ඇවන්ට් ගාඞ් සභාපතිට රට යන්න අවසර

(මනෝප‍්‍රිය ගුණසේකර)

ලංකාව අවට මුහුදේ ‘පාවෙන අවි ගබඩාවක්’ පවත්වාගෙන යෑමේ චෝදනා එල්ල වී සිටින ‘‘ඇවන්ට් ගාඞ්’’ සභාපති නිශ්ශංක සේනාධිපති මහතාට විදේශගත වීමට අවසර දුන් ත‍්‍රිපුද්ගල මහාධිකරණ විනිසුරු මඩුල්ල ඔහුට විදේශගතවීම වළකාලමින් පනවා තිබු තහනම තාවකාලිකව ඉවත් කොට ඇති බව ආගමන හා විගමන පාලකවරයාට දැනුම් දුන්නේය.
නිශ්ශංක සේනාධිපති මහතාට වෛද්‍ය ප‍්‍රතිකාර ගැනීම සඳහා විදේශ ගතවීමට අවසර දෙන්නැයි ඔහු වෙනුවෙන් පෙනී සිටි ජනාධිපති නීතීඥ සම්පත් මෙන්ඩිස් මහතා කළ ඉල්ලීමක් පිළිගනිමින් විත්තිකරුට විදේශ ගතවීම වළකාලමින් පනවා තිබු තහනම තාවකාලිකව ඉවත් කළ විනිසුරු මඩුල්ල රුපියල් ලක්‍ෂ 25ක් වටිනා බැඳුම්කරයක් මත නිශ්ශංක සේනාධිපති මහතාගේ විදේශ ගමන් බලපත‍්‍රය මුදා හැරීමට කොළඹ මහාධිකරණයේ ලේඛාධිකාරිවරයාට නියම කළේය.
මහාධිකරණ විනිසුරුවරුන් වන ආදිත්‍ය පටබැඳිගේ (සභාපති) මංජුල තිලකරත්න සහ මහේන් වීරමන් යන මහත්වරුන්ගෙන් සැදුම්ලත් ත‍්‍රිපුද්ගල මහාධිකරණ විනිසුරු මඩුල්ල විසින් එලෙස නියම කරන ලදී.
2014 අපේ‍්‍රල් 07 වැනි දා සිට 2015 ඔක්තොම්බර් මස 06 වැනිදා දක්වා කාලයේ ඉන්දියන් සාගරය, රතු මුහුද හික්කඩුව සහ කොළඹදී නීත්‍යානුකූල බලපත‍්‍ර නොමැති ස්වයංක‍්‍රීය ගිනි අවි සහ උණ්ඩ ලඟ තබාගැනීම සඳහා කුමන්ත‍්‍රණය කිරීම ඒ අනුව ටී-56, 84 එස් සහ එල්.එම්.ජී. වර්ගයේ ගිනි අවි 816ක් සහ උණ්ඩ 2,02,935ක් නීත්‍යානුකූල බලපත‍්‍ර නොමැතිව ලඟ තබාගැනීම මෙන්ම 2015 සැප්තැම්බර් 23 වැනි දා සිට 2015 ඔක්තොම්බර් මස 06 වැනිදා දක්වා කාල සීමාව තුළදී ඉන්දියන් සාගරය, රතු මුහුද හික්කඩුව සහ කොළඹදී නීත්‍යානුකූල බලපත‍්‍ර නොමැති ස්වයංක‍්‍රීය ගිනි අවි සහ උණ්ඩ ප‍්‍රවාහණය කිරීම සඳහා කුමන්ත‍්‍රණය කිරීම සහ ඒ සඳහා ආධාර හා අනුබල දුන් බවට විත්තිකරුවන්ට එරෙහිව නීතීපතිවරයා විසින් චෝදනා නඟා තිබිණි.

අදහස් (17)

ඇවන්ට් ගාඞ් සභාපතිට රට යන්න අවසර

සේනක Monday, 29 March 2021 01:04 PM

මෙයාට රට යන්න දෙන්නේ නැත්නම් කාටද දෙන්නේ...? තව ටික දවසකින් නඩුවලිනුත් නිදහස් වෙයි. ශ්‍රී ලංකාවේ ඉපදීම ගැන ආඩම්බර වෙන්න මිත්‍රයා... මේ සිංහල අපගේ රටයි අප ඉපදෙන මැරෙන රටයි...!!

: 5 28

siri Monday, 29 March 2021 01:17 PM

බලාපොරොත්තු වූ සියල්ල එලෙසින්ම සිදුවෙමින් පවතී. දැන් සැපද?

: 4 28

fairoos Monday, 29 March 2021 01:49 PM

ඔන්න ඔහේ නිදහස් කරලා දාන්න.

: 2 19

BamunuarachchiThursday, 01 April 2021 02:29 AM

පුරවැසි නොවන කෙනා, බැංකු හොරකමේ මහ මොළකරු, මගුල්ගෙදර යව්වානම් මෙය පිටරට ගියාම මොකෝ.

: 0 0

pradeepa Monday, 29 March 2021 02:39 PM

වාසනාවට කට්ටිය නඩුවලින් නිදහස් වෙනවා. රට යන්න චාන්ස් ලැබෙනවා. ඉඩම් අක්කර ගණන් ලැබෙනවා.

: 2 27

69lakshayaTuesday, 30 March 2021 04:43 AM

සෞභාග්‍යයේ දැක්ම උතුරා පිටාරත් ගලනවා. අම්මේ... දැනෙන සනීපේ...!!!

: 0 1

BamunuarachchiThursday, 01 April 2021 12:48 PM

ඕවා මේ මාස 14ට වෙච්ච දේවල්ද? ඊයේ ඉපදුණා නම් තමයි ඕවා හිතන්න ඕනේ...

: 0 0

Demuni Uduwara Monday, 29 March 2021 11:53 PM

සෞභාග්‍යයේ දැක්මේ මූලධර්ම... !!!

: 0 1

Ranjan Tuesday, 30 March 2021 12:05 AM

ශ්‍රී ලංකාවේ පමණයි..!!!

: 0 1

Nihal Tuesday, 30 March 2021 02:51 AM

අර්ජුන් මහේන්ද්‍රන් වගේම කරන්න.

: 0 1

Puppa Tuesday, 30 March 2021 03:44 AM

ජවිපය නැතිකරන්න යන පොර නේද? අනේ...!!!

: 0 1

කපුරුහාමි Tuesday, 30 March 2021 03:53 AM

සසර වසනතුරු, නිවන් දකිනතුරු පින්කෙත හෙළ රන් දෙරණේ යළි ඉපදෙන්නට හේතු වාසනා වේවා...!!

: 0 1

sharm warn Tuesday, 30 March 2021 09:25 AM

බලය අල්ලාගන්න කරපු සේවාවට ප්‍රතිදාන දෙන්න එපැයි. අනේ ඔන්න නඩුවක් හරි මොකක් හරි කියලා අල්ලලා විසිකරලා දාන්න. මොකෝ මෙයා විතරද එහෙම කළේ?

: 0 2

Rata Perata Tuesday, 30 March 2021 12:15 PM

දැන් අපේ රටේ බලාපොරොත්තු වෙන්න පුළුවන් කුණු රෙදි හෝදන එක විතරයි.

: 1 2

BamunuarachchiThursday, 01 April 2021 12:13 PM

ලෝඩ් එකක් එවන්නද?

: 0 0

සමීර Tuesday, 30 March 2021 02:46 PM

නීතියත් මේ අයගේ, අධිකරණයත් මේ අයගේ. මේ අය වෙනුවෙන් පෙනී සිටින නීතිඥයන්ට හොඳක් නං වෙන්න එපා.

: 0 1

karu Tuesday, 30 March 2021 04:41 PM

වෙනත් රජයක් යටතේ හෝ ජීවිතාන්තයටම කූඩුවට දැමිය යුතුයි.

: 0 1

ඔබේ අදහස් එවන්න

දියත

ජාතික පුස්තකාලය කවියක් කරන්න රත්න ශ්‍රී ට වරමක්

2024 දෙසැම්බර් මස 16 58 0

ප්‍රවීණ කිවියර,ගේය කාව්‍ය රචක රත්න ශ්‍රී විජේසිංහ මහතා ජාතික පුස්තකාල හා ප්‍රලේඛන සේවා මණ්ඩලයේ සභාපති ⁣ධුරයේ අද (16) වැඩ බාර ගත්තේය.

එක්සත් ජාතීන්ගේ සංවිධානය පරිසර ඇමති අතර හමුවක්

2024 දෙසැම්බර් මස 16 84 0

එක්සත් ජාතීන්ගේ සංවිධානය සහ ඊට අනුබද්ධ ආයතනවල නේවාසික නියෝජිතයන් පරිසක් අමාත්‍ය වෛද්‍ය ධම්මික පටබැඳි මහතා අද (16) හමුවූහ.

මඩොල්සිම ඇකිරිය මාර්ගයේ ප්‍රදේශයේ නායයාමක්

2024 දෙසැම්බර් මස 16 76 0

පස්සර මඩොල්සිම මැටිගහතැන්න ඇකිරිය මාර්ගයේ 25 කනුව ප්‍රදේශයේ අද (16) රාත්‍රි සිදු වූ නාය යාමක් හේතුවෙන් එම මාර්ගයේ රථ වාහන ධාවනය මුලුමනින්ම ඇණ හිට ඇතැයි මඩ

’’බල්ලා එලෙව්වට කිනිතුල්ලො හැම තැනම’’

2024 දෙසැම්බර් මස 16 459 0

බල්ලා එලෙව්වට කිනිතුල්ලො හැම තැනම ඉන්නා බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පැවසීය.

මියන්මාර කඳවුරේ සිටි තවත් 27ක් මව් බිමට

2024 දෙසැම්බර් මස 16 178 0

මියන්මාර මිනිස් ජාවාරම් කඳවුරේ සිරවී සිටි ශ්‍රී ලාංකිකයන් 27ක කණ්ඩායමක් මෙරටට ගෙන්වා ගැනීමට රජය සමත් වූ බව විදේශ කටයුතු විදේශ රැකියා හා සංචාරක අමාත්‍ය

ජනාධිපති - ඉන්දීය උප ජනාධිපති හමුවෙයි

2024 දෙසැම්බර් මස 16 117 0

ජනාධිපති අනුර කුමාර දිසානායක මහතා සහ ඉන්දීය උප ජනාධිපති ජග්දීප් ධන්කර් මහතා අතර හමුවක් අද (16) පස්වරුවේ සිදු විය.