(රෝෂන් තුෂාර)
එක්ප්රස් පර්ල් නැවේ කපිතාන්වරයා නැව ගිනි ගැනීමට පෙර දේශීය නියෝජිත ආයතනය දැනුවත් කර ඇත්ද? නැද්ද? යන්න පිළිබඳ කොළඹ විශ්ව විද්යාලයේ විශ්ලේෂණ වාර්තාවක් කොළඹ මහේස්ත්රාත් අධිකරණයට ඉදිරිපත් කළේය.
නැවේ කපිතාන්වරයා විසින් දේශීය නියෝජිත ආයතනයට යොමු කලේ යයි කියන ඊමේල් පණිවිඩ රාශියක් මගින් මෙම විශේෂඥ වාර්තාව සකසා ඇත.
එක්ප්රස් පර්ල් නෞකාවේ කපිතාන්වරයාට හා දේශීය නියෝජිත ආයතනය වන සී. කොන්සන්ස් සමාගමේ සැකකාර නියෝජිතයින් හත් දෙනෙකුට එරෙහිව රහස් පොලිසිය ගොනු කළ පැමිණිල්ල අතිරේක මහේස්ත්රාත් කේමින්ද පෙරේරා මහතා ඉදිරියේ කැඳවූ අවස්ථාවේදී අදාළ වාර්තාව විශ්ව විද්යාලයේ නියෝජිත වරයකු අධිකරණයටභාර දුන්නේය.
වාර්තාව සැකසීමට කොළඹ විශ්ව විද්යාලයට වැය වූ( රුපියල් මිලියන 2.2 මුදල් රජය මඟින් විශ්ව විද්යාලයට ගෙවා ඇත්දැයි මහේස්ත්රාත්වරයා මෙහිදී විමසීය.
ගෙවීම් කර නොමැති බව කොළඹ විශ්ව විද්යාලයේ පරිගණක අංශ විශේෂඥවරයා කරුණු ඉදිරිපත් කළේය.
අදාළ මුදල් කඩිනමින් ගෙවීමට කටයුතු සම්පාදනය කරන බව රහස් පොලිසිය වෙනුවෙන් පෙනී සිටි රජයේ ජේෂ්ඨ නීතිඥ මලික් අසීස් මහතා කරුණු ඉදිරිපත් කළේය.
නැවේ කපිතාන් වරයා විසින් පොලිසියට ලබා දී ඇති ප්රකාශ සහ නැව සම්බන්ධයෙන් දේශීය නියෝජිත ආයතනයට යොමු කර ඇති ඊමේල් පණිවිඩ අතර පැහැදිලි සැකයක් ඉස්මතුව ඇති බව නියෝජ්ය සොලිසිටර් ජෙනරාල් පස්ලී රාසික් මහතා කොළඹ මහේස්ත්රාත් අධිකරණයට කරුණු ඉදිරිපත් කරමින් දන්වා තිබිණි.
2021 මැයි මස 19 වැනි දින මෙරට මුහුදේ දී ගිනි ගැනීමට ලක් වූ නෞකාව සම්බන්ධයෙන් අපරාධ පරීක්ෂණ දෙපාර්තමේන්තුව සිදු කරන විමර්ශන ප්රගතිය ඇතුළත් පිටු තුනකින් යුත් වාර්තාවක් ඊයේ අධිකරණයට ඉදිරිපත් කෙරිණි.
නෞකාවේ ශ්රී ලංකාවේ නියෝජිත ආයතනය වෙනුවෙන් ජනාධිපති නීතිඥ සරත් ජයමාන්න, ජනාධිපති නීතිඥ අනුර මැද්දගොඩ,මහත්වරු ඇතුළු නීතිඥ මණ්ඩලයක් පෙනී සිටියහ.
පැමිණිල්ල වෙනුවෙන් අපරාධ පරීක්ෂණ දෙපාර්තමේන්තුවේ වරාය අපරාධ විමර්ශන ඒකකය අධිකරණයේ පෙනී සිටියේය.
විත්තිකාර කපිතාන් රුසියන් ජාතික විර්ටලී, වෙනුවෙන් නීතිඥ නිපුණ විමලසේකර මහතා පෙනී සිටියේය.
හිටපු අමාත්යවරුන් සහ රාජ්ය අමාත්යවරුන් අතුරින් රජයේ බංගලා තවමත් බාරදී ඇත්තේ තිදෙනකු පමණක් බව රාජ්ය පරිපාලන, ස්වදේශ කටයුතු, අධිකරණ, පළාත් සභා, පළාත
තමන්ට අපහාස වන අයුරින් තමාගේ හිටපු මාධ්ය ලේකම්වරයෙකු ඔහුගේම මුහුණු පොත හරහා අපහාස උපහාස සිදුකිරීම සහ තම සමීපමතමයන්ට දුරකථනයෙන් මරණ තර්ජන සිදු කිරී
පාර්ලිමේන්තු මන්ත්රීවරුන් රැසක් පාර්ලිමේන්තුවෙන් ගත් ආහාර වෙනුවෙන් හිඟ බිල්පත් රැසක් පියවා ගැනීමට ඇති හෙයින් එම මුදල පියවා ගන්නා තෙක් පසුගිය මස මන
මෙරට කූට ආනයනකරුවන් කිහිප දෙනකු කෘතිමව පිරිපහදු කළ ශරීරයට අතිශයින්ම අහිතකර තෙල් කිලෝ කෝටි 8000ක් පොල්තෙල් නමින් වෙළෙඳපොළට මේ වසරේදී නිකුත් කර ඇතැයි සමස
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
එක්ප්රස් පර්ල් ගැන වාර්තාවක් අධිකරණයට