(ඉන්දිකා රාමනායක)

උපරිමාධිකරණය සංකීර්ණයේ  බිම්මහලේ  ගබඩාවක ඊයේ (15) පස්වරුවේ  හටගත් ගින්න සම්බන්ධයෙන්  අපරාධ පරීක්ෂණ දෙපාර්තමේන්තු  උපරිමාධිකරණයේ ප්‍රධාන විධායක නිලධාරි(මාෂල්) වරයා ඇතුලු පුද්ගලයන් 31 ගෙන් ප්‍රකාශ සටහන් කරගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහන මහතා පැවසීය.

ප්‍රකාශ ලබාගත්  පිරිස අතර එහි ආරක්ෂක නිලධාරීන් ඇතුළු සේවකයින් සිටින බවද අජිත් රෝහණ මහතා කියා සිටියේය.

අතිරේක රස පරීක්ෂක එල් ඩබ්ලිව් ජයමාන්න, ජ්‍යෙෂඨ සහකාර රස පරීක්ෂක ඩබ්ලිව ඒ ආර් ප්‍රනාන්දු  මහත්වරුන් ඊයේ එම  ස්ථානයට පැමිණ පරීක්ෂණ ආරම්භ කළබවද විදුලි ඉංජිනේරු වරයෙක්  ද සිද්ධිය වූ ස්ථානයට පැමිණ පරීක්ෂණයක් ආරම්භ කළ බවත්  මෙම සියලු වාර්තා ඉදිරි දිනවල ලැබීමට නියමිතව ඇති බවද අජිත් රෝහණ මහතා සඳහන් කළේය .

මෙම ගින්නෙන් එහි ලේඛනාගාරයට හෝ කිසිදු නඩු ගොනුවකට හෝ  එහි දේපළකට හානියක් සිදුව නොමැති බව ද අජිත් රෝහණ මහතා සදහන් කළේය.

උපරිමාධිකරණයේ වායු සමීකරණ  පද්ධතිය සඳහා භාවිතා කර ඉන් ඉවත්කර තිබු   උපකරණ  තිබු බවත්  මෙම ගබඩාවේ  මෙම ගින්න හටගෙන තිබූ බව ද  අජිත් රෝහණ මහතා වැඩිදුරටත් පැවසීය.