(ඡායාරූප - ළහිරු හර්ෂණ)
(ඡායාරූප - නාවිකා හමුදා මාධ්ය අංශය)
අදට යෙදුණු 71 වැනි ජාතික දින සැමරුම් උත්සවයට සමගාමීව ශ්රී ලංකා නාවික හමුදාව විසින් ජාතිය වෙත පිදෙන වෙඩිමුර උත්තමාචාරය මෙවරත් නාවික හමුදා මූලස්ථානය ඉදිරිපිට පිහිටි ප්රදීපාගාර පරිශ්රයේදී අද (04) සිදු කෙරිණි.
එහිදී වෙඩිමුර උත්තමාචාර 25 ක් පවත්වා නාවික හමුදාව සිය උත්තමාචාරය මවි බිම වෙත පිරිනැමීය.
ප්රථම වතාවට ජාතික දිනයක් වෙනුවෙන් මෙම වෙඩි මුර උත්තමාචාරය පවත්වා ඇත්තේ 1948 වර්ෂයේ දී වන අතර, එහි දී ශ්රී ලංකා නාවික හමුදාව විසින් ආචාර වෙඩි මුර 15 ක් ගාලු මුවදොර පිටියේ දී පවත්වා ඇත.
1949 වර්ෂයේ දී ද මෙම ආචාරය පවත්වා ඇති අතර, එය සිදුකර ඇත්තේ විජය නෞකාවේ දී ය.
එහි දී එක් අවියක් පමණක් උපයෝගී කර ගනිමින් වෙඩි මුරයන් අතර කාල පරතරය විනාඩියක් ලෙස පවත්වා ගනිමින් මෙම ආචාරය සිදු කර ඇති බව ඉතිහාසයේ සඳහන් වේ.
විජය නෞකාව අධිකාරියෙන් ඉවත් කොට භාවිතයෙන් ඉවත් කිරීමෙන් පසුව කොළඹ වරාය තුළ Galle Buck Bay නැමැති ස්ථානයේ මෙම අවි 03 ක් සවිකොට තිබුණි.
නමුත් මෑත කාලයේ දී කොළඹ වරාය සීඝ්ර සංවර්ධනයකට හා පුළුල් කිරීමකට ලක් වූ බැවින් 2000 වර්ෂයේ දී එම අවි වර්තමානයේ පවතින ප්රදීපාගාරය අසලට ගෙනවිත් සවි කර ආචාර වෙඩි මුර පවත්වා ඇත.
එතැන් සිට අද දක්වාම නොකඩවා චාරිත්රයක් වශයෙන් ජාතික දින සැමරුම් උත්සවයට සමගාමීව ජාතිය වෙත ආචාර දැක්වීම සඳහා නාවික හමුදාව විසින් මෙකී කාර්යය සිදු කරනු ලබයි.
නාවික හමුදාධිපති වයිස් අද්මිරාල් පියල් ද සිල්වා මහතාගේ උපදෙස් හා නාවික හමුදා නියෝජ්ය මාණ්ඩලික ප්රධානී සහ බටහිර නාවික විධාන ආඥාපති රියර් අද්මිරාල් නිශාන්ත උළුගේතැන්න මහතාගේ මඟපෙන්වීම මත මෙවර මෙය සංවිධානය කෙරුණි.
ශ්රී ලංකා නාවික නෞකා පරාක්රම ආයතනයේ අවි නිලධාරි, ලුතිනන් කොමාණ්ඩර් ශාන්ත අඹන්වෙල මහතා විසින් මෙම වෙඩි මුර උත්තමාචාරය මෙහෙයවීය.
ඒ සඳහා ශ්රී ලංකා නාවික නෞකා පරාක්රම ආයතනයේ අණදෙන නිලධාරී, කපිතාන් මහේෂ් ද සිල්වා සහ විධායක නිලධාරි, කොමාණ්ඩර් සුධිර ධර්මදාස යන මහත්වරු ද එක්වී සිටියහ.
(36698)
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
ජනාධිපති රනිල් වික්රමසිංහ මහතා නව ජනපතිට ඉඩ දෙමින් ජනාධිපති කාර්යාලයෙන් අද (22) බඩු බාහිරාදිය ඉවත් කරගෙන තිබේ.
ජනාධිපති රනිල් වික්රමසිංහ මහතා නව ජනපතිට ඉඩ දෙමින් ජනාධිපති කාර්යාලයෙන් අද (22)වැනි දා බඩු බාහිරාදිය ඉවත් කරගෙන තිබේ.
අනුර කුමාර දිසානායක මහතා මහ සද්දෙන් කියූ විදිහටම වැඩ පෙන්වන ආකාරය බොහොම අවධානයෙන් බලා සිටින බව විපක්ෂයේ ප්රධාන සංවිධායක මහනුවර දිස්ත්රික් පාර්ල
අනුර කුමාර දිසානායක මහතාගේ නායකත්වයෙන් යුත් නව පාලනයට සුභාශිංසන පළ කරන බව එක්සත් ජාතික පක්ෂ නියෝජ්ය නායක රුවන් විජයවර්ධන මහතා ජනපතිවරණ ප්රතිඵලය පි
ජාතික ජන බලවේගයේ නායක පාර්ලිමේන්තු මන්ත්රී අනුර කුමාර දිසානායක මහතා ශ්රී ලංකාවේ නවවෙනි විධායක ජනාධිපතිවරයා ලෙස හෙට(23) පෙරවරු 9.00ට කොළඹ ගාලු මුව දොර ප
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ජාතික දින සැමරුමට නාවික හමුදාවෙන් ආචාර වෙඩිමුර
ධනුෂ්ක Monday, 04 February 2019 02:40 PM
අපේ අාදී ජාතික වීරයන් සුද්දගෙන් රට නිදහස් කර ගන්න ජීවිත දහස් ගණනින් පූජාකර සටන් කළා. අරගල කළා. ඔවුන්ට එක හෙලා උත්තමාචාරය පුද කළ යුතුයි... නමුත් අපේ පෙල පොත්වල තිබුණු විදියට දැන් කියන විදියට සුද්දාගෙන් රට බේරාගත්තා කියන අයගේ නම් අැහෙනකොට නම් අජූතයි වගේ... මොකද සුද්දට විරුද්ධව යුද්ධ කරලත් රට දාලා ගියේ නෑ. මේ රටේ තෙල් ටැංකි හදලා මහා මාර්ග දුම්රිය මාර්ග හදලා. පරිපාලන අායතන දියුණුකරලා ගත්තේ දාලායන්න හිතාගෙන නොවේ. ඔවුන් එ් ටික හරි නොකර ගියානම් අපි තවත් අමාරුවේ. නමුත් ඔවුන්ට පැවති ලෝක දේශපාලන තත්වය යටතේ ලංකාව අතුළු රටවල් කීපයක් එ් කාලේ දාලා යන්න වුණා. නැතුව සුද්දන්ගේ තුරුලේ හිටපු මේ රටේ කළු සුද්දෝ සාකච්ඡා කරලා දිනාගත් නිදහසක් නොවේ මේ නිදහස... එ්ක සැබෑ වීරයන්ට කරන අවමානයක්... දැන්වත් මේවා රටේ ජනතාව දැනගත යුතුයි...