(අංජුල මහික වීරරත්න)

රටේ පවතින ආර්ථික අර්බුදයෙන් රට ගොඩගත හැකි එකම පුද්ගලයා රනිල් වික්‍රමසිංහ හිටපු අගමැතිවරයා බව අද රටේ බහුතරයකගේ හෘද සාක්ෂිය පිළිගන්නා බව එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ප්‍රකාශ කළේය.

මහා සංඝරත්නය, විද්වත් වෘත්තිකයන් මෙන්ම පහළම තලයේ ගැමියා දක්වා මෙය පිළිගන්නා නමුත් රටේ අවාසනාවකට ඔවුන් එය එලිපිට කීමට මැලිකමක් දක්වන්නේ යැයි ද නියෝජ්‍ය නායකයා කීවේය. 

වත්මන් රජය වසර තුනකදී  අත්තකර දුන් එකම ඉරණම වන්නේ ලෝක උද්ධමන දර්ශකයේ තුන්වන ස්ථානයට ලංකාව රැගෙන ඒම බවද ඔහු වැඩිදුරටත් සඳහන් කළේය.

එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා මේ අදහස් පළ කළේ කොළඹ යුනියන් පෙදෙස පැවැති  කාර්යාලයේදී විද්වත් වෘත්තිකයන් පිරිසක් හමුවූ අවස්ථාවේදීය. ඔවුන්ට වෘත්තීය වශයෙන් පවතින ගැටළු ගැන මෙන්ම රටේ පවතින ගැටළු සම්බන්ධයෙන් මෙහිදී අදහස් පළ කෙරිණි.