(ඉන්දිකා රාමනායක)

යාපනය කන්කසන්තුරය මුහුදේ සිදුකළ විශේෂ සෝදිසි මෙහෙයුමක් මඟින් රුපියල් කෝටි 6කට අධික වටිනා කේරළ ගංජා සහ වියලි කහ සමඟ පුද්ගලයන් තිදෙනකු අත්අඩංගුවට ගත් බව නාවික හමුදාව කියයි.

අත්අඩංගුවට ගන්නා අවස්ථාවේ කෙරළ ගංජා කිලෝ 216 ග්‍රෑම් 750 ක් සහ, වියලි කහ කිලෝ 19 ක් ප්‍රමාණයක් අත්අඩංගුවට ගත් බවද නාවික හමුදාව පවසයි.

කන්කසන්තුරේ මුහුදු මාර්ගයෙන් සිදු කෙරෙන මත්ද්‍රව්‍ය ජාවාරම ඇතුළු නීති විරෝධී කටයුතු මැඩ පැවැත්වීම සඳහා නාවික හමුදාව මෙරට මුහුදු කලාපය ආවරණය වන පරිදි නිරන්තර මෙහෙයුම් සිදු කරනු ලබන බවත් ඊයේ (25) රාත්‍රියේ සිදුකළ මෙහෙයුමේ දී මෙහෙයුමේදීල ගොඩබිම දෙසට පැමිණි සැකකටයුතු ඩිංගි යාත්‍රාවක් නවතා පරීක්ෂා කිරීමේ එහි තිබී මෙම භාණ්ඩ සොයාගෙන තිබිණි.

ඩිංගි යාත්‍රාව තුල ගෝනි උර හයක පාර්සල් වශයෙන් අසුරන ලද කේරල වියළි කහ තොගය සමඟින් එම  යාත්‍රාව නාවික හමුදා භාරයට ගන්නා ලදී. මේවා අන්තර් ජාතික මුහුදු සීමාවේදී සැකකරුවන් විසින් ඩිංගි යාත්‍රාවට ලබා ගෙන ගොඩබිමට ගෙන ඒමට උත්සහ කරන්නට ඇතැයි නාවික හමුදාව සැක කෙරේ. නාවික හමුදා භාරයට ගත් සැකකරුවන් වයස අවුරුදු 22ත් 34ත් අතර වයසේ පසුවන කන්කසන්තුරය වළලායි ප්‍රෙද්ශයේ පදිංචිකරුවන් බවට අනාවරණය කරගත් අතර, එම සැකකරුවන් කේරළ ගංජා, වියළි කහ සහ ඩිංගි යාත්‍රාව ඉදිරි පරීක්ෂණ කටයුතු සඳහා කන්කසන්තුරය පොලීසිය වෙත භාර දීමට කටයුතු කෙරිණි.