(හිරාන් ප්‍රියංකර ජයසිංහ)

2019 වසරේ දී මුහුදු මාර්ගයෙන් මෙරටට රැගෙන එමින් තිබියදි අත් අඩංගුවට ගෙන අධිකරණ කටයුතුවලින් පසු කොළඹ අධිකරණ භුමියෙ රදවා තිබු රුපියල් කෝටි 107ක වීදි වටිනාකමින් යුත් හෙරෝයින් කිලෝ 107ක් පුත්තලම මහෙස්ත්‍රාත් මිහිල් චිරන්ත සතුරුසිංහ මහතා ඉදිරීයෙ පුත්තලම පාලවිය සිමේන්ති නිෂ්පාදන කර්මාන්ත ශාලවේදී අද (14) පුළුස්සා විනාශ කෙරිණි.

අදාල හෙරෝයින් තොගය සමඟ ඉරාන ජාතිකයින් හත් දෙනෙකුද අත්අඩංගුවට ගෙන තිබු අතර ඔවුන් සම්බන්ධ අධිකරණ කටයුතු අවසන් වීමේන් පසු ඔවුන් සන්තකයෙ තිබු හෙරෝයින් තොගය මෙලෙස කොළඹ අධිකරණයේ රඳවා තබාගෙන ඇති අතර විශේෂ පොලිස්, පොලිස් විශේෂ කාර්ය බලකා නිළධාරීන්ගේ හා පොලිස් මත්ද්‍රව්‍ය නාශක කාර්යාංශයෙ නිළධාරීන්ගේ විශේෂ අධික්ෂණයකින් සිමේන්ති කර්මාන්ත ශාලාව වෙත රැගෙන ගොස් අද විනාශ කර තිබේ.

මෙලෙස විනාශ කෙරුණු හෙරෝයින් තොගය රජයෙ රස පරික්ෂකවරිය ඉදිරියෙදි පරික්ෂාවට ලක්වු අතර හෙරෝයින් තොගය විනාශ කිරීමට පෙර රස පරික්ෂක දෙපාර්තුමේන්තුවේ ජ්‍යෙෂ්ඨ නිළධාරීන් විසින් එහි සාම්පල පරික්ෂා කර පසුව ලිටර් 500 ක ජල බහලුම් වල ජලය සමග දිය කර සෙල්සියල් අංශක 2300ක උෂ්ණත්වයකින් යුත්උදුන වෙත රැගෙන එහිදි විනාශ කිරීම සිදුවිනි.

අදාල හෙරෝයින් විනාශ කල පුත්තලම පාලවි සිමේන්ති කර්මාන්ත ශාලා පරිශ්‍රයට පොලිස් හා පොලිස් විශේෂ කාර්ය බලකා විශේෂ ආරක්ෂාවක් යොදවා තිබුනී.

මෙම අවස්ථාවට වයඹ ජ්‍යෙෂ්ඨ නියෝජ්‍ය පොලිස්පති කිත්සිරි ජයලත් මහතා සමග පොලිස් මත්ද්‍රව්‍ය නාශක කාර්යාංශයෙ අධ්‍යක්ෂ එක්ව තිබු අතර හෙරෝයින් විනාශ කිරීමට අදාල පහසුකම් සැපයිම පුත්තලම සිමේන්ති කර්මාන්ත ශාලාවේ පාලනාධිකාරිය විසින් සිදු කර තිබුනී.