2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
(අජන්ත කුමාර අගලකඩ)
ඩලස් අලහප්පෙරුම මහතාගේ නායකත්වයෙන් යුත් නිදහස ජනතා සභාවේ මන්ත්‍රී කණ්ඩායමේ බෙදීමක් ඇතිව තිබෙන අතර,මන්ත්‍රීවරුන් හතර දෙනකු සජිත් ප්‍රේමදාස මහතාගේ නායකත්වයෙන් යුත් සමගි ජන සන්ධානය සමඟ ළඟදීම එක්වීමට නියමිතව ඇතැයි දේශපාලන ආරංචි මාර්ග සඳහන් කරයි.
ඒ අනුව නිදහස ජනතා සභාවේ මහාචාර්ය ජී එල් පීරිස්,ඩිලාන් පෙරේරා, ආචාර්ය නාලක ගොඩහේවා සහ මහාචාර්ය චන්න ජයසුමන යන මන්ත්‍රීවරුන් සිවුදෙනා සජිත් ප්‍රේමදාස මහතාගේ කණ්ඩායම සමඟ ළඟදි ම එක්වීමට නියමිතව ඇතැයි එම ආරංචි මාර්ගවලින් පැවසේ.
සජිත් ප්‍රේමදාස මහතාගේ නායකත්වයෙන් යුත් සමගි ජන සන්ධානය සමඟ එක්වීම සම්බන්ධයෙන් නිදහස ජනතා සභාවේ මන්ත්‍රීවරුන් මත දෙකක් දරන අතර,රටේ ඇතිව තිබෙන ආර්ථික, දේශපාලන හා සමාජ අර්බුදකාරී තත්වය හමුවේ නිදහස ජනතා සභාව ඉතා ඉක්මනින්ම සජිත් ප්‍රේමදාස මහතාගේ නායකත්වයෙන් යුත් සමගි ජන සන්ධානය සමඟ එක්විය යුතු යැයි එම මන්ත්‍රීවරුන් සිවුදෙනා නිදහස ජනතා සභා මන්ත්‍රී කණ්ඩායම් රැස්වීමේදී ප්‍රකාශ කර ඇත.
ඩලස් අලහප්පෙරුම මහතා ඇතුළු කිහිප දෙනකු සඳහන් කර ඇත්තේ,සමගි ජන බලවේගය සමග එක්වන්නේ නම්,යම් කොන්දේසි මාලාවක් සහ වැඩපිළිවෙලක් සමඟ සන්ධානගත විය යුතු බවය.
එසේ නැතිව සමගි ජන බලවේගය සමග එක්වීමේ තේරුමක් නැති බව ඔවුන් පෙන්වා දී ඇත.
නිදහස ජනතා සභා මන්ත්‍රී කණ්ඩායම ඉකුත් අඟහරුවාදා නාවල පිහිටි පක්ෂ කාර්යාලයේදී රැස්වී මේ සම්බන්ධයෙන් දීර්ඝ වශයෙන් සාකච්ඡා කර ඇති අතර, නිදහස ජනතා සභාව සමගි ජන සන්ධානය සමඟ කඩිනමින්ම එක්විය යුතු බව මහාචාර්ය ජීඑල් පීරිස් ,ඩිලාන් පෙරේරා ,මහාචාර්ය චන්න ජයසුමන සහ ආචාර්ය නාලක ගොඩහේවා යන මහත්වරුන් එහිදී ප්‍රකාශ කර ඇතැයි දැනගන්නට ඇත.
ඒ අනුව එම මන්ත්‍රීවරුන් සිවු දෙනා ළඟදීම සජිත් පිල සමඟ එක්වීමට නියමිතව ඇත.
නිදහස ජනතා සභාව නියෝජනය කරන මන්ත්‍රීවරුන් ගණන දහතුනකි.
බදුල්ල දුන්හිඳ අබගහඔය 5 කනුව ප්‍රදේශයේදී ඉකුත දා සිදු බස් අනතුරින් තුවාල ලබා සිටි තවත් සිසුවකු අද මියගිය බව පොලිසිය කියයි.
එළැඹෙන උත්සවය සමය වෙනුවෙන් ලබන ජනවාරි මස 15 වෙනි දින දක්වා දිවයින පුරා වැටලීම් සහ විමර්ශන වැඩසටහන් ක්‍රියාත්මක කරන ලෙසට පාරිභෝගික කටයුතු පිළිබඳ අධිකා
නව ප්‍රජාතන්ත්‍රවාදී පෙරමුණට ලැබී ඇති ජාතික ලැයිස්තු මන්ත්‍රී ධුර දෙකෙන් අනෙක් මන්ත්‍රී ධූරය ශ්‍රී ලංකා නිදහස් පක්ෂයට ලබා දෙන ලෙස එම පක්ෂය ඉල්ලීමක්
පුරා දින තුනක් තිස්සේ කැණීමට ලක් කරනු ලැබූ වේයන්ගොඩ වඳුරව නිදන් ඇතැයි කියන ස්ථානයෙන් ගොඩ ගැනුණු විවිධ ප්‍රමාණයේ ගල් කුට්ටි විස්සක් විදුම් යන්ත්‍රයක
ජාත්‍යන්තර මුල්‍ය අරමුදල මෙරටට ලබාදී ඇති ආධාර වැඩසටහනේ ප්‍රගතිය සම්බන්ධයෙන් කළ තෙවැනි සමාලෝචනය අවසන් කරමින් ශ්‍රී ලංකා බලධාරීන් සහ ජාත්‍යන්තර මූල්
පළාත් පාලන මැතිවරණය ලබන වසරේ මුලදී පැවැත්වීමට තීරණය කර ඇතැයි විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය
2024 නොවැම්බර් මස 05
500
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
714
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
ඩලස්ගේ කෑල්ලක් සජිත් ළඟට ?
Saki Saturday, 16 December 2023 09:06 PM
ඉතාමත් හොඳ ආකල්පයක්, ඔය සන්ධානගතවීම NPP වගේ බහුල වැඩපිළිවෙළක් තිබේනම් මම අගයමි... නමුත් ප්‍රබල UNP වන අපි දැනට NPP එකට සම්බන්ධයි. බලමු ඔයාලගේ වැඩපිළිවෙළ...!
විපරමා Saturday, 16 December 2023 09:28 PM
ඔය සෙට් එකෙන් ජී.එල්. පීරිස් නම් එහෙට මෙහෙට තමුන්ගේ වාසියට, පැවැත්මට පැනලා හොඳට පුරුදු කෙනෙක්...
SAM Saturday, 16 December 2023 10:00 PM
දශක ගණනාවක් අවස්ථාවාදීව බලය වෙනුවෙන්ම දූෂිත දේශපාලනයේ යෙදි සිටිනා ඔවුන් කළයුත්තේ කුමක්ද? පවා මේ වනවිට අමතකව ගොස්, රටතුළ ඔවුන් විසින් නිර්මාණයකල දේශපාලන පරිසරය/ ප්‍රහේලිකාව තුළම ඔවුන්ව මේ වනවිට පැටලී අතරමංව මංමුලා වී සිටියි...
C.K.Lankaputhra Sunday, 17 December 2023 03:48 AM
ප්‍රතිපත්ති දේශපාලනය හා අවස්ථාවාදී දේශපාලනය අතර වෙනස. නොහොත් වවුල් ප්‍රතිපත්තිය...!
gunarathna Sunday, 17 December 2023 06:48 AM
කිසිම ජනවරමක් නැති, යනඑන මං නැති නිසා සජිත් එක්ක එකතු වෙන්න හදන්නේ. නමුත් ඔය තුන් දෙනා අවසානේ සාටකේ තමයි.
Ajantha Sunday, 17 December 2023 07:44 AM
මේ ඔක්කොම යාළුවෝ මල්ලි...!
Nimal Sunday, 17 December 2023 10:23 AM
ඩිලාන් පෙරේරා එහෙම මොන පක්ෂයේ ඉන්නවද කියලාවත් මට නම් මතක නැහැ දැන්...!
ගජමිතුරු Sunday, 17 December 2023 01:33 PM
මට නම් ඔහුගේ යාලුවා නාලන්ද මතක් වුණා. සජිත් මහත්තයෝ ප්‍රවේශමෙන් හොඳේ...
සිල්වා Sunday, 17 December 2023 12:45 PM
නොයෙකුත් චෝදනා සහ බෙදුම්වාදී අදහස් තිබෙන අය ගැන පරිස්සම් වියයුතුයි. ඔවුන් දේශපාලනයෙන් ඉවත් කළ යුතුයි...!
podi hadaya Sunday, 17 December 2023 03:21 PM
ඔබතුමා ඔය අය එක්කෙනෙක්වත් ගන්න එපා... ගොඩහේවා ඉතාම අප්‍රසිද්ධ චෝදනා තිබෙන කෙනෙක් පැත්ත පළාතේ ගන්න එපා. ජී.එල් සීයා මොලේ තිබුණාට ජනතාව ගැන සානුකම්පිත කෙනෙක් නෙවෙයි...
Prabha Sunday, 17 December 2023 08:21 PM
එතකොට සජිත් බබාට චෝදනා නැද්ද ?
දාස Sunday, 17 December 2023 03:52 PM
අනුර කුමාර කිව්වා වගේ මේ ඔක්කොම එකට එක්වෙනවා. අවසානයේ ඡන්දෙට ඉන්නේ පිල් දෙකයි, සජබ සමග එක්වන අය සහ ජජබ වේගයයි...!
Chandima Sunday, 17 December 2023 04:02 PM
හුළං බහිනකොට පුම්බනවා. කොච්චර පිම්බුවත් දැන් දැකලා දැකලා එපාවෙලා තියෙන්නේ..? තව එක වාරයයි එන්න තියෙන්නේ. ඒකෙන් පාරෙ කට්ටියටම දෙවියන්ගේ පිහිටයි. ගෙවන අයටත් දේවියන්ගේම පිහිටයි.
ranjith Sunday, 17 December 2023 04:18 PM
සමස්ත විපක්ෂයම රටට ආදරේ ඇත්නම් පොදු ජනතා හිතවාදී වැඩපිළිවෙළක් හදන්න. තමන්ට බලය ගන්නම හිතන්න එපා. එහෙම කළොත් ජනතාවට ජීවත් වෙන්න මගක් නැති කරපු අලි-පොහොට්ටු නඩය පන්නන එක ඉතා පහසු වෙනවා.
නිලන්ත Sunday, 17 December 2023 05:45 PM
ඵල ඇති රුකේ වවුලොත් එල්ලෙති... පේනූ මම එහෙම කිව්වේ 2024 සැප්තැම්බර් ආසන්න කාලයේ ගුරු ගෝල සටනක් තියෙන නිසා. අතීතය අමතක දෙවරක්ම රට විනාශය කරා ගෙනගිය දැනටත් වර්ජන තර්ජන කරමින් රටේ ගමන ආපස්සට අදින මාලිමාව පොහොට්ටුවේ ජයට පාර තනන නිසාත් සියල්ලටම අකැමැති පිරිසක් වැඩියෙන් ගෙඩි තියෙන ගහේ එල්ලෙන නිසාත් කියලා කියන්න ඕනෑ...
නදුන් Sunday, 17 December 2023 05:55 PM
දවසේ අවශ්‍යතාවයට පිළියමක්. ජී.එල්. නම් දැන් විශ්‍රාම ගතයුතුයි. මාහාචාර්ය චන්න ජයසුමන එක්වීම හොඳ දෙයක්. මහාචාර්ය චරිත හේරත් එනවා නම් තව හොඳයි.. මම කලින් සජිත්ට කැමැති නැහැ. නමුත් දැන් ඔහු හොඳ ප්‍රගතියක් ලබලා තියෙනවා...