(ලසන්ත නිරෝෂණ පෙරේරා)
ගංවතුරින් නිවස යටවීම හේතුවෙන් අසරණ වූ පවුලක් නිවෙසට කැඳවාගෙන විත් නවාතැන් දී දින දෙකක් තුන් වේලම කන්න බොන්න දුන් රත්නපුරේ මැණික් ව්යාපාරිකයකුගෙන් රුපියල් කෝටි දෙකහමාරකට වැඩි වටිනා මැණික් ගල් සොරා ගත්තේ යැයි කියන එම පවුලේ මව පියා සහ පුතා රත්නපුර පොලිසියේ අපරාධ විමර්ශන අංශය විසින් අත්අඩංගුවට ගනු ලැබූහ.
රත්නපුරට පසුගියදා ගංවතුර ගැලූ අවස්ථාවේදී අසරණ වූ රත්නපුර මුද්දුව ප්රදේශයේ පදිංචි දරු පවුලක බිරිඳ ස්වාමියා පිරිමි ළමයි දෙදෙනා සහ අවුරුදු හතරක දැරියක් මෙම මැණික් ව්යාපාරිකයා නිවෙසට කැඳවාගෙන විත් නවාතැන් ලබා දී දින දෙකක් තිස්සේ තුන්වේලම කන්න බොන්නදී ඇතැයි කියති
ගංවතුර බැස ගිය පසු මෙම දරු පවුලම මැණික් ව්යාපාරිකයාට පින්දී නිවසින් පිටව ගොස් ඇති බවත් ඔවුන් එසේ පිටව ගොස් ඇත්තේ යළිත් දිනක පැමිණ නිවසේ මිදුල ශුද්ධ පවිත්ර කර දෙන බවටද පොරොන්දු දෙමින් බවත් පැවසේ.
පොරොන්දු වූ පරිදි එම අඹුසැමි යුවළ සහ අවුරුදු දොළහක් වූ පිරිමි ළමයා සමග දින කිහිපයකට පසු නිවසට පැමිණ ඇති අතර ඒ අවස්ථාවේදී ව්යාපාරිකයා නිවසේ සිට නැත. නිවසේ සිට ඇත්තේ ව්යාපාරිකයාගේ බිරිඳ පමණක් බව පොලිසිය පවසයි.
එම පවුලේ පියා මිදුල පිරිසිදු කරද්දී ඔහුගේ බිරිඳ සහ පුතු නිවසට ඇතුළු වී නිවසේ බුදු මැදුරේ බෝතල් දෙකක සහ ගුණා කුප්පියක දමා තිබූ වටිනා මැණික් ගල් කැට රාශියක් වරින් බර අවස්ථා තුනකදී සොරකම් කර ඇතැයි පොලිස් පරීක්ෂණවලදී තොරතුරු අනාවරණයවී ඇත.
ඔවුන් මැණික් ගල් සොරකම් කරන ආකාරය නිවසේ ආරක්ෂිත කැමරාවල ද සටහන් වී ඇති බව පොලිසියේ නිලධාරියෙක් පැවසීය.
මේ අනුව ව්යාපාරිකයා රත්නපුර පොලිසියේ අපරාධ විමර්ශන අංශයට පැමිණිලි කිරීමෙන් පසු සැකකාර යුවළ සහ ඔහුගේ පුතා මෙසේ අත්අඩංගුවට ගනු ලැබූහ.
සැකකරුවන්ගෙන් ප්රශ්න කිරීමේදී මැණික් සොරකම් කළ බව පිළිගෙන ඇත.
මේ අනුව ඔවුන් සන්තකයේ තිබී මැණික් ගල් වලින් කොටසක් පොලිසිය විසින් සොයාගනු ලැබීය.
එම යුවලේ පිරිමියා මැණික් කැට දෙකක් රත්නපුර ප්රදේශයේ ව්යාපාරිකයන් දෙදෙනෙකුට විකුණා තිබියදී එම ව්යාපාරිකයන් එම මැණික් කැට දෙක ස්වේච්ඡාවෙන්ම භාර දුන් බව පොලීසිය පවසයි.
සැකකරුවන් රත්නපුර මහේස්ත්රාත් අධිකරණයට ඉදිරිපත් කිරීමට නියමිතය.
රත්නපුර පොලිසියේ අපරාධ විමර්ශනා අංශයේ නිලධාරීහු සිද්ධිය පිළිබඳව වැඩිදුර පරීක්ෂණ පවත්වති.
කොළඹ බණ්ඩාරනායක ජාත්යන්තර සම්මන්ත්රණ ශාලා පරිශ්රයේ 25 වන වරටත් පැවැත්වෙන ’’කොළඹ ජාත්යන්තර පොත් ප්රදර්ශනය’’ සඳහා ජනාධිපති අනුර කුමාර දිසානායක
චන්ද්රිකා බණ්ඩාරනායක කුමාරතුංග, මහින්ද රාජපක්ෂ, ගෝඨාභය රාජපක්ෂ, මෛත්රිපාල සිරිසේන යන හිටපු ජනාධිපතිවරුන් සිවුදෙනා සහ ජනාධිපති රණසිංහ ප්රේමදාස ම
අමාත්යවරුන්ට පැවරෙන ආයතන විෂයන් සහ කාර්යයන් ඇතුළත් ගැසට් නිවේදනය අද නිකුත් කරනු ලැබීය.
2023/ 2024 තක්සේරු වර්ෂය සඳහා ආදායම් බදු ගෙවිය යුතු සෑම තැනැත්තෙක්ම එම තක්සේරු වර්ෂය සඳහා ගෙවිය යුතු සියලුම ආදායම් බදු සැප්තැම්බර් 30 දිනට හෝ එදිනට පෙර ගෙවා අ
කොළඹ - මහනුවර මාර්ගයේ යක්කල නගරය ආසන්නයේදී සිදුව ඇති රිය අනතුරකින් යතුරු පැදියක ගමන් ගත් පුද්ගලයෙකු ජීවිතක්ෂයට පත්ව ඇති බව යක්කල පොලීසිය සඳහන් කරයි.
නඩත්තු කටයුත්තක් හේතුවෙන් කැළණිවැලි දුම්රිය මාර්ගයේ පැගිරිවත්ත දුම්රිය හරස් මාර්ගය හෙට (29) උදේ 8.30 සිට සවස 5.30 දක්වා කාලය තුළ තාවකාලිකව වසා දැමීමට දුම්රි
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ගංවතුරේ යටවී සිටියදී උදව් කළාට කෝටි 3ක මැණික්වලට විදලා
Kuma Tuesday, 11 June 2024 07:26 AM
ඕක පොඩි දෙයක් .කොරෝනා වලින් බේරපු මනුස්සයා අපි ගහලා එලෙව්වේ
fairoosTuesday, 11 June 2024 04:55 PM
මෙහෙමත් බයියෝ .රට හැදෙයි කාලකන්නින්
Mithrasiri Tuesday, 11 June 2024 08:22 AM
නැතිවූ මැණික් ගල් වලින් කොටසක් පොලීසිය විසින් සොයා ගෙන ඇත ඉතිරිවා ගල් වී ඇත
Randika Tuesday, 11 June 2024 08:49 AM
නොදකින් අපේ රටේ මිනිස්සු
sam Tuesday, 11 June 2024 11:22 AM
කාලකන්නි ඕක තමයි අද කාලේ මිනිහෙක් පාරේ වැටිලා හිටියාට මිනිස්සු උදව් කරන්න ඉදිරිපත් වෙන්නේ නැත්තේ
බක්මීගොල්ල Tuesday, 11 June 2024 01:34 PM
උදව් කෙරුවට ප්රතිඋපකාර කරපු හැටි. මෙහෙමත් මිනිස්සු ඉන්නවානේ අම්මපා. කොහොමද ආයේ ඒ මිනිස්සුන්ගේ මූණ බලන්නේ.