(බිමල් ශ්‍යාමන් ජයසිංහ)

2024 පාර්ලිමේන්තු මහා මැතිවරණයට  කළුතර දිස්ත්‍රික්කය පුරා ඡන්ද මධ්‍යස්ථාන 735 සඳහා රාජ්‍ය නිලධාරීන් 9000 ක ප්‍රමාණයක් යොදවනු  ඇතැයි කළුතර මහා දිසාපති සහ තේරීම් භාර නිලධාරී ජනක , කේ . ගුණවර්ධන මහතා පැවසීය.

එම මධ්‍යස්ථානවල ආරක්ෂාව සඳහා පොලිස් නිලධාරීන් 1500 ක් ඇතුළුව දිස්ත්‍රික්කය  පුරා ආරක්ෂක කටයුතු සඳහා පොලිස් නිලධාරීන් 4000 ක් පමණ යෙදවීමට නියමිතය.

ඡන්ද ගණන් කිරීමේ මධ්‍යස්ථාන 124 සඳහා රාජ්‍ය නිලධාරීන් 6000ක් යෙදවීම සඳහා අපි යුතු කරන බව තේරීම් බාර නිලධාරීවරයා පැවසීය.

මෙවර ප්‍රධාන ගණන් කිරීමේ මධ්‍යස්ථාන වන කළුතර පස්දුන් රට විද්‍යා පීඨය , මියුසියස්  විදුහල සහ තිස්ස විදුහල යොදවා තිබෙන අතර තිස්ස විදුහලේ  කළුතර අගලවත්ත සහ බේරුවල ආසනවල ඡන්ද ගණන් කිරීමටද නියමිත බව තේරීම් බාර නිලධාරීවරයා කීය

තැපැල් ඡන්ද ගණන් කිරීම මියුසියස්  විදුහලේ සිදු කිරීමට නියමිතව ඇතැයි තේරීම් බාර නිලධාරීවරයා වැඩිදුරටත් පැවසීය.