(එච්. චන්දන)

‌ගෙවත්තක ගාල් තිබූ මෝටර් කාර් රථ දෙකකට සහ යතුරු පැදියකට අද (03) අලුයම ගිනි තබා විනාශ කිරීමේ සිද්ධියක් සම්බන්ධයෙන් පරීක්ෂණ  ආරම්භ කර ඇති බව හලාවත පොලීසිය කියයි.

හලාවත -  මුගුණුවටවන - පුලියන්කඩවර පදිංචි ව්‍යාපාරිකයකුගේ නිවසේ මෙම ගිනි තැබීම සිදුවී තිබේ. 

සිද්ධිය සම්බන්ධව එම ව්‍යාපාරික මහතාගේ පැමිණිල්ලකට අනුව හලාවත පොලීය මගින් විශේෂ  පරීක්ෂණ ආරම්භ කර ඇත.

ව්‍යාපාරිකයා පවසන අකාරයට තමන් ඇතුළු පවුලේ අය නිවසේ  සිටින විට ඇසුණු ශබ්දයක් හේතුවෙන් අවදී බලන විට තම ගෙවත්තේ ගාල් කර තිබූ මෝටර් කාර් රථ දෙකකට සහ යතුරු පැදියකට ගිනි තබා ඇති බව දුටු බවත් මේ ගින්න නිසා තමන්ට රුපියල් ලක්ෂ 80 ක පමණ අලාභයක් සිදුවී ඇති  ඒ මහතා වැඩිදුරටත් සදහන් කරයි.

ගිනි තැබීම සිදු කර ඇත්තේ කව්රුන්ද යන්න මෙතෙක් අනාවරණය වී  නොමැති අතර කිසියම් පුද්ගලික ආරවුලක් මත මෙම ගිනි තැබීමට හේතුව වන්නට ඇති බවට විශ්වාස කරන්නේ යැයිද පොලීසිය සදහන් කරයි.

හලාවත පොලීසිය වැඩිදුර විමර්ශණ කටයුතු කරගෙන යයි.