2024 නොවැම්බර් මස 18 වන සඳුදා
(හර්ෂණ තුෂාර සිල්වා)
ඇමෙරිකා එක්සත් ජනපදයේ රාජ්‍ය ලේකම් මයික් පොම්පෙඕ මේ මස අගදී මෙරටට පැමිණෙනු ඇතැයි විදේශ කටයුතු අමාත්‍යංශයේ ලේකම් අද්මිරාල් ආචාර්ය ජයනාත් කොළඹගේ මහතා ලංකාදීපයට අද (11) පැවැසීය.
ඇමෙරිකානු රාජ්‍ය ලේකම් මයික් පොම්පෙඕ තෙදින නිල සංචාරයක් සඳහා ඉන්දියාවට පැමිණීමට නියමිත අතර ඔහු සමඟ ආරක්ෂක ලේකම් මාර්ක් එස්පර් ද ඉන්දියාවට පැමිණීමට නියමිත ය.
ඒ අතරවාරයේදී ඔහුට මෙරටට පැමිණීමේ ඉඩක් ඇතැයි දේශ කටයුතු අමාත්‍යංශයේ ලේකම් අද්මිරාල් ආචාර්ය ජයනාත් කොළඹගේ මහතා පැවැසීය.
කෙසේ නමුත් මේ සම්බන්ධයෙන් තවමත් නිල වශයෙන් දැනුම් දීමක් කර නැතැයි ද හෙතෙම කීය.
මේ සම්බන්ධයෙන් කළ විමසීමකදී තවමත් මේ සම්බන්ධයෙන් කිසිදු නිල දැනුම්දීමක් කර නැතැයි කොළඹ ඇමෙරිකානු තානාපති කාර්යාලයේ ප්‍රකාශිකාවක් සඳහන් කළාය.
ඉහළ පෙළේ නිල සංචාරයක් සිදු වන්නේ නම් එය දැනුම් දෙන්නේ ඇමෙරිකා එක්සත් ජනපදයේ වොෂින්ටන් නුවර ඇමෙරිකා එක්සත් ජනපද රාජ්‍ය දෙපාර්තමේන්තුවෙන් බවත් තවමත් එවැනි නිල දැනුම් දීමක් කර නැති බව ද ඇය කීවාය.
ඇමෙරිකානු රාජ්‍ය ලේකම් මයික් පොම්පෙඕ මීට පෙර පසුගිය වසරේ ජූනි 27 වැනිදා කෙටි සංචාරයක් සඳහා මෙරටට පැමිණීමට නියමිතව තිබිණි. ඇමෙරිකානු ජනාධිපති ඩොනල්ඩ් ට්‍රම්ප් සමඟ ජපානයේ පැවැති ජී 20 සමුළුවට සහභාගී වීමට සිදු වූ හෙයින් එම සංචාරය අවලංගු කෙරුණි.
ඇමෙරිකානු රාජ්‍ය ලේකම් පසුගිය සතියේදී ජපානයට පැමිණි අතර එහිදි ඉන්දීය, ජපාන සහ ඔස්ට්‍රේලියානු විදේශ අමාත්‍යවරුන් හමු වී සාකච්ඡා පැවැත්වීය. එහිදි චීනයට එරෙහිව මිත්‍ර සන්ධානයක් ගොඩනැගීම සම්බන්ධයෙන් අවධානය යොමු කෙරුණි.
ඇමෙරිකා එක්සත් ජනපද ආණ්ඩුවේ ඉහළ පෙළේ නිලධාරියකු මෙරට සංචාරයක නිරත වන්නේ 2015 වසරෙන් පසුව ය. හිටපු විදේශ අමාත්‍ය මංගල සමරවීර මහතාගේ ආරාධනයක් මත ඇමෙරිකාවේ එවකට රාජ්‍ය ලේකම් ජෝන් කෙරි 2015 වසරේ මැයි 3 වැනිදා දෙදින නිල සංචාරයක් සඳහා මෙරටට පැමිණියේය.
ඇමෙරිකානු රාජ්‍ය දෙපාර්තමේන්තුවේ ප්රධාන නියෝජ්‍ය සහකාර ලේකම් ඇලිස් ජී. වෙල්ස් මහත්මිය දෙදින නිල සංචාරයක් සඳහා ජනවාරි 13 වැනිදා මෙරටට පැමිණියාය. එදිනම රුසියානු විදේශ අමාත්‍ය සර්ගේ ලැව්රෝ ද දෙදින නිල සංචාරයක් සඳහා මෙරටට පැමිණි අතර චීන විදේශ අමාත්‍ය වැන්ග් යී මහතා ද මෙරට සංචාරයක නිරත විය.
මේ අතර චීනයේ හිටපු විදේශ අමාත්‍යවරයකු සහ චීන කොමියුනිස්ට් පක්ෂයේ මධ්‍යම කාරක සභාවේ සාමාජික යං ජියේෂිගේ ප්‍රමුඛත්වයෙන් යුත් ඉහළ පෙළේ දූත පිරිසක් ඉකුත් දා මෙරට පැමිණියේ ය.
ඉඩ මදිකම හේතුවෙන් ආණ්ඩු පක්ෂයේ මන්ත්‍රීවරුන් 43 දෙනෙකු විපක්ෂයේ පැත්තේ අසුන් ගැන්වීමට සිදුවන බව පාර්ලිමේන්තුවේ නියෝජ්‍ය මහ ලේකම් සහ කාර්යමණ්ඩල ප්‍
පාර්ලිමේන්තු මහ මැතිවරණයෙන් පසුගිය කැබිනට් මණ්ඩලයේ සිටි ජීවන් තොණ්ඩමන් මහතා හැර සෙසු සියලුම සාමාජිකයෝ පරාජයට පත් වූහ.
වර්ෂාවත් සමග නායාමක් හේතුවෙන් අද( 18) අලුයම පස්සර බිබිල මාර්ගයේ 13 අනුව ආසන්න ප්‍රදේශයෙන් මාර්ගය සම්පූර්ණයෙන්ම වැසී ඇතැයි බදුල්ල ආපදා කළමනාකරණ මධ්‍යස්
2024 පාර්ලිමේන්තු මැතිවරණ ප්‍රතිඵල අනුව ආන්ඩුක්‍රම ව්‍යවස්ථාවේ 99 අ ව්‍යවස්ථාව යටතේ ජාතික ලැයිස්තු පාර්ලිමේන්තු මන්ත්‍රීවරුන් ලෙස තෝරා පත් කරගන්නා ලද
උතුරු සහ නැගෙනහිර පළාත්වල විටින් විට වැසි ඇතිවන අතර ඇතැම් ස්ථානවලට මි.මී.50 ක පමණ තරමක තද වැසි ඇතිවිය හැකි බව කාලගුණ විද්‍යා දෙපාර්තමේන්තුව කියයි.
ජාතික ජන බලවෙග රජයේ නව කැබිනට් මණ්ඩලය ජනාධිපති අනුර කුමාර දිසානායක මහතා ඉදිරියේ අද (18) පෙරවරු 10ට ජනාධිපති ලේකම් කාර්යාලයේදී දිවුරුම් දීමට නියමිතව ඇත.
2024 නොවැම්බර් මස 05
347
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
631
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ඇමරිකානු රාජ්‍ය ලේකම් මේ මාසයේදී මෙහි එයි
siri Sunday, 11 October 2020 11:25 AM
මෙයා ඉහල තනතුරක් දරන කෙනෙක් නොවේ. මම හුනා කියනවා වගේ කියන්නම් ඒ හන්දා අනිවාර්යෙන්ම නිරෝධානය කඳවුරකට යවයි.
Chandima Sunday, 11 October 2020 12:00 PM
ඔය කිව්වට ඉන්දියාවෙන් අවසර දුන්නොත්නේ එන්නේ.?
විජිත් Sunday, 11 October 2020 01:07 PM
කවුරු ආවත් කමක් නැහැ. හැබැයි pcr පරීක්ෂණ කරලා. අනික තව මාසෙකින් ඔය එන දෙන්නම කුණු බක්කියට වැටෙනවා. දැනටමත් ට්‍රම්ප් පැරදිලා ඉවරයි. හැබැයි ඉතින් යුදෙව් හැකර්ලාගේ වැඩ හරියට වැඩ කලොත් සමහරවිට මිනිහා දිනාවි. මේ " ජෝඩුව " ලෝකයේ හැම තැනම මේ දිනවල ඇවිදිනවා. මොකද ඇමෙරිකාවේ ජනාධිපති ඡන්දෙ ලබන මාසේ මුලමනේ.
මුණසිංහ Sunday, 11 October 2020 01:12 PM
චීන-ඇමරිකා සීතල යුද්ධයට අපේ රට ගාව ගන්නයි හදන්නේ. ඉතා ප්‍රවේශම් විය යුතුයි.
Karunasena Sunday, 11 October 2020 01:21 PM
රට බෙදන වැඩකට නොවේද.?
NM Sunday, 11 October 2020 02:51 PM
ලංකාව කුඩා රටක් උවත් එය ගෝලීය වශයෙන් පිහිට ඇත්තේ වටිනා වැදගත් තැනකය. නමුත් ලංකාවේ සිටිනා ජනතව එම වටිනාකම නොදැනේ. ලංකාව මේ පැමිණ ඇත්තේ බලවතුන්ගේ බලපොරයකට මැදිවය. චීනය යනු ලොවපුර සිටින දුප්පත් රටවලට ගොස් අර්යෝජන සහ ( විශේෂයෙන් අප්‍රිකානු සහ සවුත් ඇමෙරිකානු ) මුදල් ලබාදී එම රටවල වටිනා ඉඩම් දේපල විශාල වශයෙන් චිනුන් සින්නක්කරව ඔවුනට පවරාගෙන ඇත. කොටින්ම කියතොත් ලංකාවේ කොලබ තිබු හමුදා මුලස්ථානයට සිදුකල දේම ඔවුන් ලෝකයේ දුප්පත් රටවලට කරමින් තිබේ.
NM Sunday, 11 October 2020 02:58 PM
ඔවුන් ආරක්ෂාව පිලිබදව කතා නොකොට දුප්පත් රටවල් සදහා මුදල් ආදාර ලබාදී පරිත්‍යාග ලබාදී එම රටවල් සුක්ෂමව පාලනය කරනු පෙනේ. ඇමෙරිකාව එසේ කරන්නේ නැත. ඔවුනට අවශ්‍ය වන්නේ ඇමෙරිකානු හමුදාවන් රදවිම සදහා ස්ථානයක් පමණි. ඇමෙරිකාව කැමති ලංකාවේ වාරයක් හෝ ප්‍රදේශයක් චීනයට ලබාදී ලංකාව ඇමෙරිකාව අමනාප කරගන්නේ නම් ඉදිරියේදී චීනයට සම්බාදක දැමීමෙන් ලංකාව ප්‍රබල ආර්ථික සිරවිමකට ලක්වනු ඇත.
සිරා Sunday, 11 October 2020 04:53 PM
ආවාට කමක් නෑ... ඔහෙන් PCR කරගෙන එන්න. ඇවිත් මෙහෙත් කරන්න... හම්බෙන මිනිස්සු මීටරයක් දුරින් ඉදලා හම්බෙල කතාකරලා ආපහු යන්න... මොකද ඔයාලගේ රටේ අපිට වඩා ලොකු ප්‍රශ්න තියනවා.
S.N. Perera Nalladarankattuwa Monday, 12 October 2020 04:41 AM
ඇමරිකාව බලවතෙක් නිසා එයාලවත් නිරෝධානය කරන්නේ නැද්ද.?
නිමල් Monday, 12 October 2020 05:34 AM
රටවිරුවො රකින්න ආපු 'ස' උන් එහෙ මැරිල යන්න ඇරල රාජ්‍යතාන්ත්‍රික විදියට චීනයෙන් ඉන්දියාවෙන් කොරෝනා ලංකාවට ගෙන්වා ගත්ත විදිය නම් හරිම අපූරුයි . 69 ලක්ෂයක බලාපොරොත්තු ඉතාමත් සාර්ථක විදියට ඉටුකරන එතුමා ගැන අපි ඉතාමත් සතුටු වෙමු. විමල්, ගම්මන්පිල, සරත් වීරසේකර, මධුමාධව, ඇල්ලේ ගුණවංශ හිමි වැනි දේශප්‍රේමී වීරයන් තවමත් නිදිගත්තවුන් සේ සිටින්නේ ඇයි කියා අපි බලන් ඉන්නවා.
Kamal Koyrala Monday, 12 October 2020 06:07 AM
MCC ගිවිසුම ඉරන්නඩ ද දන්න නැහැ එන්නෙ,
Rata Perata Monday, 12 October 2020 06:31 AM
ඔන්න කාලෙකට පස්සේ විමල්ට වැඩක් සෙට් වෙන්න වගේ.? අපි බලාගෙන ඉමු බයියෝ මොකද කියන්නේ කියලා.
Raveendra Monday, 12 October 2020 08:02 AM
අල්ලපු ගෙදර මොධි අයියා ආවා අත අබරන්න මගේ.... චන් චුං අයියලා ආවා දුකසැප බලා යන්න මගේ..... එන සතියේ එනවාලු ට්‍රම්පට්ගේ කට්ටියත් මෙහෙ....... මොනවද දෙන්නෙ සංග්‍රහයට නැහැ තීරණයක් මගේ....
සනත් ඉතාලිය Monday, 12 October 2020 08:05 AM
චීන දූත පිරිස නීරෝදායනය නොකලයි කියා මෙතන වැලලුන පිරිස දවස් 2ක් ගිහිනුත් මේකට කිසිම පප්‍රතිචාරයක් දාල නැහැනෙ කෝ මේ අය
kamal Monday, 12 October 2020 08:48 AM
කම් කම් බූරු... මිලේනියම් හොඳ වේලු...