(ටෝනි කරුණානායක)

ඩුබායි රටේ සිටින ගම්පහ පද්මේ නමැති පාතාල සාමාජිකයාගේ සමිපතමයකු යැයි කියන ගිහාන් නමැති පස් ව්‍යාපාරිකයා  සීදුව කොටුගොඩ මාර්ගයේ ගලිගන්එලිය හංදියේදී වෙඩි තබා ඝාතනය කර ඇතැයි සීදුව පොලිසිය පවසයි.

ඝාතනයට ලක්වූ ගිහාන් නැමැත්තා කැඳ බීම සඳහා කැද අලෙවිසැලක් වෙත ගොස් සිටියදී යතුරු පැදියකින් පැමිණ ඇති නාදුනන තුවක්කු කරුවකු විසින් එල්ල කරන ලද වෙඩි පහරින් බරපතළ තුවාල ලබා රාගම රෝහලට රැගෙන යන අවස්ථාවේදී මියගොස් ඇති බවද පොලිසිය කියයි.

එම කැද කඩය පවත්වාගෙන යන 62 හැවිරිදි කාන්තාවටද වෙඩි වැදී තුවාල සිදුවීම හේතුවෙන් ඇයවද රාගම රෝහලට ඇතුළත් කළ බව සීදූව පොලිසිය පවසයි.

රද්දොළුගම , ලාහුවල පාරේ පදිංචි කොටගෙදර ලියනගේ ගිහාන් කාංචන පෙරේරා නැමැති 39 හැවිරිදි මරණකරු 2018 වර්ෂයේ ජනවාරි මසදී ගම්පහ , බටපොත ප්‍රදේශයේදී පුද්ගලයකු වෙඩි තබා ඝාතනය කිරීමට සම්බන්ධව තොරතුරු ලබා දීමේ චෝදනා මත බන්ධනාගාර ගතගතව සිට පැමිණි අයකු බව පොලිසිය වැඩිදුරටත් සදහන් කලේය .

මරණකරු බැකෝ යන්ත්‍ර සහ ටිපර් රථ යොදාගෙන පස් ව්‍යාපාරය සිදු කරන අයෙකු බව පොලිසිය පවසයි .

මියගිය ගිහාන් නාදුනන තුවක්කුකරුගේ වෙඩි පපහරින් මියගිය පස් පොඩ්ඩා නැමැත්තා ගේ ද සමිපතමයකු බවද පොලිසිය කියයි .