(කුෂාන් ජයවර්ධන සහ කාංචන ආරියදාස)
කලාවැවේ හදිසි වාන් දොරටු දෙක අද( 23) පස්වරු 04.30 සිට අඩි 06 දක්වා විවෘත කිරීමට කලාවැව කාර්යභාර ඉංජිනේරු කාර්යාලය පියවර ගෙන තිබේ.
එම හදිසි වාන් දොරටු දෙක අද (23) උදෑසන 6.00 සිට පස්වරුව දක්වා අඩි 4 බැගින් විවෘත කිරීමටත්, පස්වරු 3.15 වනවිට අඩි 05 දක්වා විවෘත කිරීමටත් කලාවැව කාර්යභාර ඉංජිනේරු කාර්යාලය කටයුතු කර තිබිණ. පස්වරු 4.30 ට එම හදිසි වාන් දොරටු අඩි 06 බැගින් විවෘත කෙරුණු අතර මේ වනවිට කලා වැවෙන් කලාඔයට මුදාහැරෙන ජල ධාරිතාවය තත්පරයට ඝණ අඩි 6356 ක් වේ.
මේ වනවිට කලාවැව අවුකන මාර්ගය අවුකන විහාරස්ථානය අසළින් ජලයෙන් යටවී තිබේ.එම මාර්ගයේ ගමනාගමන කටයුතු සම්පූර්ණයෙන්ම ඇණ හිට තිබේ.
මේ වන විට කලා වැවේ සමස්ත ජල ධාරිතාවය අක්කර අඩි 87401ක් ලෙස වාර්තා වී ඇත.
තවදුරටත් වර්ෂාව පැවතිය හොත් කලාවැවේ වාන්දොරටු තවදුරටත් විවෘත කිරීමට සිදුවන බව කලාවැව කාර්යභාර ඉංජිනේරු කාර්යාලය සඳහන් කරයි. මෙම අවදානම් තත්වය හමුවේ අවධානයෙන් පසුවන ලෙස කලාඔය දෙපස පදිංචි කරුවන්ගෙන් කලාවැව කාර්යභාර ඉංජිනේරු කාර්යාලය ඉල්ලීමක් කරයි.
පවතින මෙවන් හදිසි තත්ත්වය යටතේ ඉකුත් දින තුනක් පුරා කලාවැවේ කටයුතු භාර කලාවැව කාර්යභාර ඉංජිනේරු කාර්යාලයේ රාජකාරී දුරකතනය අක්රියව පැවතිම හේතුවෙන් එම කාර්යාලය සහ පොලිසිය, අදාළ ප්රාදේශීය ලේකම් කාර්යාල, අනෙකුත් මහවැලි කාර්යාලය, ජීවිතාරක්ෂක සේවා හා ආපදා කළමණාකරණ ඇතුලු වෙනත් කාර්යාල අතර පණිවුඩ හුවමාරුව ද ඇණ හිට තිබේ.
මේ සම්බන්ධයෙන් එම කාර්යාලය අදාළ දුරකතන සමාගමට පැමිණිලි කර ඇතත් අද ( 23) සවස් වනවිටත් එය යථා තත්ත්වයට පත්නොකිරීමට කටයුතු නොකිරීම හේතුවෙන් කලාවැව කාර්යභාර ඉංජිනේරැ කාර්යාල නිලධාරීහු දැඩි අපහසුතාවයට පත්ව සිටිති.
ජනාධිපති අනුර කුමාර දිසානායක මහතා කොළඹ දවටගහ මුස්ලිම් පල්ලියට ගොස් මවුලවිතුමන්ලා හමුවී ආශිර්වාද ලබා ගත්තේය.
බුත්තල පොලිස් වසමට අයත් අඹකොළවැව ප්රදේශයේ වගා ළිඳකට වැටීමෙන් දෙදරු පියෙකු මියගොස් ඇතැයි බුත්තල පොලීසිය පවසයි.
2024 ජනාධිපතිවරණයෙන් ජනාධිපති ලෙස තේරී පත්වූ අනුර කුමාර දිසානායක මහතා වසර පහක කාලයක් සඳහා ජනාධිපති ධුරය බාර ගත් බව ප්රකාශයට පත් කරමින් අති විශේෂ ගැසට්
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
හිස්බුල්ලා සටන්කාමීන් ඉලක්ක කර ගනිමින් ඊශ්රායලය දිගින් දිගටම ප්රහාර එල්ල කරන බවත්, පසුගිය පැය 24 ක කාලය ඇතුළත ඊශ්රායල හමුදා එල්ල කළ ප්රහාරවලින් මි
ඌව වෙල්ලස්ස විශ්වවිද්යාලය අසල ග්ලේන්පින්වත්ත හිගුරුගමුව රක්ෂිතයේ රාත්රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කලාවැවේ වාන් දොරටු අඩි 6 දක්වා විවෘත කරයි