කෝටි හතරක බඩු ගුවන්තොටෙන් පිටකරන්න ගිහින්

(ටී.කේ.ජී.කපිල)

රුපියල් කෝටි හතරක් පමණ වටිනා භාණ්ඩ තොගයක් නිසි අවසරයකින් තොරව මෙරටට රැගෙන විත් , තීරු බදු නොගෙවා කටුනායක ගුවන් තොටුපොළෙන් පිට කිරීම තැත් කළ අක්කා මලෝ දෙදෙනෙක් ද සමග ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් අද අත්අඩංගුවට ගනු ලැබූහ.

මෙම ගුවන් මගීන් දෙදෙනා කොළඹ, ග්‍රෑන්ඩ්පාස් ප්‍රදේශයේ පදිංචි 57 හැවිරිදි කාන්තාවක සහ 55 හැවිරිදි පිරිමි පුද්ගලයෙකි.

ව්‍යාපාරිකයන්ගේ අවශ්‍යතා මත විදේශයන් වෙත ගොස් භාණ්ඩ ගෙනැවිත් දීමේ ව්‍යාපාරයක නිරත වී සිටින්නන් වේ .

මොවුන් දෙදෙනා අද දින උදෑසන 06.51 ට ඉන්දියාවේ චෙන්නායි සිට ඉන්දීය ගුවන් සේවයේ ඒ.අයි.- 273 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

ඔවුන් ව්‍යාපාරිකයන් සදහා කටුනායක ගුවන් තොටුපොළ තුළ වෙන් කර ඇති "රක්ත මාවත " ඔස්සේ ගුවන් තොටුපොළෙන් පිට වී යමින් සිටියදී අපරාධ පරීක්ෂණ දෙපාර්තමේන්තු නිලධාරීන් විසින් මෙම අත් අඩංගුවට ගැනීම සිදු කර තිබේ .

මොවුන් දෙදෙනාගේ ගමන් මලු තුළ මෝටර් රථ අමතර කොටස් , චන්ද්‍රිකා රූපවාහිනී උපාංග ( Satalight Television ) , වැට් - 69 විස්කි බෝතල් 18 ක් , ස්කොෂ් ලීඩර් විස්කි බෝතල් 29 ක් ,නීතිවිරෝධී ලෙස ආනයනය කළ විදේශීය නිෂ්පාදිත මැන්චෙස්ටර් , එසී බ්ලැක් සහ බෙන්සන් ඇන්ඩ් හෙජස් වර්ගයේ දුම්වැටි තොගයක් , සෞඛ්‍ය අමාත්‍යාංශයේ නිසි අවසරයකින් තොරව රැගෙන විත් තිබූ සැත්කම් පිහි 1,100 ක් , ඉන්දීය කෝපි පැකට් 2,220 ක් , රාත්‍රී ආලේපන ( Night Cream ) පෙට්ටි 100 ක් ද තිබී සොයා ගෙන අත් අඩංගුවට ගෙන තිබුණි .

අදහස් (5)

කෝටි හතරක බඩු ගුවන්තොටෙන් පිටකරන්න ගිහින්

jayantha Monday, 26 August 2024 04:30 PM

කස්ටම් එකේ ඔෆිසර් කෙනෙක්ට එයාලාගේ ජරාව කුට්ටිය දීලා ගෙනියන්නේ නැතුව ලෝභකමට හොරෙන් ගෙනිච්චාම අල්ලනවා තමයි. එහෙම නැත්නම් තමන් කලින් සෙට් කරගෙන හිටපු නිලධාරියා එදා නැතුව වෙන කෙනෙක් ඩියුටි හිටියාමත් මෙහෙම අල්ලනවා... මොකෝ මේ දෙන්න අද පළවෙනි සැරේට මේ හෑන්ඩ් ලෝඩ් අදින්න පටන් ගත්තු අය වෙන්න බැහැනේ.. මෙච්චර හෑන්ඩ් ලෝඩ් එකක් අදින්නේ පුරුදුකාරයෝ.. ලෝඩ් සීයක් අදිනකොට දහයක් විතර මේ වගේ මාට්ටු වෙනවා තමයි.. සියලු දේ අනිත්‍යයි. හැමදාම එක වගේ නැහැ. හෙට අනිද්දා අපහු හෑන්ඩ් ලෝඩ් ටිකක් අදාල මේ වෙච්චි අලාභයත් කවර් කරගන්න අධිෂ්ඨානයෙන් යන්න මෙයා.. මොකෝ කස්ටම් එකේ සිස්ටම් එක එහෙම ලේසියෙන් වෙනස් කරන්න පුළුවන්ද..? ඔය වගේ ඩාම් වෙනවා... ඩූම් වෙනවා තමයි. ජීවිතේ ඔහොම තමයි...

: 0 53

පියල් විරසිංහ Monday, 26 August 2024 05:06 PM

මේ අයනකොට මේගොල්ලන් සම්බන්ධතා තියෙන රේගු නිලධාරියා ඉන්න නැතිව ඇති. මේ සෑම දෙයක්ම වෙන්නේ සමහරක් රේගු නිලධාරීන්ගේ සහාය ඇතිව...

: 0 40

ajantha Monday, 26 August 2024 06:31 PM

ඔය හොරට වංගු ගහලා බඩු අදින එවුන්ගෙන් එළියේදී ඇහුවොත් කියයි අපිත් මාලිමාවට.. හොරකම, දූෂණය නවත්වන්න ඕනෑ කියලා.. ඒ වගේම ඔය බඩු අදින්න වෙනදාට සපෝර්ට් කරලා ජරාව කුට්ටිය සාක්කුවේ දාගන්න කස්ටම් ඔෆිසර්ලාත් එළිපිට කියන්නේ රාජපක්ෂලා හොරු අපි නම් මාලිමාවට කියලා.. මෙව්වා වෙනස් වෙන්නේ නැහැ මාලිමාව නෙමෙයි කවුරු ආවත්...

: 0 0

සෙනෙවිරත්න Tuesday, 27 August 2024 06:35 AM

ලොරියක බඩු ගෙනල්ල , මට පුදුමෙ ඒකයි, අපි කිලෝ 35 ගේන්නෙත් මොන ලෙඩක් වැටෙයිද කියල හිත හිත.මෙන්න වැඩ කාරයො, මෙතන තැනක තිබුන රේගුවෙ හිග බදු නැහැ කියල, මේවයෙ හිග බදු යන්නෙ සාක්කු වලට

: 0 7

විපරමා Tuesday, 27 August 2024 02:38 PM

මගේ හිතවතෙකුට රු.35,000 ක් දඩ ගැහැව්වා .කිලෝ ගාණ ටිකක් වැඩී කියලා. තව කෙනෙක් කස්ටම් ඔෆිසර් කෙනෙක් අල්ලගෙන ඉන්දියාවෙන් සාරි තොගයක් ගෙනාවා.පගාව දීලා?

: 0 2

ඔබේ අදහස් එවන්න

දියත

ශිෂ්‍යත්ව පේපරේ පිට කළ අධ්‍යාපන ලොක්කා රිමාන්ඩ්

2024 සැප්තැම්බර් මස 23 6 0

පහ වසර ශිෂ්‍යත්ව විභාගය ප්‍රශ්න තුනක් කලින් පිට කිරිම සම්බන්ධයෙන් අත් අඩංගුවට ගත් ජාතික අධ්‍යාපන ආයතනයේ සැලසුම් හා මෙහෙයුම් අධ්‍යක්ෂවරයා ලබන 7 වැනි ද

අනුරට කතානායකගෙන් සුභ පැතුමක්

2024 සැප්තැම්බර් මස 23 218 0

ශ්‍රී ලංකාවේ නවවැනි විධායක ජනාධිපතිවරයා ලෙස අභිනවයෙන් තේරි පත්වූ අනුර කුමාර දිසානායක මහතාට සිය සුබපැතුම් පළ කරන බව පාර්ලිමේන්තුවේ කතානායක මහින්ද ය

ලංකාව චීනය අතර සබඳතා ශක්තිමත් වෙයි

2024 සැප්තැම්බර් මස 23 333 0

ශ්‍රී ලංකාවේ නවවැනි විධායක ජනාධිපතිවරයා ලෙස අනුර කුමාර දිසානායක මහතා තේරී පත්වීමත් සමග ශ්‍රී ලංකාව සහ චීනය අතර සබඳතා තවත් ශක්තිමත් වනු ඇති බවට චීන විශ

නව ජනපති මහනාහිමිවරුන් බැහැ දකියි

2024 සැප්තැම්බර් මස 23 3184 1

නව ජනපති අනුර කුමාර දිසානායක මහතා දිවුරුම් දිමෙන් අනතුරුව මහනුවරට ගොස් දළදා සමිදුන් වැද පුදා ගත්තේය.

ජනාධිපතිවරණය ඉතාමත් සාමකාමීයි

2024 සැප්තැම්බර් මස 23 1176 1

ශ්‍රී ලංකාවේ ජනාධිපතිවරණය ඉතාමත් සාමකාමී බවත්, ඡන්දය ප්‍රකාශ කිරීම, ගණන් කිරීම, ප්‍රතිඵල නිකුත් කිරීම සහ සිදුවුණු බලහුවමාරුව ඉතාමත් සාමකාමී අයුරින්

ඉතිහාසයේ බිහිවූ සාමකාමීම ජනාධිපතිවරණයයි

2024 සැප්තැම්බර් මස 23 1153 2

පශ්චාත් මැතිවරණ සමයේදී කිසිදු පැමිණිල්ලක් මේ දක්වා වාර්තා වී නොමැති බව මැතිවරණ නිරීක්ෂණ සංවිධාන පවසති.