(තුසිත කුමාර ද සිල්වා)

අලුත්ගම දර්ගා නගරයේ අධිකාරිගොඩ ප්‍රදේශයේ  කැලෑබද පාළු ඉඩමක බලපත්‍ර නොමැතිව පවත්වාගෙන ගොස් ඇති ගව ඝාතනාගාර යක් වටලා මස් පිණිස මැරීමට තහනම් වන මී ගවයින් තිදෙනකු ඝාතනය කර තිබියදී එම සත්වයින්ගේ සිරුරු කොටස් සමග සැකකරුවන් තිදෙනෙකු අද (7)අත්අඩංගුවට ගත් බව අලූත්ගම පොලිසිය කියයි.

අලුත්ගම පොලිසියට ලැබුණු  තොරතුරක් මත කළ වැටලීමේදී දර්ගා නගරය ප්‍රදේශයේ පදිංචි වයස අවුරුදු 35, 30 , 40, වයස් වල සැකකරුවන් තිදෙනකු මෙම සත්ත්වයින් ඝාතනය කිරීම කිරීමට උපයෝගි කරගත් මුවහත් ආයුධ කීපයක්ද සමග පොලිස් භාරයට ගෙන තිබෙන බව කිහ.

මේ අතර ඝාතනය කිරීමට රැගෙන විත් තිබූ තවත් මී ගවයන් සිව්දෙනකු ගේ දිවි බේරා ගැනීමට පොලිස් නිලධාරීන්ට හැකිවී ඇතැයි ද කීහ.

එලෙස දිවිබේරාගත් මී ගවයින් අලුත්ගම මොරගල්ල සංචාරක පොලිස් ස්ථාන භූමියේ තෘණ කෑම මට සලස්වා ඇතැයි ද කීහ.
අත්අඩංගුවට ගත්සැකකරුවන් හෙට (8) දින කළුතර මහේස්ත්‍රාත් අධිකරණයට ඉදිරිපත් කිරීමට නියමිතය.
කොට්ඨාස භාර ජ්‍යෙෂ්ඨ පොලිස් අධිකාරී කපිල ප්‍රේමදාස , සහකාර පොලිස් අධිකාරී දුමින්ද රාජපක්ෂ යන මහත්වරුන් ගේ මහත්වරුන්ගේ උපදෙස් මත අලුත්ගම පොලිස් ස්ථාන අධිපති ප්‍රධාන පොලිස් පරීක්ෂක නාලක මාගෙදරගම , පොලිස් සැරයන් ක්‍රිශාන්ත(58433) පොලිස් කොස්තාපල්වරුන් වන මුණසිංහ (39148) කුමාර(89861) යන මහත්වරු සැකකරුවන් අත්අඩංගුවට ගැනීමට කටයුතු කර තිබේ .