(අංජුල මහික වීරරත්න)
ඉන්දියා සාගර කලාපීය වටද්දර රටවල සංගමයේ (IORA) අමාත්ය මණ්ඩල රැස්වීමට සහභාගී වීම සඳහා දිවයිනට පැමිණ සිටින ඉන්දීය විදේශ කටයුතු අමාත්ය ආචාර්ය එස්. ජයශංකර් මහතා සහ ජනාධිපති රනිල් වික්රමසිංහ මහතා අතර හමුව අද (11) පස්වරුවේ ජනාධිපති කාර්යාලයේදී සිදු විය.
ඉන්දු - ශ්රී ලංකා සබඳතා තවදුරටත් ශක්තිමත් කර ගැනීම පිළිබඳ මෙහිදි දීර්ඝ ලෙස සාකච්ඡා පැවැත්වුණු අතර දෙරට අතර සහයෝගීතාව ඉහළ නැංවෙන නව ද්විපාර්ශවික ගිවිසුම් තුනකට එළැඹීම ද සිදු කෙරිණි.
එසේම ඉන්දීය ණය ආධාර ක්රමය යටතේ මෙරට ක්රියාත්මක කරන ලද නිවාස ව්යාපෘතියේ තුන්වන අදියර මාර්ගගත ක්රමය ඔස්සේ විවෘත කිරීම ද මෙහිදී සිදු විය.
නිවාස දස දහසකින් යුත් මෙහි හතරවන අදියරේ එක් නිවාස ඒකකයක් සඳහා රුපියල් මිලියන 1.026ක මුදලක් වෙන් කර තිබුණද නිවාස ඒකකයක් සඳහා වන පිරිවැය ඉහළ යාම හේතුවෙන් එය රුපියල් මිලියන 2.8ක් දක්වා සංශෝධනය කිරීමට අදාළ ගිවිසුමට එළැඹීම සිදු විය.
ශ්රී ලංකාවේ ජන ජීවිත යළි නගා සිටුවීම වෙනුවෙන් ඉන්දීය රජයේ සහාය ඇතිව මෙරට ක්රියාත්මක කරනු ලබන විශේෂ ව්යාපෘති නවයක් කඩිනමින් අවසන් කිරීම සඳහා අතිරේක ප්රතිපාදන සැපයීමට ඉන්දීය රජය කටයුතු කර තිබෙන අතර ඊට අදාළ ගිවිසුමට ද මෙහිදී එළැඹිණි. මේ යටතේ උතුරු පලාතේ පාසල් 27ක් නවීකරණය කිරීම, මන්නාරම සහ අනුරාධපුර නිවාස ව්යාපෘති, හැටන් තොණ්ඩමන් වෘත්තීය පුහුණු මධ්යස්ථානය සහ පුස්සැල්ලාව සරස්වතී මධ්ය විද්යලය වැඩිදියුණු කිරීම, පොළොන්නරුවේ බහු - වාර්ගික ත්රෛයි භාෂා පාසලක් ඉදිකිරීම, යාපනය ප්රදේශයේ වර්ෂා ජලය රැස් කිරීමේ ව්යාපෘති 2889 ක් ඉදිකිරීම, දඹුල්ල ප්රදේශයේ එලවලූ සහ පළතුරු කල් තබා ගැනීම සදහා මෙට්රේක් ටොන් 5000 ක ධාරිතාවයෙන් යුත් ශිතාගාර පහසුකම් ඉදිකිරීම, මඩකලපුව ශික්ෂණ රෝහල සඳහා නව ශල්ය වෛද්ය ඒකකයක් ඉදිකිරීම යන ව්යාපෘති කඩිනමින් නිම කිරීමට නියමිතය.
ශ්රී ලංකාවේ දේශීය කිරි කර්මාන්තය නඟා සිටුවීම සඳහා ඉන්දියාවේ ගුජරාට් සමුපකාර කිරි අලෙවි සම්මේලනය (අමුල් ව්යාපාරය) සහ ශ්රී ලංකාවේ කාගිල්ස් සමූහ ව්යාපාරය, ඉන්දීය ජාතික කිරි සංවර්ධන මණ්ඩලය සමග එක්ව ක්රියාත්මක කිරීමට නියමිත ඒකාබද්ධ ව්යාපෘතියට අදාළ ගිවිසුමට ද මෙහිදී එළැඹිණි.
ජනාධිපති රනිල් වික්රමසිංහ මහතාගේ ඉන්දීය නිල සංචාරයේ ප්රතිඵලයක් ලෙස ඇතිකරගත් මෙම ගිවිසුම මගින් මෙරට පශු සම්පත් ක්ෂේත්රය නවීකරණය සඳහා අරමුදල් සැපයේ. ඒ අනුව, පළමු වසර 5 තුළ කිරි නිෂ්පාදනය 53% කින් ඉහළ නංවමින් වසර 15ක් තුළ ශ්රි ලංකාව කිරිවලින් ස්වයංපෝෂිත කිරීම මෙම නව ව්යාපෘතියේ ප්රමුඛ අරමුණයි.
ප්රමිතියෙන් තොර හියුමන්ඉමියුනොග්ලොබින් එන්නත් මිලදී ගැනීමේ සිද්ධියට අදාළව අපරාධ පරීක්ෂණ දෙපාර්තමේන්තුව විසින් කිසිදු සාධාරණ හේතුවක් නොමැතිව තම
දිවයිනේ බොහෝ ප්රදේශවල පවතින අධික වැසි සහිත කාල ගුණ තත්වය හේතුවෙන් දිස්ත්රික්ක 10 ක ප්රාදේශිය ලේකම් කොට්ඨාස 33 කට අද ( 11 ) පෙරවරුවේ සිට නාය යෑමේ අනතුරුඇඟ
පවතින දැඩි වර්ෂාපතනය හේතුවෙන් කඩුවෙල යාකාල වැලිහිද ඇල හරහා ඉදිකරමින් පවතින පාලමක් හරහා ගමන් කිරීමට ගිය 39 හැවිරිදි පුද්ගලයකු දියේ ගිලී අතුරුදන් වී ඇතැ
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
ඇදහැලෙන මහ වැසි නිසා කලුගඟේ ජල මට්ටම මුවගම ස්වයංක්රීය ජල මාපකයේ අද( 11) පෙරවරු 10.15 වන විට මීටර් 5.2ක් වු පිටාර මට්ටමට ඉහළින් සුලු ගංවතුරක අවදානම් මට්ටමට පැම
අම්බලන්ගොඩ ධීවර වරායේ ගාල් කර තිබූ බහු දින ධීවර යාත්රා විස්සකට පමණ අද (11) හමාගිය තද සුළගකින් දැඩි අලාභ හානි සිදුව ඇතැයි එම ධීවර යාතාවල හිමිකරුවන් කියති
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඉන්දියාව-ලංකාව නව ගිවිසුම් තුනකට අත්සන් කරයි
City Thursday, 12 October 2023 05:42 AM
ඉතා හොඳ තීරණයක්, සියලුම ප්රජාවන්ට ප්රතිලාභ ලැබේ.
රංජිත් Thursday, 12 October 2023 08:06 AM
රනිල් ඉන්දියාවත් එක්ක එකතුවෙලා ජාතිවාදයට උදව්කරනවනෙ...අනිත් පළාත්වල අයට මොනවත් නෑනෙ
wedage Thursday, 12 October 2023 12:02 PM
ජයශංකර් ඇවිල්ල ඉන්නෙ උතුරට උදව්කරන්න නෙ
sisira Thursday, 12 October 2023 05:57 PM
ඉන්දීය විදේශ ඇමැතිවරයා ලංකාවේ මාධ්යට අදහස් පළකිරීමෙන් වැළකී සිටියි...!