(අමදෝරු අමරජිව)

ත්‍රිකුණාමලය පොලිස් වසමට අයත් තිරුකඩලූර් හා ඊට යාබද විජිතපුර යන ගම්මාන දෙකේ ධිවරයන් දෙපිරිසක් අතර ඇතිවූ ගැටුමකින් ධීවරයන් 6 දෙනෙකු ත්‍රි‘මලේ රෝහලට ඇතුළත් කර ඇති බව ත්‍රි‘මලේ පොලිසිය පවසයි.

 ගැටුමක් සමතයකට පත් කිරිමට යුධ හමුදාව කැදවිමට පොලිසියට සිදුවිය.

කෝණේෂ්වරන් මුහුදේ ධිවර කර්මාන්තයේ යෙදුනු මෙම ගම් දෙකේ ධිවර දෙපිරිසක් මුහුදේ මාලු අල්ලද්දී තහනම් පන්න ක්‍රම උපයෝගි කරගෙන මාලු ඇල්ලිම සම්බන්ධයෙන් ඇති වු බහින් බස්විමක් ගොඩබිමදි ගැටුමක් බවට පත්වී ඇති අතර දෙපිරිස විසින් ගල්මුල් වලින් පහරදීම නිසා ගම්මාන දෙකේ ධීවරයන් තිදෙනා බැගින් දෙපිරිසේම හයදෙනෙකු තුවාල ලබා ත්‍රිකුණාමලය මහ රෝහලට ඇතුලත් කර ඇති බව පොලිසිය කියයි.

තුවාලකරුවන්ගේ තත්වය බරපතල නොවන බව රෝහල් ආරංචිමාර්ග පවසයි.ගල්මුල්  වැදිමනිසා නිවාස කිහිපයකට ද සුළු හානි සිදුවි ඇති බව පොලිසිය කියයි.

අතිරේක ආරක්ෂාව සදහා පොලිස් විශේෂ කාර්ය බලකායද කැදවීමට සිදු වූ බව පොලිසිය කියයි.

සිද්ධීය සම්බන්ධයෙන් මෙතක් කිසිවෙකුත් අත්අඩංගුවට ගෙන නොමැති අතර මේ සම්බන්ධයෙන් වැඩිදුර පරික්ෂණ ත්‍රිකුණාමල මුලස්ථාන පොලිසිය මගින් පවත්වාගෙන  යයි. මෙම ස්ථානයට පැමිණි ත්‍රිකුණාමලය කොට්ඨාස භාර ජ්‍යේෂ්ඨ පොලිස් අධිකාරි ප්‍රසන්න බ්‍රහ්මනගේ මහතා ගම්මාන දෙකේ ධිවර නායකයින් කැදවා සිද්ධිය සමතයකට පත් කිරිමට කටයුතු කළ බව පොලිසිය කියයි.