(නිමල් ජයරත්න)

දිඹුලාගල ප්‍රාදේශීය සභාව මගින් නඩත්තු කරන සිරිපුර, දිඹුලාගල, නුවරගල, වෙහෙරගල යන ජල පාරිභෝගික සේවා මධ්‍යස්ථාන වල ටැංකිවලට කල් ඉකුත් වූ ක්ලෝරීන් දැමීම හේතුවෙන් ප්‍රදේශයේ ගම්මාන රැසක පාරිභෝගිකයින් 700 පුද්ගලයන් 25,000 වැඩි පිරිස්කගේ ජීවිත අවදානමකට ලක්ව ඇති බව එම මධ්‍යස්ථාන හතරෙහි ජලය ලබාගන්නා ජල පාරිභෝගිකයෝ සඳහන් කරති.

දිඹුලාගල ප්‍රාදේශීය සභාව මගින් ක්ලෝරීන්  බූලි ගෙනවිත් ඇති අතර එය 2022 ජනවාරි 01 වෙනිදා කල් ඉකුත් වන බවට මුද්‍රණය කර තිබුණද ඒවා වසර වෙනස් කර  අදාළ ජල ටැංකිවලට යොදන බවද ප්‍රදේශයේ ජල පාරිභෝගිකයෝ සහ මහජන පරීක්ෂකවරු සඳහන් කරති.

මේ පිළිබඳ අප සොයා 23 වැනි දා දිනයේද සිරිපුර ජල පාරිභෝගික සේවා මධ්‍යස්ථානයට ගිය විට එදින ද ක්ලෝරින් ග්‍රෑම් 500 ක් එම ටැංකිවලට යොදා ඇති බවට සටහන් කර තිබිණි, ඉකුත් ජනවාරියේ සිට මේ දක්වා අදාළ ජල පාරිභෝගික සේවා මධ්‍යස්ථාන වෙතින් ලබාදෙන ජලය අපිරිසිදු සහ අසූචි මිශ්‍ර බවට ප්‍රදේශයේ මහජන සෞඛ්‍ය පරීක්ෂකවරුන් ශබ්ද විකාශන යන්ත්‍ර යොදා නිවේදනය කරද වෙනත් ජල මූලාශ්‍ර ඔවුනට නොමැති නිසා එම ජලය පානය කිරීමට හුරුවී ඇති බවද මහජන සෞඛ්‍ය පරීක්ෂක සඳහන් කරති.