(අංජුල මහික වීරරත්න)

තේ වගාව සඳහා යොදන ටී -750, ටී- 709 සහ ටී- 200 යන පොහොර වර්ග තුනක මිල රුපියල් 2000 කින් අඩු කිරීමට කෘෂිකර්ම  හා වැවිලි කර්මාන්ත අමාත්‍ය මහින්ද අමරවීර මහතා තීරණය කළේය.

 දැනට වෙළෙඳ පොලේ පවතින මිලට වඩා සියයට 50කින් පොහොර මිල අඩු කරන බව කෘෂිකර්ම අමාත්‍යාංශය පවසයි. 

මේ අනුව ටී-750 සහ ටී - 709 පොහොර මිටියක මිල රුපියල්  7735 දක්වාත් T-200 පොහොර මිටියක මිල රුපියල් 5500 දක්වාත් අඩු කිරීමට පියවර ගන්නා ලෙස කෘෂිකර්ම සහ වැවිලි කර්මාන්ත  අමාත්‍ය මහින්ද අමරවීර මහතා  රජයට අයත් පොහොර සමාගම්  දෙකේ සභාපති ආචාර්ය ජගත් පෙරේරා මහතාට උපදෙස් දුන්නේය.

මෙම පොහොර සහනාධාරය  කුඩා හා මධ්‍යම පරිමාණ තේ වගාවට ලබා දෙන අතර මහ පරිමාණ තේ වගා කරන  සමාගම් සඳහා ඉහත පොහොර රුපියල් 9935ක මුදලට ලබා දීමට පියවර ගෙන තිබේ.