(ශාන්ත ප්රදීප් කුමාර කුලරත්න)
සංවිධානාත්මක අපරාධකල්ලි නායකයකු වන ගනේමුල්ල සංජීව නමැත්තාගේ මෙහෙයවීමෙන් කඳාන ප්රදේශයේ ව්යාපාරිකයකුගේ නිවසකට වෙඩි තැබීමට පැමිණි යතුරු පැදියේ පැදිකරුවකු ඊයේ (22) අත්අඩංගුවට ගත් බව මත්තේගොඩ පොලිසිය පවසයි.
ඉකුත් වසරේ අවස්ථා කිහිපයකදී මෙම ව්යාපාරිකයාට දුරකථන ඇමතුම් දී කප්පම් ඉල්ලා ඇති අතර ඊට යහපත් ප්රතිචාරයක් නොදැක්වීම නිසා ඔහුව බිය ගැන්වීමේ අරමුණින් යතුරුපැදියකින් මුහුණු ආවරණය කරගත් දෙදෙනකු කඳාන පියෝමාවත ප්රදේශයේ ව්යාපාරිකයාගේ නිවසකට ටී 56 වර්ගයේ ගිනි අවියකින් වෙඩි තබා පලා ගොස් තිබුණි.
වෙඩි තැබීමෙන් කිසිවකුටත් හානියක් නොවූ අතර ව්යාපාරිකයාගේ නිවසට හා ගේට්ටුවට හානි සිදුව තිබුණි.
සිද්ධිය සම්බන්ධයෙන් කදාන පොලිසිය පරීක්ෂණ පවත්වන අතරතුරදී අපරාධ පරීක්ෂණ දෙපාර්තමේන්තුවද පරීක්ෂණයක් ආරම්භ කර තිබූ අතර ඊට සම්බන්ධ බවට සැකකරන පුද්ගලයින් 14 දෙනකු මේ වන විට අත්අඩංගුවට ගෙන ඇතැයි පොලිසිය කියයි.
එහෙත් සිද්ධියට සම්බන්ධ වෙඩික්කරු මේ වනවිට විදේශ රටකට පලා ගොස් ඇති බවට තොරතුරු ලැබී තිබූ බවත් යතුරුපැදිය පැදවූ පැදිකරු මත්තේගොඩ පොලිස් වසමේ සැරිසරන බවට විශේෂ කාර්යාංශයට තොරතුරක් ලැබී තිබු බවත් පැවසේ.
ඒ අනුව මත්තේගොඩ පොලිසියට අනුයුක්ත සේවයේ නිරත විශේෂ කාර්යාංශ නිලධාරීන්ට ලද තොරතුරකට අනුව තනමල්විල සූරිය ආර ප්රදේශයේ පදිංචි (40) හැවිරිදි "කොට්ටාවේ සුද්දා" ලෙස හඳුන්වනු ලබල පුද්ගලයෙකු මත්තේගොඩ නගර මධ්යයේදී අත්අඩංගුවට ගත් බවයි පොලීසිය පවසන්නේ.
සැකකරු අත්අඩංගුවට ගැනීමෙන් අනතුරුව සිදුකළ ප්රශ්න කිරීමේදී වෙඩි තැබීම සඳහා පැමිණි යතුරු පැදියේ පැදිකරු තමා බවත් ගනේමුල්ල සංජීව නමැත්තාගේ උපදෙස් මත මෙම වෙඩිතැබීම සිදුකළ බවට තොරතුරු අනාවරණය වූ බවත් පොලීසිය කියයි.
වෙඩි තැබීමේ සිද්ධියෙන් පසුව සැකකරු දොම්පේ ප්රදේශයේදී අයිස් මත්ද්රව්ය තොගයක් සමග අත්අඩංගුවට ගෙන බන්ධනාගාර ගතව සිට ඉකුත් දෙසැම්බර් මාසයේදී ඇපමත නිදහස්ව ආ අයකු බවද පැවසේ.
අත්අඩංගුවට ගත් සැකකරු වැඩිදුර විමර්ශන සඳහා කඳාන පොලිසියට අද (23) භාරදීමට නියමිතව තිබුණි.
ගල්කිස්ස කොට්ඨාස භාර ජ්යෙෂ්ඨ පොලිස් අධිකාරී මංගල දෙහිදෙනිය මහතාගේ අධීක්ෂණය යටතේ සහකාර පොලිස් අධිකාරි දර්ශන කුරුකූසූරිය මහතාගේ උපදෙස් මත මත්තේගොඩ පොලිසියේ ස්ථානාධිපති පොලිස් පරීක්ෂක ඉන්දික කුමාර මහතාගේ මෙහෙයවීමෙන් අපරාධ විමර්ශන අංශයේ ස්ථානාධිපති උප පොලිස් පරීක්ෂක සිල්වා , පො.සැ (68189) සාගර පො.කො (15486) තිළිණ (19020) සංඛ (23671) උඩුගම (37211) උඩගේ ඇතුළු නිලධාරීහු වැටලීම සිදු කරන් ලදී.
නිවෙසක් නොමැතිකම හේතුවෙන් වන අලින්ගෙන් තම ජීවිත බේරා ගැනීමට කාලයක සිට ගසක් උඩ ඉදි කළ පැලක වාසය කරමින් ඉතා දුෂ්කර ජීවිතයක් ගත කරන දරු පවුලක් පිළිබඳව අන
ශ්රී ලංකා රජයේ සංවර්ධන ව්යාපෘති සඳහා මූල්ය සහාය ලබාදීමට කොරියානු එක්සීම් බැංකුව එකඟතාවය පළ කර තිබේ.
බොහෝ හිටපු ඇමතිවරුන්ගේ කොළඹ බංගලාවල ආයතන රැසකට අයත් බඩුමුට්ටුවලින් පිරී තිබී සොයාගෙන ඇතැයි රාජ්ය පරිපාලන ස්වදේශ කටයුතු අධිකරණ පළාත් සභා පළාත් පාලන
පසුගිය රජය සමයේදී බේරුවල ධීවර වරායේ සිදුව ඇතැයි කියන රුපියල් කෝටියකට අධික මුල්යමය වංචාව සම්බන්ධයෙන් වරාය කළමනාකාරවරයා සහ සේවකයන් හත්දෙනකු පිළිබඳ ව
හිටපු අග්රාමාත්ය දිනේෂ් ගුණවර්ධන මහතාගේ නායකත්වයෙන් යුත් පොදුජන එක්සත් නිදහස් සන්ධානය ගෑස් සිලින්ඩරය ලකුණ යටතේ මහ මැතිවරණයට තරඟ කිරීමට එකඟතාවයට
ඉහළ වැට් බද්ද සහ ආදායම් බදු හේතුවෙන් පීඩාවට පත් ජනතාවට සහන සැලසීමට රජය සැලසුම් කර ඇති බව ජනාධිපති අනුර කුමාර දිසානායක මහතා ජාත්යන්තර මූල්ය අරමුදලේ න
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කඳානේ වෙඩි තැබීමට සහය දුන් සංජීවගේ ගෝලයා මාට්ටු