එජා මානව හිමිකම් කවුන්සිලයේ දී චීනයේ සහය ශ්‍රී ලංකාවට

( තිළිණි ද සිල්වා )

ශ්‍රී ලංකාව තීරණාත්මක ආර්ථික අභියෝගයකට මුහුණ දෙමින් සිටින බැවින් චීනයේ සහය අඛණ්ඩව ලබා දෙන බව චීන රජය සඳහන් කළ බව එරට ශ්‍රී ලංකා තානාපති ආචාර්ය පාලිත කොහොන මහතා පැවසීය.

චීනයේ ශ්‍රී ලංකා තානාපති ආචාර්ය පාලිත කොහොන මහතා ,චීනයේ විදේශ කටයුතු උප අමාත්‍ය ලූවෝ ජාවෝහුයි මහතා හමු වූ අවස්ථාවේ මේ බව සඳහන් කර තිබේ.

විශේෂයෙන්ම ජිනීවා හි එක්සත් ජාතීන්ගේ මානව හිමිකම් කවුන්සිලයේ දී ශ්‍රී ලංකාවට චීනයේ සහය ලබා දෙන බවද උප අමාත්‍ය ලුවෝ මහතා මෙහිදී සහතික වී තිබේ.

දෙපාර්ශවය අතර පැවති මෙම දීර්ඝ සාකච්ඡාවට ජාත්‍යන්තර සංසදවල දී සහයෝගීතාව සහ අන්‍යෝන්‍ය සහය, කොවිඩ්-19 වසංගතයෙන් පසු ප්‍රකෘතිමත් වීම හා සම්බන්ධ ආර්ථික කරුණු, කොවිඩ්-19 වසංගතය ඵලදායී ලෙස කළමනාකරණය කිරීම සහ අනාගත ඉහළ මට්ටමේ සංචාර පිළිබදව ද සාකච්ඡාව බඳුන් වූ බව චීනයේ ශ්‍රී ලංකා තානාපති කාර්යාලය කියා සිටී.

ශ්‍රී ලංකාව වෙත චීන සංචාරකයන්ගේ පැමිණීම ඉහළ නැංවීම සඳහා සහ රජය සතු ව්‍යවසාය ඇතුළුව වැඩි ව්‍යාපාර සංඛ්‍යාවක් කොළඹ වරාය නගරයේ සහ හම්බන්තොට කර්මාන්ත කලාපයේ ආයෝජනය කරවීම සඳහා දරන ප්‍රයත්නවලට චීන විදේශ කටයුතු අමාත්‍යාංශය කාර්යශීලී ලෙස සහය දක්වන බවද ශ්‍රී ලංකා තානාපති කාර්යාලය කියා සිටී.

චීනයේ ආධාර ලද මෙම ව්‍යාපෘති දෙක බිම් මට්ටමෙන් ඉහළ නැංවීම සඳහා සුදුසු කාලය එළඹ ඇති බව ලුවෝ මහතා පිළිගත්තේය. දෙරට අතර ද්විපාර්ශ්වික නිදහස් වෙළඳ ගිවිසුමට කඩිනමින් එළඹීමේ අරමුණින් යුතුව ඒ පිළිබඳ සාකච්ඡා නැවත ආරම්භ කිරීම, ශ්‍රී ලංකාවට වාසිදායක වනු ඇති බවට දෙපාර්ශ්වයම එකඟ විය.

මෙහිදී ආචාර්ය කොහොන මහතා, ශ්‍රී ලංකාවේ ස්වාභාවික, කෘෂිකාර්මික හා කාර්මික නිෂ්පාදන රැසකට චීනයේ ලාභදායී වෙළඳපොළ වෙත පිවිසීම සඳහා බාධා පමුණුවන තීරුබදු නොවන බාධක පිළිබඳ ගැටළුව ද මතු කළේය.

අදහස් (8)

එජා මානව හිමිකම් කවුන්සිලයේ දී චීනයේ සහය ශ්‍රී ලංකාවට

upali Wednesday, 10 March 2021 07:43 AM

දැන් ඉන්දියාව බෑ කියයි වගේ ...

: 2 9

ravi Wednesday, 10 March 2021 07:54 AM

අපි චීනයත් සමග ආසියාවේ ශක්තිමත්, බලවත් රටක් විය යුතුයි.

: 14 12

mal Wednesday, 10 March 2021 09:20 AM

නැතුව නැතුව. බටහිර රටවල් එකක්වත් නැති වුණාට ඇබිසීනියාව වගේ රටවල්වල සහයෝගයත් අපටමනේ. ඉතින් අපි කාටද බය..? අපිට කවුද බය..?

: 4 14

Rata Perata Wednesday, 10 March 2021 09:20 AM

මේවා බයියන්ට නම් නියම සතුටු පුවත්.. චීනෙටත් සතුටු ඇති. මොකද ගිනි පොළියට චීනෙන් ණය ගන්න ඉන්න මෝඩ රටක් නේ... අනිත් එක තව ටික කාලෙකින් චීන කොළණියක්නේ. ඉතින් සහයෝගය දෙන්නම වෙනවා.

: 6 14

Lanka Wednesday, 10 March 2021 09:29 AM

නැතුව, නැතුව ... එයාලගේ ඉඩම් බේරගන්න ඕනෑ තමයි.

: 1 6

බද්රානි Wednesday, 10 March 2021 10:20 AM

ඉතින් චීන්නු තමන්ගේ යටත් විජිත කොළනියකට පක්ෂව ඡන්දෙ නොදුන්නා නම්නේ අපි පුදුම වෙන්න ඕනෑ. අනික, අර අපිව උල තියන්න බලාගෙන ඉන්න බටහිර රටවල් වලිනුත් අපිව ගලවා ගත්තා. මම නම් කෝකටත් කියලා දැම්මම චීන භාෂාව ඉගෙන ගනිමිනුයි ඉන්නේ. අපේ රටට ආදරය, සෙනෙහස, කරුණාව මෛත්‍රිය දක්වමින් ඉතාම සාධාරණ පොලියකට ණය ලබා දෙන අතිගරු, චීන අගමැතිතුමාට මාගේ ගෞරවාන්විත ප්‍රණාමය..!!

: 3 5

සිරිබිරි Wednesday, 10 March 2021 11:47 AM

එහෙම නොකර පුළුවන්ද? දීලා තියන ණය කන්දරාව දිහා බලපුවාම...

: 2 0

rocky Wednesday, 10 March 2021 12:44 PM

ශ්‍රී ලංකාවේ බලවත්ම සතුරා වන්නේ චීනය බව අනාගතයේදී තහවුරු වනු ඇත...

: 2 0

ඔබේ අදහස් එවන්න

දියත

ජාතික පුස්තකාලය කවියක් කරන්න රත්න ශ්‍රී ට වරමක්

2024 දෙසැම්බර් මස 16 7 0

ප්‍රවීණ කිවියර,ගේය කාව්‍ය රචක රත්න ශ්‍රී විජේසිංහ මහතා ජාතික පුස්තකාල හා ප්‍රලේඛන සේවා මණ්ඩලයේ සභාපති ⁣ධුරයේ අද (16) වැඩ බාර ගත්තේය.

එක්සත් ජාතීන්ගේ සංවිධානය පරිසර ඇමති අතර හමුවක්

2024 දෙසැම්බර් මස 16 70 0

එක්සත් ජාතීන්ගේ සංවිධානය සහ ඊට අනුබද්ධ ආයතනවල නේවාසික නියෝජිතයන් පරිසක් අමාත්‍ය වෛද්‍ය ධම්මික පටබැඳි මහතා අද (16) හමුවූහ.

මඩොල්සිම ඇකිරිය මාර්ගයේ ප්‍රදේශයේ නායයාමක්

2024 දෙසැම්බර් මස 16 65 0

පස්සර මඩොල්සිම මැටිගහතැන්න ඇකිරිය මාර්ගයේ 25 කනුව ප්‍රදේශයේ අද (16) රාත්‍රි සිදු වූ නාය යාමක් හේතුවෙන් එම මාර්ගයේ රථ වාහන ධාවනය මුලුමනින්ම ඇණ හිට ඇතැයි මඩ

’’බල්ලා එලෙව්වට කිනිතුල්ලො හැම තැනම’’

2024 දෙසැම්බර් මස 16 401 0

බල්ලා එලෙව්වට කිනිතුල්ලො හැම තැනම ඉන්නා බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා පැවසීය.

මියන්මාර කඳවුරේ සිටි තවත් 27ක් මව් බිමට

2024 දෙසැම්බර් මස 16 164 0

මියන්මාර මිනිස් ජාවාරම් කඳවුරේ සිරවී සිටි ශ්‍රී ලාංකිකයන් 27ක කණ්ඩායමක් මෙරටට ගෙන්වා ගැනීමට රජය සමත් වූ බව විදේශ කටයුතු විදේශ රැකියා හා සංචාරක අමාත්‍ය

ජනාධිපති - ඉන්දීය උප ජනාධිපති හමුවෙයි

2024 දෙසැම්බර් මස 16 105 0

ජනාධිපති අනුර කුමාර දිසානායක මහතා සහ ඉන්දීය උප ජනාධිපති ජග්දීප් ධන්කර් මහතා අතර හමුවක් අද (16) පස්වරුවේ සිදු විය.