(ඉන්දිකා  රාමනායක)

ආහාර විෂ වීමකින් මඩකලපුව  වාකරේ 233 වන බලසේනා මූලස්ථානයේ  සෙබළුන්  16 දෙනකු මඩකලපුව රෝහලට ඇතුළත් කර ඇතැයි හමුදාව පවසයි .

මෙම පිරිසගෙන්  15 දෙනකු අද  දින වන විටත් මඩකලපුව රෝහලේ ප්‍රතිකාර ලබමින් සිටින බව  රෝහල් ආරංචි මාර්ග සඳහන් කරයි .

පුඩිං වර්ගයක් ආහාරයට ගැනීමෙන් පසු මෙම පිරිසක්  මෙලෙස  රෝගාතුර වී ඇති අතර , ඉන් 16 දෙනකු රෝහල් ගතකර බව හමුදා ආරංචි මාර්ග පවසයි.

රෝහල්ගත වී සිටින පිරිසගේ තත්ත්වය බරපතළ නොවන බවද හමුදා ආරංචිමාර්ග වැඩිදුරටත් පවසයි .