හම්බන්තොට ජාත්‍යන්තර වරාය සහ කොර්ඩීලියා කෲස් ලයින්ස් සමාගමේ මෙරට නියෝජිත හේලීස් සමාගම අතර ඇති සහයෝගයේ ප්‍රතිඑලයක් ලෙස, මේ වසරේ ජුනි සහ සැප්තැම්බර් දක්වා කාලය තුළ සුඛෝපභෝගී මගී නෞකා 13ක් වරාය වෙත පැමිණීමට නියමිතය.

ඉන්දියානු සංචාරකයන්ට ආකර්ෂණීය නිවාඩු පැකේජ පිරිනමන කෝර්ඩීලීයා කෲස් සමාගමට අයත් Empressනෞකාව, හම්බන්තොට වරාය වෙත සිදු කළ මංගල චාරිකාවත් සමග ඉන්දියාව සහ ශ්‍රී ලංකාව අතර යාත්‍රා ඇරඹිණි. මගීන් 745ක් රැගත් නෞකාව දිවයිනේ තවත් ප්‍රධාන වරායන් 3ක ගොඩබසිනු ඇත.

“සුඛෝපභෝගී මගී නෞකාවල සිට අර්ධ සුඛෝපභෝගී සහ සාමාන්‍ය මගී නෞකා දක්වා ඕනෑම නෞකාවක් සඳහා හම්බන්තොට වරායට හට සේවා සැපයිය හැකිය. මීටර් 17ක ගැඹුරක් සහිත එම වරායෙහි ඕනෑම නෞකාවකට නැංගුරම් ලෑ හැකි අතර නවීන වරායක් ලෙස, නැව්, කාර්ය මණ්ඩලය සහ මගීන්ගේ අවශ්‍යතා සැපිරීමට  මෙන්ම  ආගමන, විගමන, රේගු සේවා ලබා දීමට අප සූදානම්ව සිටිනවා. හේලීස් සමාගම සමඟ ඇති මෙම සම්බන්ධතාව, සංචාරක නැව් ගමනාන්තයක් ලෙස හම්බන්තොට වරාය ප්‍රවර්ධනය කිරීමේ තවත් පියවරක් ලෙසයි අපි දකින්නේ. අප වරාය කාර්ය බහුල අග නගරයෙන් බැහැරව හරිත පරිසරයක පිහිටීම අමතර ආකර්ෂණයක් වනවා මෙන්ම, ප්‍රධාන නාවික මාර්ගවලට  සමීපව පිහිටීම ඉන්දියන් සාගරයේ ගමන් කරන ඕනෑම නෞකාවකට පහසුවකි.  ලෝකයේ සුඛෝපභෝගී සංචාරක  නැව් වරාය 2000කට අධික ගණනක් තිබෙන අතර, නවීන පහසුකම් වලින් යුත් අභිනව වරායක් වන හම්බන්තොට මෙම  වරායන් අතරට එක් වීමට  කදිම සුදුස්සෙක්. වරායේ සිට ඉතා කෙටි දුරකින් සංචාරක ගමනාන්ත කිහිපයක් පිහිටා තිබීම අමතර වාසියක්,” යැයි හම්බන්තොට ජාත්‍යන්තර වරාය සමූහයේ (HIPG) ප්‍රධාන විධායක නිලධාරී ජොන්සන් ලියු මහතා පවසයි.

595