(සිරංගිකා ලොකුකරවිට)
ඇඳිරි නීතිය ඉවත්කළ පසු අද (20) ගාල්ල නගරයේ ජනාකීර්ණ බවක් ඉසුළුව ද එහි ඇඳරිනීති ඉවත්කරනු ලැබූ පසුගිය දිනවල දී මෙන් සෙනග රැස්වෙමින් දක්නට ලැබුණේ නැත. අත්යාවශ්ය ආහාර ද්රව්ය මිලදී ගන්නා සුපිරි වෙළෙඳ සැල්වල හෝ ඖෂධ අළෙවි සැල්වල පොලිම් නොතිබිණි.
නගරයේ සහ තදාසන්න ප්රදේශවල සියලුම වෙළෙඳ සැල් හා ව්යාපාරික ස්ථානත් රජයේ කාර්යාලත් විවාත කර තිබිණි.
උදෑසන ව්යාපාරික ස්ථාන විවෘතවන අවස්ථාවේ සිගරැට් මිලදී ගැනීමට තරමක පෝලිමක් දක්නට ලැබුණ ද දහවල් වන විට ඒවායේ ද පොලිම් දක්නට නොලැබිම විශේෂත්වයකි.
මත්පැන් අළෙවි සැල් ද අද (20) දිනයේ විවෘතව තිබූ අතර ඒවාට ගනුදෙනු කරුවන් පැමිණ සිටිය ද පෝලිම් දක්නට ලැබුණේ නැත.
නගරයේ ප්රධාන රෙදිපිළි අළෙවි සැල් සියල්ලම පාහේ විවෘතව තිබුණු අතර ඒවායේ පෝලිම් දක්නට නැතත් විශාල වශයෙන් ගනුදෙනු කරුවන් රෙදිපිළි මිලදී ගන්නා ආකාරය ද නිරීක්ෂණය කළ හැකිවිය.
නමුත් කෘෂි කර්ම කටයුතු සඳහා අවශ්ය ද්රව්ය මිලදී ගැනීමට ජනතාව උනන්දුවෙන් පැමිණෙනු දක්නට හැකිවිය. එවැනි ද්රව්ය අළෙවි කරන වෙළෙඳ සැල් අසල පමණක් දිගු පෝලීම් දක්නට ලැබිණි.
පොදු ප්රවාහන සේවා ආරම්භ කර තිබුණ ද ගාල්ල ප්රධාන බස් නැවතුමේ අද දහවල් දක්නට ලැබුණේ පාලු ස්වභාවයකි. අකුරැස්ස, මාතර, ඇල්පිටිය, අම්බලන්ගොඩ, මාපලගම වැනි දුර බැහැර ප්රදේශවෙත යන ලංගම බස්රථ ධාවනය වුව ද පුද්ගලික බස් රථ ධාවනය වූයේ අතලොස්සක් පමණි. දහවල් කාලයේ දී නම් ධාවනය වූ බස්රථවල මගීන් දක්නට ලැබුණේ සුළු වශයෙනි. නමුත් උදෑසන කාර්යාල සඳහා සේවයට යන මගීන්ගෙන් බස් රථ පිරී තිබුණු බව ලංගම සේවකයෝ කීහ.
උදෑසන කාර්යාල දුම්රිය කිහිපයක් ගාල්ල දුම්රිය නැවතුම්පොළෙන් ධාවනය වූ නමුත් දිවා කාලයේ දුම්රිය නැවතුම්පොළ ද පාළු වී ගොස් තිබිණි.
ගාල්ල සිට කොට්ටාව දක්වා අධිවේගී මාර්ගය විවෘතව තිබුණ ද එම මාර්ගයේ ධාවනය වන අධිවේගී බස් රථ කිසිවක් අද (20) ගාල්ලෙන් පිටත්වූයේ නැත. එබැවින් අධිවේගී බස්රථ ගමන් ආරම්භ කරන සමනල පාලම අසළ බස් රථ ගාලේ වෙනත් පුද්ගලික බස් රථ කිහිපයක් නවතා තිබෙණු දැකගත හැකිවිය.
දිවයින පුරා අඛණ්ඩව ඇඳිරිනීති පැනවීමට පෙර දෙස් විදෙස් සංචාරකයන්ගෙන් පිරී ගොස් තිබූ ගාල්ල කොටුව ඊයේ (20) කිසිදු සංචාරකයකු නොමැතිව පාලුවට ගොස් තිබිණි.
උතුරු පළාත් අාණ්ඩුකාර පි. එස්. එම් චාර්ල්ස් මහත්මිය සිය ධූරයෙන් අද (23) ඉල්ලා අස්විය.
ඉදිරි දේශපාලන කටයුතු වෙනුවෙන් විපක්ෂයේ පොදු සන්ධානයක් පිහිටුවීම සඳහා සමගි ජන බලවේගය සමඟ සාකච්ඡා අරඹන්නැයි එක්සත් ජාතික පක්ෂ නායක හිටපු ජනාධිපති රනි
සමගි ජන සන්ධානයේ ප්රතිපත්ති පිළිගත හැකි සියලු දෙනාට ඉදිරි මැතිවරණ වෙනුවෙන් දොරටු විවෘත කරන බව විපක්ෂයේ ප්රධාන සංවිධායක පාර්ලිමේන්තු මන්ත්රී ලක්
කුඩාවැල්ල ධීවර වරායෙන් තනි දවසේ ධීවර රැකියාව කිරීමට ධීවරයින් තිදෙනකු සමග ඉකුත් 21 දා දහවල් 1.30 ට පමණ මුහුදු ගිය ධීවර යාත්රාවක් මේ දක්වා ගොඩබිමට නොපැමිණ
කොළඹ කොටස් වෙළෙඳපොළ සී.එස්.ඊ. මිල දර්ශකවල කැපී පෙනෙන ඉහළ යෑමක් අද (23) දිනයේ වාර්තා විය.
සම්ප්රදායික දේශීය නර්තන කලාව ජාත්යන්තරයට ගෙනගිය ජාත්යන්තර සම්මානලාභී ප්රවීණ නර්තන ශිල්පීනි ආචාර්ය වජිරා චිත්රසේන මහත්මිය අද දහවල් (23) අභාවප්
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගාල්ල නගරය ජනාකීර්ණ වුණත් පෝලිම් නෑ
rana Monday, 20 April 2020 11:56 AM
කාසි නැතිව පොලිම්වල ඉන්නේ මක්කටැයි?