පීඩාවට පත් ලාංකිකයන්ට සහය දෙන්න

(ඩයනා උදයංගනී)

පවතින ආර්ථික අර්බුදය හමුවේ පීඩාවට පත්ව සිටින ශ්‍රී ලාංකික ජනතාව වෙනුවෙන් රටට සහයෝගය සහ ආධාර ලබාදෙන්නැයි ලෝක නායකයන්ගෙන් ඉල්ලා සිටින බව හිටපු ජනාධිපති මෛත්‍රීපාල සිරිසේන මහතා දකුණු කොරියාවේ සියොල් නුවරදී පැවති ආසියා පැසිපික් කලාපයේ ජ්‍යෙෂ්ඨ දේශපාලන නායකයින්ගේ සමුළුව අමතමින් පැවසීය.

පවතින අසීරු අවස්ථාවේ ශ්‍රී ලංකාවේ රාජ්‍ය නායකයකු ලෙස තමන් රටේ අසරණ සහ දුගීභාවයට පත් ජනතාව වෙනුවෙන් සියලු දෙනාගේ සහයෝගීතාව හා සහෝදරත්වය අපේක්ෂා කරන බව ද මෛත්‍රීපාල සිරිසේන මහතා සඳහන් කළේය.

රටක් සාර්ථකව ඉදිරියට යාමට නම් අරමුණට අවංක වූ ආණ්ඩු පක්ෂයක්ද, පටු දේශපාලනික අරමුණු වලින් ඔබ්බට සිතන ප්‍රගතීශීලී විපක්ෂයක්ද තිබීම වැදගත් බවත්, එසේ නොවන විට එහි විපාක විඳින්නේ ජනතාව මිස දේශපාලනඥයින් නොවන බවත් මෛත්‍රීපාල සිරිසේන මහතා පැවසිය.

දකුනු අප්‍රිකානු නායක නෙල්සන් මැන්ඩේලා වැනි අව්‍යාජ සෘජු නායකයන්ට අසාධාරණ ලෙස විවිධ දඬුවම් විඳින්නට සිදුවීම ස්වභාවික බව කී මෛත්‍රීපාල සිරිසේන මහතා ඊට හේතුව යුක්තිය දේශපාලනීකරණයවීම බවත්, ඒ සියල්ල නිහඬව දරාගන්නා නායකයින් අභියෝග මැද සිය අවසාන අරමුණ ජයගන්නා බව ද සඳහන් කළේය.

අදහස් (7)

පීඩාවට පත් ලාංකිකයන්ට සහය දෙන්න

kamal Monday, 27 February 2023 01:04 PM

බලන්න මෙතුමා රටට කොයිතරම් ආදරේද? ලෝකේ පුරා ගිහින් රට වෙනුවෙන් හිඟාකනවා. වැලපෙනවා. අපිට කන්න නැහැයි කියනවා, බොන්න නැහැයි කියනවා, කීයක් හරි දෙන්න කියනවා. මට නම් මෙයාට තව වතාවක් දෙන්නමයි හිත... මෙයා ඉන්නකම් මොනතරම් දෙයක් රට වෙනුවෙන් කළාද? පාස්කු ප්‍රහාරය වළක්වා ගත්තු එකම මදැයි...!

: 0 16

ගමේ එකාලා Monday, 27 February 2023 01:22 PM

දූෂිත දේසපාලුවෝ රටම හොරාකාලා විනාශ කෙරුවා .දැන් ආදාර හින්ගාකනවා..හෙල්පින්ග් හම්බන්තොට වගේ ගිණුමක් දාගත්තනම් හොදා ???

: 1 10

බද්රානි Monday, 27 February 2023 01:59 PM

ඊයා.. ලැජ්ජාවේ පනයනවා!! ඇඳුමක් ඇඳගෙන කොහොමද අපි ලෝකෙන්ම උතුම් රටේ ප්‍රෞඩ ජාතිය ලෙස ලෝකෙට මුහුණ දෙන්නේ.. හොර තක්කඩි දේශපාලකයෝ ලංකාවේ ඇතුලේ පදින වාහන දිහා බැලුවාම රටේ ජනතාව හිඟන්නන් බවට පත් කලේ කවුරුන්ද කියලා ලෝක නායකයින්ට තේරුම් ගන්න අපහසු නැහැ. ලංකාව ඇතුලේ උජාරුවෙන් හිටියට ලෝකෙට හිඟන්නු!! අනේ මෙහෙමත් කරුමක්කාර ජීවිත, මේ මහපොළොව බදාගෙන සදා නොමැරී ජීවත් වෙන්න හදන බහිරවයෝ!!

: 0 12

Hafeel Monday, 27 February 2023 02:10 PM

මෙයා හිතාගන ඉන්නේ තවම මෙයා රටේ රාජ්‍ය නායකයක් කියල. පාස්කු ප්‍රහාරය වලක් වන්න අවස්තාව තියද්දීත්, තමාගේ වගකීම් ඉටු නොකර, දැන් මෙයාට රටේ ජනතාව ගැන කිඹුල් කඳුළ හලනවා. මෙයාගේ හුස්ම වදින තැනත් ඉන්න හොඳ නැහැ.

: 1 14

ටිකිරිබුවා Monday, 27 February 2023 02:21 PM

කැලේ ඉන්න රිලවෙකුට අපේ ඡන්ද දුන්නත්, ඔහේට නම් දෙන්නේ නැහැ...

: 1 17

Prabha Monday, 27 February 2023 04:01 PM

හිඟාකන්න කළින් හොරාකාපුවා වමාරලා ඉන්න...

: 0 10

Sethuhami Monday, 27 February 2023 04:32 PM

පීඩාවට පත්කළේ ඔයාලනේ... කාලකණ්ණි.. දැන් බොරුවට කිඹුල් කඳුළු හෙළනවා.

: 0 5

ඔබේ අදහස් එවන්න

දියත

අකුරණ නගරය ජලයෙන් යටවෙයි

2024 නොවැම්බර් මස 15 147 0

මහනුවර දිස්ත්‍රික්කයේ ඇතැම් ප්‍රදේශවලට අද( 15 ) සවස් කාලයේ ඇති වූ අධික වර්ෂාව හේතුවෙන් අකුරණ නගරයේ අදත් ගංවතුර තත්වයක් ඇතිව තිබිණි.

කාන්තාවෝ 20ක් දියවන්නාවට යති

2024 නොවැම්බර් මස 15 581 0

මෙවර පාර්ලිමේන්තු මහ මැතිවරණයෙන් කාන්තාවන් විස්සකට වැඩි පිරිසක් තේරී පත්ව සිටීම විශේෂත්වයකි.මින් කාන්තාවන් වැඩි පිරිසක් තේරී පත්ව සිටින්නේ ජාති

’ජනතාව තැබූ විශ්වාසය කිසි දිනෙක පළුදු කරන්නේ නෑ’

2024 නොවැම්බර් මස 15 186 0

ජාතික ජන බලවේගයට පාර්ලිමේන්තුවේ ආසන 159 ක් ලබා දෙමින් ජනතාව තැබූ විශ්වාසය කිසිදිනක පළුදු නොකරන බවත් එම බලය ශ්‍රී ලංකාව ගොඩ ගැනීම සඳහා යොදා ගන්නා බවත් ජන

දිවුලපිටියේ මනාප පරක්කු වුණැයි චෝදනාවක්

2024 නොවැම්බර් මස 15 909 0

ගම්පහ දිස්ත්‍රික් මැතිවරණ ප්‍රතිඵල නිකුත් කිරීම සඳහා දිවුුුුුුුලපිටිය මැතිවරණ කොට්ඨාසයේ ඡන්ද ගණන් කිරීමේ මධ්‍යස්ථානයක ප්‍රතිඵල ලේඛනය පත්තල ගෙදර

මහින්දගේ වාර්තාව හරිනි බිදියි

2024 නොවැම්බර් මස 15 789 0

අගමැතිනි ආචාර්ය හරිනි අමරසූරිය මහත්මිය මෙවර කොළඹ දිස්ත්‍රික්කයෙන් මනාප ඡන්ද 655,289 ක් ලබාගෙන එම ලැයිස්තුවේ පළමු ස්ථානයට පත්ව සිටින්නීය.

හිටපු මැති ඇමතිලා අනූ දෙකක් ගෙදර

2024 නොවැම්බර් මස 15 1120 3

මෙවර පාර්ලිමේන්තු මහ මැතිවරණයට දිවයිනේ විවිධ දිස්ත්‍රික්කවලින් ඉදිරිපත් වූ හිටපු මැති ඇමතිවරු 92ක් පරාජයට පත්වූහ.