(අංජුල මහික වීරරත්න)

එක්සත් ජාතික පක්ෂයේ සියලුම දිස්ත්‍රික්කවල සමාජ මාධ්‍ය ක්‍රියාකාරීන් පුහුණු කිරීමේ සහ පත්වීම් ලබා දීමේ වැඩසටහන් මාලාවේ පළමුවෙනි වැඩසටහනට ගාල්ලේ "රැඩිසන් බ්ලු" හෝටලයේ දී පැවැත්විණි.

එක්සත් ජාතික පක්ෂයේ නියෝජ්‍ය නායක රුවන් විජයවර්ධන මහතාගේ අධීක්ෂණය යටතේ එජාප ජාතික සංවිධායක සාගල රත්නායක මහතාගේ ප්‍රධානත්වයෙන් වැඩසටහන පැවැත්විණි. දින දෙක හමාරක නේවාසික පුහුණු සැසියක් ලෙස සංවිධානය කළ මෙම වැඩසටහන අවසානයේ එක්සත් ජාතික පක්ෂයේ ජාතික සංවිධායක සාගල රත්නායක මහතා අතින් පත්වීම් ලිපි ලබා දීම සහ සහතික පත් බෙදාදීම සිදුවිය.

කොළඹ, ගම්පහ, කළුතර, මාතර සහ හම්බන්තොට යන දිස්ත්‍රික්කවල සම්බන්ධීකාරකවරුන් පළමුවැනි වැඩසටහනට සහභාගී වූ අතර ඉදිරි වැඩසටහන් වල දී සෙසු දිස්ත්‍රික්ක වල සම්බන්ධීකාරකවරුන් සහභාගී කර ගැනීමට නියමිත බව රුවන් විජයවර්ධන මහතා පැවසීය.