(ඉන්දිකා  රාමනායක)

තංගල්ල  කුඩාවැල්ල ප්‍රදේශයේ දී ඉකුත් (15) දින රාත්‍රියේ  බහුදින යාත්‍රා ස්කීපර් වරයෙකුට වෙඩි තබා ඝාතනය කිරීමේ සිද්ධියේ    වෙඩික්කරුවා වශයෙන් කටයුතු කළ නාවික හමුදා භටයකු විශේෂ කාර්ය බලකාය මගින්  බලපිටිය ප්‍රදේශයේදී  අද  (20) පස්වරුවේ අත්අඩංගුවට ගනු ලැබීය.

සැකකරු පුල්මුඩේ නාවික හමුදා කඳවුරේ රාජකාරි කරමින් සිටින නාවික භටයකු බවත් ඔහු  දැනට ඩුබායි රාජ්‍යයේ සැඟව සිටින බලපිටිය ඩිල්ශාන් නමැත්තා ගේ ගෝලයකු බව විශේෂ කාර්ය බලකා ආරංචි මාර්ග පවසයි.

මෙම නාවික භටයා තදින්ම අයිස් මත්ද්‍රව්‍ය පානය පානයට ඇබ්බැහි ව සිටින්නෙකු බවත්  වසර 1 1/2. කාලයක  සිට මොහු වූ අයිස් මත්ද්‍රව්‍යයට ඇබ්බැහි ව සිටින්නකු බවට  තොරතුරු හෙළිවී ඇත.

සැකකරු ඉකුත්(.10) නිවාඩුවට පැමිණ ඇති අතර එම නිවාඩු කාලය තුළ ඔහු මෙම ඝාතනය සිදුකර ඇති බව විශේෂ කාර්ය බලකාය පවසයි.

බලපිටිය  ප්‍රදේශයේ පදිංචිකරුවෙකු වන සැකකාර නාවික භටයා, නිවැසියන් සමග විනෝද චාරිකාවකට ගොස් මෝටර් රථයකින් නැවත නිවෙස වෙත එමින් සිටියදී ඊයේ  පස්වරුවේ බලපිටිය ප්‍රදේශයේ දී ඔහු අත්අඩංගුවට පත්ව ඇත.