා මේ මිනිහා ඉඳීවිද නැද්ද කියලා. ඇප දුන්නත් පොලීසියට තිබ්බා නැවත අත්අඩංගුවට ගන්න .හේතුව මේ මිනිසාහට ඒරෙහිව චෝදනා ගොන්නක් තියෙනවා. අතට අහුවුණ ඒකාට යන්න දීලා කරන්නේ ඉදිරි අපරාද රැල්ලකට ඉඩදීමක්.
සුරංග Monday, 02 January 2023 07:35 AM
ඒක සහතික ඇත්ත කැම්පස් තරුණයාට ඇප දුන්නත් තව තවත් වැරදි පෙන්වා නැවත නැවතත් රිමාන්ඩ් කරවනවා මෙහෙම තක්කඩින්ට මොකුත්ම නැහැ .බලන්න කංජියාට ශරීර ඇප ලක්ෂ පනහයි මුදල් ඇපය ලක්ෂ දෙකහමාරයි.මේවට විරුද්ධ වෙන්න පොලිසිය කලේ මොනවාද .ඇත්තටම රටේ සාමය හා ආරක්ෂාව අපේක්ෂා කරන පාලකයො මෙවැනි අයට ඇප දීමේදී අවම මුදල් ඇපය මිලියන දහයක් වත් වෙන්න නීති සැකසීම කරන්න ඕන.
කිරිපුතා Sunday, 01 January 2023 01:59 PM
අපේ රටේ නීතිය වගකීමකින් වැඩ කළා දැයි ගැටලුවක්.
නිහාල් Sunday, 01 January 2023 02:02 PM
සන්තෝෂයි...
පිටිගල මිලානා් Sunday, 01 January 2023 03:07 PM
කුමට එරට අධිකරණය නීතිය සහ විනිසුරන්….
SL Sunday, 01 January 2023 04:22 PM
ඇප දුන්නු කළු කබා කාරයා මේ රටට හෙනයක් මුගේ වත්කම් හොයපල්ලා
nanda Sunday, 01 January 2023 05:00 PM
මුංට යන්න දීලා පුංචි ළමයින්ගේ බෑග්වල තියේද කියලා තමා හොයන්නේ.
Rohanprasanga Sunday, 01 January 2023 05:49 PM
ඉන්දියාවට යනකන් පොලිස් ආරක්ශාව හරියට දුන්නද? දන්නෑ , නැත්තන් පව් නෙ කිපානි ඉම්රන් මැතිතුමා
Kamala Sunday, 01 January 2023 05:55 PM
ඇප දීමට හේතුව කුමක්ද? රන්ජන් රාමනායක කියලා හිරේ ගිය හේතුවද?
නිහාල් Sunday, 01 January 2023 06:13 PM
දැන් පොලිසිය වරෙල්ලා උදේට ළමයින්ගේ බෑග් බලන්න
Ravi Sunday, 01 January 2023 09:50 PM
$1.67B ආරක්ශාවට :)
රටවැසියෙක් Monday, 02 January 2023 08:33 AM
ඩුබායි වලදී අල්ලපු එකත් බේරිලා ගියා. දැන් තව එකෙක්. කුඩු නැති කරන්න අවශ්‍යතාවයක් තියෙනවද කියලා මේවගෙන් හොඳටම පැහැදිලියි. අහිංසක ළමයි ගේ බැග් චෙක් කරනවා ෂෝ එකට. මේවා විහිළු. මිනිස්සු ඉල්ලන්නේ සත්‍ය සිස්ටම් චේන්ජ් එකක් මේ නිසයි.පුදුමේ කියන්නේ විපක්ෂයේ කිසිම කෙනෙක් වත් වෙනත් මන්ත්‍රී කෙනෙක්වත් මේ ගැන කිසිම කතාවක් නෑ. ඇයි දන්නේ නෑ.
Raheem Monday, 02 January 2023 10:51 AM
මේ හොර තක්කඩිය රටින් පනින බව ණෙත් FM බැලුම්ගලින් කලින් කිව්ව, එතකොට මූඋට ඇප කොන්දේසි වලට අත්සන් කරපු අයට නීතිය බලපාන්නෙ නැද්ද?