එය ඇයගේ යොවුන් නිදහසේ සංකේතයක් විය. එහෙත් රාජකීය පවුලට සම්බන්ධ වීමත් සමඟ ඇයගේ නිදහස සීමා කෙරිණ. රාජකීය යන්ටත් නිදහස නැතිබවට මීටත් වඩා අටුවා ටීකා අවැසි නොවේ.
නිල් පැහැති එම හුරුබුහුටි බයිසිකලය 1970 දී ඩයනා කුමරියගේ ප්රේමවන්තයා මෙන් විය. ඇය එම බයිසිකලය ලන්ඩන් නගරය වටා පැදගියේ යොවුන් වියේ යුවතියක සතු නිදහස උපරිම වශයෙන් භුක්ති විඳිමිනි. ඇය එහි නැඟී, ලන්ඩනය පුරාම සැරිසැරුවාය. මෙම නිල් පැහැ බයිසිකලය 70 දශකයේ අතිශය ජනප්රියත්වට පත් ‘රැලේ - ට්රැවලර්‘ බයිසිකලයකි.
ඇය 1981 දී චාල්ස් කුමරු සමඟ විවාහ වීමට පෙර කෙන්සින්ටන් හී දී ගෘහස්ථ සහායිකාවක ලෙස සේවය කරමින් සිටියදී මෙම රැලේ ට්රැවලර් බයිසිකලය භාවිතා කළාය.
කෙසේ වෙතත් පසුව මෙම බයිසිකලය රජ පවුලේ අය විසින් හඳුන්වන ලද්දේ ‘අපකීර්තිමත් බයිසිකලය’ ලෙසිනි. ඩයනා කුමරියගේ රාජකීය උපදේශකවරුන් පවා එය ‘කුමරියකට නුසුදුසු’ යැයි සැළකීමෙන් පසුව විකුණා දමනු ලැබිණ.
අවසන් වරට එය විකුණා තිබුණේ වසර 2018 දී ස්ටර්ලින් පවුම් 9,000 ක මුදලකටය. එහි වටිනාකම ශ්රී ලංකා මුදලින් රුපියල් ලක්ෂ 25 කට ආසන්න විය. අද වන විට කුමරියගේ නිල් බයිසිකලය නැවත වරක් ස්ටර්ලින් පවුම් 20,000 කට (ශ්රී ලංකා රුපියල් ලක්ෂ 54 කට ආසන්න) මුදලකට වෙන්දේසියට දමා තිබේ.
අසූව දශකය මුලදී චාල්ස් කුමරුන් හා විවාහ ගිවිස ගැනීමෙන් පසුව ඇයට මෙම බයිසිකලය පැදයාම තහනම් විය. විවාහ ගිවිසුමත් සමග බයිසිකලය පැදීම නවත්වා දමන ලෙස රජ පවුල ඇයට නියෝග කළේය. පසුව ඇයගේ පියාගේ මිතුරෙකුට රහසේම එම බයිසිකලය විකුණනු ලැබිණි.
ඔහු එම බයිසිකලය ගරාජයක දමා, වසර 27 කට පසුව, 2008 වර්ෂයේ දී පවුම් 211 කට (රුපියල් 58,000 කට) විකිණීමට සමත්විය.
අඟල් 26 ක විශ්කම්භයකින් යුත් රෝද වලින් සමන්විත මෙම බයිසිකලය වේග තුනකින් පැදයා හැකිය. ඒ සඳහා වේගමාන (ගියර්) තුනක් තිබේ. එහි සුළං පොම්පය බයිසිකලයේ රාමුවට සවිකර තිබේ.
මෙවර වෙන්දේසිය මෙම මස අග භාගයේ දී සසෙක්ස් හි බර්ස්ටෝ සහ හෙවට් සමාගම විසින් අන්තර්ජාලය හරහා වෙන්දේසි කරනු ලැබීමට නියමිතය. එසේම මෙම බයිසිකලය වෙන්දේසියට දමා ඇති අය පවසන පරිදි මෙම බයිසිකලය ඩයනා කුමරියට කළ හිංසනයේ ප්රසිද්ධ සංකේතයකි.
ඇය සතුව තිබූ ඇයගේ ප්රියතම වස්තුවක් ඇයගෙන් ඈත් කිරීමකි. ඒ සමගම ඇයගේ සමාජයේ පෙනී සිටීම පාලනය කිරීමකි.
බයිසිකලය වෙන්දේසියට දමා ඇති අය පවසන්නේ ‘රාජකීයයන්ගේ මතක සටහන්‘ සඳහා මෑත කාලයේදී ඉහළ ඉල්ලුමක් ඇති බවයි.
==========================
ඩේල් මේල් ඇසුරිනි - මලීෂා ගුණවර්ධන
==========================
24 වැනි අයිෆා IIFA - International Indian Film Academy Awards සිනමා සම්මාන උළෙල අති උත්කර්ශවත් අන්දමින් පසුගිය දා අබු ඩාබි හිදී පැවැත්විණි. IIFA යනු ඉන්දියාවෙන් පිට පැවැත්වෙන ඉන්දීය සම
ලෝක ළමා සහ වැඩිහිටි දිනය අදට (01)යෙදී ඇත. මෙවර ලෝක ළමා දිනයේ තේමාව වන්නේ ‘‘දරුවන් රැකගමු සම සේ රැකගමු‘‘ යන්න වේ. මෙම දිනය නිමිත්තෙන් දිවයින පුරා දරුවන් වෙන
‘මර්බර්ග්’ නමැති වයිරසය මේ වනවිට අප්රිකා රාජ්යයක් වන රුවන්ඩාවේ ව්යාප්ත වෙමින් පවතින බව වාර්තා වේ. ‘මර්බර්ග්’ අයත් වන්නේ ද ‘ඉබෝලා’ වයිරසය අයත් වයි
ගෝලීය උණුසුම දිනෙන් දින ඉහළ ගොස්, ග්ලැසියර දියවී, ඉතාලියේත් ස්විට්සර්ලන්තයේත් දේශසීමාව වෙනස් වී ඇති බව විදෙස් මාධ්ය පවසයි.
තමන් සතු සියලුම හමුදා ශක්තිය යොදා ගනිමින්, ලෙබනනයේ හිස්බුල්ලා සටන්කාමීන් පරාජය කරන බවත්, දකුණුදිග ලෙබනනයේ හිස්බුල්ලා සටන්කාමීන්ට එරෙහිව ගොඩබිම සටන්
ලෙබනනයට පහර දීම ආරම්භ කළ ඊශ්රායලය අමුඅමුවේ අන්තර් ජාතික නීති උල්ලංඝනය කරන බවත් ඊශ්රායලයට හැකි උපරිමයෙන් සම්බාධක පැනැවීමක් කළ යුතු බවත් බෙල්ජියමේ අ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඩයනා කුමරියගෙන් උදුරාගත් නිදහසේ සංකේතය