2025 අප්‍රේල් මස 22 වන අඟහරුවාදා
2025 අප්‍රේල් මස 22 වන අඟහරුවාදා
(නිමල කොඩිතුවක්කු)
වර්ෂයක පොල් ඵලදාව දළ වශයෙන් පොල් ගෙඩි මිලියන 3000ක් වුවත් පසුගිය 2024 වර්ෂයේ දී එය මිලියන 300කින් පමණ අඩු වීම පොල් මිළ ඉහළ යාමට හේතු වූ බව පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි මහතා කොළඹදී පැවසීය.
සතුන්ගෙන් සිදුවන හානි, රටේ පවතින කාලගුණික හා දේශගුණික බලපෑම මෙන්ම පොල් ගසට අත්‍යවශ්‍ය පෝෂණ ගැටලු පසුගිය වසරවලට සාපේක්ෂව 2024 වර්ෂයේ දී පොල් ඵලදාව කැපී පෙනෙන ලෙස අඩු වීමට හේතු වූ බවත් සභාපතිවරයා සඳහන් කළේය.
පොල් මිල ඉහළ යාම, පොල් නිෂ්පාදනය අඩුවිම ඇතුළු පොල් වගාකරුවන් වෙත ලබා දෙන සහන සම්බන්ධව රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකට එක් වෙමින් ඔහු මේ බව කීවේය.
තාක්ෂණික මෙන්ම කළමණාකරණ කරුණු පොල් ඵලදාව අඩු වීමට ප්‍රධාන වශයෙන් බලපෑ බවත් එම ගැටළු හඳුන ගනිමින් ඒවාට කඩිනම් විසදුම් දීමට පොල් වගා කිරීමේ මණ්ඩලය පියවර ගන්නා බවත් ඔහු සඳහන් කළේය.
පොල් ගසට අත්‍යවශ්‍ය පෝෂණය ලබා දීම, ගසට අවශ්‍ය ජලය ලබා දීම, ගස රැකබලා ගැනීම ඇතුලු කාරණා නිසි ලෙස ඉටු නොවීම පසුගිය වර්ෂයේ දී අස්වැන්න අඩුවීමට බලපෑ බවද සභාපතිවරයා පැවසීය.
රටේ පවතින කාලගුණික හා දේශගුණික බලපෑම පොල් වගාව සඳහා සෘජුවම බලපෑ බවත් පසුගිය වර්ෂයේ පැවති අධික උෂ්ණත්වය හා අධික වර්ෂාව පොල් අස්වැන්න අඩු වීමට හේතු වූ බවද ඔහු සඳහන් කළේය.
සතුන්ගෙන් සිදුවන හානි විශේෂයෙන් පොල් වගවට බලපාන බවත් පසුගිය වර්ෂයේදී රිලවුන්, දඬුලේනන්ගෙන් සහ කෘමි උවදුරු හේතුවෙන් පොල් ඵලදාව විශාල ලෙස අඩු වූ බවත් සභාපතිවරයා කීවේය.
මෙම වසරේදී ඒම උවදුරු වැළැක්වීමට විශේෂ ක්‍රියාමාර්ග ගෙන ඇති බවද ඔහු සඳහන් කළේය.
පොල් ඵලදාව ඉහළ දැමීමේ අරමුණින් මෙම වසර තුළ පොල් පැල ලක්ෂ 25ක් සිටුවීමට සැලසුම් කර ඇතැයි ද පොල් වගා කිරීමේ මණ්ඩලයේ සභාපති වෛද්‍ය සුනිමල් ජයකොඩි මහතා පැවසීය.
මාතර බන්ධනාගාරයේ මේ වන විට නොසන්සුන්කාරී තත්වයක් උද්ගතව ඇතැයි වාර්තා වේ.
ඕස්ට්‍රේලියාවේ මෙල්බර්න් ගුවන්තොටුපොළෙහි දී ශ්රී ලන්කන් ගුවන් සේවය සඳහා බිම් මෙහෙවර සේවා සැපයීමේ කොන්ත්‍රාත්තුව පිරිනැමීමට කැබිනට් අනුමැතිය ලැබ
ශ්රී ලංකාවේ බලශක්ති, සංචාරක, විදේශ ආයෝජන සහ විදේශ රැකියා යන ක්ෂේත්‍රවලට ප්‍රමුඛත්වය ලබා දෙමින් රාජ්‍ය තාන්ත්‍රික සබඳතා වැඩි දියුණු කරගන්නා බව එක්සත
රිය අනතුරකින් පසුව පුද්ගලයෙකුට පහරදී බරපතල තුවාල සිදු කළේ යැයි කියන යාපනය දිස්ත්‍රික් පාර්ලිමේන්තු මන්ත්‍රී වෛද්‍ය අර්චුනා රාමනාදන්ට සැප්තැම්බර්
හැටන් දික්ඔය නගර සභාව යටතේ පාලනය වන හැටන් විල්ෆ්‍රඩ්පුරට පිවිසෙන මාර්ගය ප්‍රතිසංස්කරණය කරමින් සිටින අවස්ථාවේ හැටන් දික්ඔය නගර සභාවට තරග කරන ප්‍රධා
ඉදිරි මාස හතරහ මාරක කාලය සඳහා ප්‍රමාණවත් ඉන්සියුලින් තොග රජය විසින් බෙදා හැර අවසන් බැවින් ඒ සම්බන්ධයෙන් අනියත බියක් ඇතිකර නොගන්නා ලෙස කැබිනට් මාධ්‍ය
2025 අප්‍රේල් මස 18
579
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
460
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ගිය වසරේ පොල් ඵලදාව කෝටි 30කින් අඩුවෙලා
gunasena Monday, 10 March 2025 08:40 PM
මම රටේම ගොවිජන සේවා මධ්‍යස්ථාන ගැන දන්නේ නැහැ. මම ලියන්නේ නෙටොල්පිටිය ගොවිජන සේවා මධ්‍යස්ථානය ගැන, මේකේ නිලධාරීන් 100කට අධික ප්‍රමාණයක් සේවය කරන බව පෙනීයනවා. නමුත් පොල් සංවර්ධන නිලධාරීන් සිටින්නේ එක්කෙනෙකු පමණි. ඔහු කාර්යාලයේ සිටින්නේ සඳුදා උදේ වරුවේ පමණි. සඳුදා උදේත් ඔහු සිටින්නේ පැය 2-3 පමණි. මේ ගොවිජන සේවා මධ්‍යස්ථානය සතුව පැල තවාන් නොමැති අතර දැනට වසර 6 කට පමණ පෙර මා විමසු අවස්ථාවේ මොහු විසින් පුද්ගලික පැල තවානක ටෙලිෆෝන් නොම්මරයක් දෙන ලදී... උසස් වර්ගයේ පොල් කියලා දුන් පැලවලින් භාගයක් පමණ තවම ගෙඩි සැදී නොමැති අතර මේවා සාමාන්‍ය පොල් පැල බව පෙනේ... මොහුගෙන් හරි උපදෙස් නොලැබෙන අතර මේ ප්‍රදේශයේ පොල් වගාවේ මොහුගේ වගකීමක් නොමැති ක්‍රියාකලාපය තුල අභාවයට යමින් පවතින බව කණගාටුවෙන් වුවද සදහන් කරන්න ඕනේ...
de silva Monday, 10 March 2025 08:55 PM
කුරුම්බා වතුර සහ පොල් ආශ්‍රිත නිෂ්පාදන පිටරට යවන එක වහාම නතර කරන්න , අද රටේ පොල් ගෙඩිය 200 කි , හැමදේටම වැඩිය රටේ ආහාර සුරක්ෂිත කිරීම රජයේ යුතුකමකි.
suranjith Monday, 10 March 2025 10:31 PM
නෙටොල්පිටියේ ගොවිජන සේවා එකේ පොල් නිලධාරියා පමණක් නොවේ. ඔක්කෝම කම්මැලි හොරු, ඇඳුනුම් කමක් නැතිනම් හෝ පගාවක් නොදී වැඩක් කරගන්න බැහැ. ලෝකේ නැති බොරු කියමින් මිනිස්සු රස්තියාදු කරනවා. ඉස්සර මිනිස්සු පාර පැනලා මධ්‍යස්ථානේ ඉස්සරහා පදිංචි වෙලා ඉන්න ලාලිත මහත්තයා (ප්‍රාදේශීය සභාවේ හිටපු සභාපති) හම්බවෙලා දුක කීවාම ඔහු කෝල් එකක් දීලා අදාල නිලධාරියාගෙන් කරුණු ඇහුවාම සමහර වෙලාවට වැඩේ කරලා දෙනවා. දැන් ඉන්න අලුත් දේශපාලන අධිකාරිය නිලධාරීන්ට ඕනේ දෙයක් කරගන්න ඇරලා අහක බලාගෙන ඉන්නවා. මේ පැත්තේ ඉන්නේ අඩු අධ්‍යාපනයක් සහිත අහිංසක දුප්පත් මිනිස්සු.., හරි පවු..!
kudda Tuesday, 11 March 2025 09:40 AM
අපේ ගෙදර නම් පොල් ඵලදාව අඩු වුනේ කුඩ්ඩො නිසා. බෑට්ටියක් තියන්න දෙන්නෑ, මහරෑටත් දෙනවා ගේම. මොන කරුමයක් උනාද මන්දා රටට.
මයිනා Wednesday, 12 March 2025 08:32 PM
සුදු මැස්සා...
Jagath Friday, 14 March 2025 10:41 PM
පොල් පලදාව අඩුවීමට හේතු කීපයකි 1. සුදු මැස්සා හානිය. සුදුමැස්සා පොල්කොලය උරා බොනවා. එනිසා ගස බාල වෙනවා. 2. කලින් පැවැති ආණ්ඩු බාල තෙල් chemical දාලා සුදු කරලා විකුණුව නිසා පොල් මිල කෘතිමව බැස්සුවා. පොල් වගාකරුවන්ට අඩුමිලක් ලැබුණු නිසා පොහොර දමාගන්ඩ බැරිවුණා. 3. පොල් පොහොරවල මිල අධික නිසා ගොඩාක් දෙනෙක් පොහොර දමන්නේ නැත. 4. පොල් ඵලදාව අඩු නිසා දැන් පොල් මිල වැඩි වුණත් පොහොර දැමීම අපහසුයි 5. හැදෙන පොල් ගෙඩිය රිලව් සහ දඬු ලේනුන් බිම දානවා.