(සුජිත් හේවාජුලිගේ)
ජනාධිපතිවරණය සඳහා නාම යෝජනා බාර ගැනීම විශේෂ අාරක්ෂක විධිවිධාන සහිතව අනිද්දා (15) පෙරවරු 9.00 ට ආරම්භ කෙරෙන බව මැතිවරණ කොමිෂන් සභාවේ සභාපති ආනන්ද රත්නායක මහතා පැවසීය.
නාම යෝජනා බාර ගැනීම අනිද්දා (15) උදේ 9.00සිට 11.00 දක්වා සිදු කෙරේ.
නාම යෝජනා සම්බන්ධයෙන් විරෝධතා දැක්වීම උදේ 11.00 සිට 11.30 දක්වා කළ හැකිවේ.
විරෝධතා කාලය අවසන් වීමෙන් පසු පක්ෂ සහ ස්වාධීන අපේක්ෂකයන් සඳහා ඡන්ද ලකුණු නිකුත් කිරීම කරන බව මැතිවරණ කොමිෂන් සභාව පවසයි.
මේ කාලයේදී මැතිවරණ කොමිෂන් සභාවට සහ ඒ අවට ප්රදේශයට විශේෂ ආරක්ෂාව සැපයීමට රජය තීරණය කර ඇත.
නාම යෝජනා බාර ගන්නා අවස්ථාවේදි එම ප්රදේශය අධි ආරක්ෂක කලාපයක් බවට පත් කෙරෙන අතර කලාපයට ඇතුළුවිය හැක්කේ අවසර ලත් පුද්ගලයන් සහ අවසර ලත් වාහනවලට පමණි.
නාම යෝජනා බාර ගන්නා කාලයේදී සරණ මාවත ආශ්රිත රජයේ ආයතන සහ රෝහල් වසා දමන හෙයින් සාමාන්ය කටයුතු සහ වෙනත් රාජකාරී සඳහා පැමිණීමෙන් වළකින ලෙස මහජනතාවගෙන් ඉල්ලීමක් කෙරේ.
නාමයෝජනා බාරදීමට ශාලාවට පැමිණිය හැක්කේ අපේක්ෂකයාට සහ තවත් දෙදෙනෙකුට පමණක් බවත් ඒ අයට විශේෂ අවසර පත්ර නිකුත් කර ඇති බවත් කොමිසමේ සභාපතිවරයා කීවේය.
ඒ වගේම තවත් අමුත්තන් තිදෙනකුට මැතිවරණ කොමසාරිස් කාර්යාලයට යාබද ගොඩනැගිල්ලේ රැඳ සිටීමට අවසර දෙනු ලැබේ
සරණ මාවතට ඇතුළු විය හැක්කේ අපේක්ෂකයා රැගෙන එන වාහනයට පමණකි. අපේක්ෂකයා සරණ මාවතේ අවසාන මාර්ග බාධකය ආසන්නයේදී වාහනය නවතා මැතිවරණ කාර්යාලයට පයින් ගමන් කළ යුතුය. අපේක්ෂකයන් සමග එන ආධාරකරුවන්ට රැඳී සිටීමට විශේෂ ස්ථාන සලසා ඇත.
නාම යෝජනා බාරදීමෙන් අනතුරුව පෙලපාලි පැවැත්වීම තහනම් බව කොමිසම සඳහන් කරයි.
නාම යෝජනා කැඳවා දින පහක් ඇතුළත අපේක්ෂකයන් කැඳවා එක් අපේක්ෂකයකු වෙනුවෙන් වියදම් කළ යුතු මුදල දැනුම් දෙන බව කොමිසමේ ප්රකාශකයෙක් පැවසීය.
නාමයෝජනා දිනයෙන් පසු නිල ඡ න්ද දැන්වීම් පත්රිකා බෙදා හැරීම ආරම්භ කරන බවද ඔහු සඳහන් කළේය.
ජනාධිපතිවරණයට අයවැයෙන් වෙන්කර ඇත්තේ රුපියල් කෝටි 1000 ක් පමණක් බවත් මෙම මුදල වැඩි කර ගැනීමේ හැකියාවක් නැති බවත් කොමිසම පවසයි.
කෙසේ වෙතත් වැඩිවන අපේක්ෂකයන් අනුව අායතන වියදම් සහ මුද්රණාල වියදම් සියල්ල වැඩි වන බව පවසන කොමිසම එය විශාල අභියෝගයක් බවද සඳහන් කරයි.
මැතිවරණ කටයුතු නිරීක්ෂණයට යුරෝපා සංගමය සහ පොදුරාජ්ය මණ්ඩලය ඉල්ලීම් කර ඇති බවත් ඒ අයගේ වියදමින් ඒ කටයුතු කරන බවත් ආනන්ද රත්නායක මහතා පැවසීය.
එමෙන්ම මැතිවරණ නිරීක්ෂණ කටයුතු සඳහා ආසියාවේ රටවල් කිහිපයකටද ආරාධනා කරන බව ඔහු සඳහන් කළේය.
නාමයෝජනා බාර ගන්නා දින මැතිවරණ කාර්යාලයේ ආරක්ෂාව සඳහා 1500ක පමණ පොලිස් සහ පොලිස් විශේෂ කාර්ය බලකා නිලධාරීහු පිරිසක් යෙදවෙති
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
හිස්බුල්ලා සටන්කාමීන් ඉලක්ක කර ගනිමින් ඊශ්රායලය දිගින් දිගටම ප්රහාර එල්ල කරන බවත්, පසුගිය පැය 24 ක කාලය ඇතුළත ඊශ්රායල හමුදා එල්ල කළ ප්රහාරවලින් මි
ඌව වෙල්ලස්ස විශ්වවිද්යාලය අසල ග්ලේන්පින්වත්ත හිගුරුගමුව රක්ෂිතයේ රාත්රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ
පොදු ජන පෙරමුණේ සිතූ තරම් පිරිසක් තමාට ඡන්දය ලබාදී නැතැයි හිටපු ජනාධිපති රනිල් වික්රමසිංහ මහතා පාක්ෂිකයන් සහ හිතවතුන් සමග කොළඹ මල් පාරේ දේශපාලන කාර
රට හදන්නට ජනපතිට සම්පූර්ණ සහය දෙන බව මැල්කම් කාදිනල් රංජිත් කොළඹ අගරදගුරු තුමන් ජනාධිපති අනුර දිසානායක මහතා හමුවේ පැවසීය.
රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
නාම යෝජනා කැදවෙන්නේ මෙහෙමයි
ගාමිණි Tuesday, 13 August 2024 04:41 PM
රෝහල් ටික වැහුවාට පස්සේ ලෙඩ්ඩු මවුන්ට් එලිසබෙත් යන්නද කියන්නේ...!