(නිමල කොඩිතුවක්කු)

දුම්රිය ධාවනාගාරය සේවකයින් කිහිප දෙනෙකුට කොවිඩ් ආසාදනය වීම හේතුවෙන් අද (16) දිනයේත් දුම්රිය ධාවනයට බාධා එල්ල වී ඇත.

මේ හේතුවෙන් රැකියා සහ වෙනත් අවශ්‍යතාවය සඳහා පැමිණි මගින් විශාල පිරිසක් දැඩි අසීරුතාවයකට පත් වූහ.

දුම්රිය ගමන්වාර කීපයකට බාධා එල්ල වුවත් ගැටලුවකින් තොරව දුම්රිය ධාවනය සඳහා පියවර ගන්නා ලෙසට උපදෙස් ලබාදී ඇතැයි මේ සම්බන්ධයෙන් කළ විමසීමකදී දුම්රිය සාමාන්‍යධිකාරී ධම්මික ජයසුන්දර මහතා ලංකාදීපයට පැවසීය.

ආසාදිතයන් වාර්තා වූ ධාවනාගාරය හැර අනෙකුත් ධාවනාගාර වලින් දුම්රිය ධාවනයට පියවර ගෙන ඇති බවත් ඔහු සඳහන් කළේය.

කොවීඩ් රෝගීන්⁣ගේ ආශ්‍රිතයන් හඳුනාගෙන ඔවුන් පී. සී. ආර් පරීක්ෂණ සඳහා යොමු කිරීමට පියවර ගෙන ඇති බවත් දුම්රිය සාමාන්‍යාධිකාරිවරයා සඳහන් කළේය.