(කාවින්දි කරුණාතිලක සහ චාමි අනුත්තරා)

රුපියල් කෝටි 8 කට අධික වටිනාකමින් යුත් කේරළ ගංජා තොගයක් කිලිනොච්චි ඉරණතිව් දූපතේදී සිය භාරයට ගත් බව නාවික හමුදාව පැවැසීය.

බටහිර නාවික විධානය දුන් තොරතුරකට අනුව කළ මෙහෙයුමකදී ළඳු කැලෑවක් තුළ සැක කටයුතු උර 6 ක සඟවා තිබූ කේරළ ගංජා කිලෝග්‍රෑම් 207 කට අධික තොගයක් සොයාගත් බවද නාවික හමුදාව කීය.

භාරයට ගත් කේරළ ගංජා තොගය ඉදිරි නීතිමය කටයුතු සඳහා මුලංකාවිල් පොලිස් ස්ථානයට භාරදුන් බව නාවික හමුදාව වැඩිදුරටත් සඳහන් කළේය.