(බිමල් ශ්‍යාමන් ජයසිංහ)

කොල්ලුපිටිය ඇලෝ ඇවිනිව් ප්‍රදේශයේ ඉදිකරමින් පවතින ගොඩනැගිල්ලක ටවර් ක්රේන් යන්ත්‍රයේ බක්කිය කඩා වැටීමෙන් දේපළ රැසකට හානි සිදුවී ඇතැයි කොල්ලුපිටිය පොලිසිය කියයි

එම බක්කිය යාබද නිවසේ කොන්ක්‍රීට් තට්ටුව මතටත් , බක්කිය  තුළ තිබූ සිමෙන්ති ගල් සුඛෝභෝගී මෝටර් රථයේ බොනට්ටුව මතට හා තීරෝද රථය මතටත් වැටීමෙන්  රුපියල් ලක්ෂ ගණනාවක අලාභයක් සිදු වී  ඇතැයි පොලිසිය සඳහන් කරයි

බක්කිය කඩා වැටෙන අවස්ථාවේදී කිසිදු පුද්ගලයකු ඒ අවට නොවීම හේතුවෙන් කිසිදු ජීවිත අනතුරක් සිදුව නොමැත.

මහල් 23කින් යුක්තව ඉදිකරමින් පවතින කාර්යාල සංකීර්ණයේ ඉහළ මහලේ  ඉදිකිරීම් කටයුතු සිදුකිරීමට භාවිතාකළ ටවර්  ක්රේන්   යන්ත්‍රයේ බක්කිය මෙලෙස කඩා වැටී ඇත

කොල්ලුපිටිය පොලිසියේ ස්ථානාධිපති ප්‍රධාන පොලිස් පරීක්ෂක එච්  එල් දුෂ්මන්ත මහතාගේ උපදෙස් මත විවිධ පැමිණිලි අංශයේ ස්ථානාධිපති උප පොලිස් පරීක්ෂක ජි ඒ සි පි ගමආරච්චි මහතා ඇතුළු කණ්ඩායමක් පරීක්ෂණ පවත්වයි